تقرير بالصور تجربه تغير مفتاح مطوه للسيراتو ...
السلام عليكم
من زمان و انا عاجبني مفاتيح المطوه ديه تحسها شيك كدة بدل العك الي في مفاتيح السيراتوا ام جلده معفنه
المهم كنت طالب من ebay مفتاح مطوه لمفتاح الفبريكة يعمل حوال 70 90 جنيه بالشحن و الضرايب و كله
استخدمت شركه ادفعلي ووصل بعديها بشهر و نص و استلمت من ارمكس بس كان مفتوح الكيس و العلامة بتاعت المفتاح مسروفه
المهم ركنته و بقاله سنه و كبرت دماغي عشان لما استلمته سالت واحد بتاع مفتايح قالي السلاح الي فيه مش بتاع العربية و لازم نعمله سلاح جديد
قالبلت واحد معرفه من يومين معاه سيراتوا 2011 خليجي فيها مفتاح شبه بتاعي بظبط اتاريه متركب و عربيته فيها اموبلايزر
المهم الراجل قاله انسخلك نسخه الامبوليز على مفتاح جديد على شريحه جديدة ب 250 جنيه عشان انتا حبيبي و اركبلك انذار جديد بمتاحين مطوه زي بتوع ال 2014 ب 120 جنيه هوا اتوكل على الله عمل كدة
و انا روحت جبت البلاستكه الفاضية نقلت الرموت جواه و الراجل عمل سن من مفتاح كيا تاني عنده ابو جلده ده و قص الكاوتش و طلع المفتاح قصير
عمل واحد تاني حديد كدة و قصه عشان يركب على الرموت المهم لزقه بماده و لزق التنين و اختراعتات و قالي اوعا وشك دور دارت الدنيا زي الفل مفتاح حلاوه
روحت نمت و راحت الشغل النهارده ولا ملك زماني كاني شاري عربيه جديده قلت سوسو اجدع عربية في الدنيا
المهم لسه مروح النهاردة ببص في المفتاح الاقيه وقع من مكانه و مبقاش ثابت ولا كانه كان ملزوق بماده التنين بتاعت اجداده ديه
المهم اتعكننت و قلت يلعن ..... و فكيته و رجعت المفتاح الفبريكة و الرموت المدلد المعفن و قلت حسبي الله و نعم الولكل
تكلفه المفتاح عندي كانت 27 جنيه و 3 جنيه علامة مفتاح مضروبه كدة
نصيحة من اخوكم متعملش ولا تجري ولا مفتايح البصمة المضروب :( بيع العربية و اشتري اي عربية بمفتاح بصمه فريكه عشان فارق فرق السما و الارض !
الصور :
http://s3.postimg.org/d9tv7z583/2014..._i_OS_Copy.jpg
http://s3.postimg.org/64245iw4z/2014..._i_OS_Copy.jpg
http://s3.postimg.org/5sknsrfoz/2014..._i_OS_Copy.jpg
http://s3.postimg.org/pr0iv50dv/2014..._i_OS_Copy.jpg
