مشاكل فى فتيس الشاهين .....محتاج مساعدة ضرورى

**celine_back** · 30-09-2008 01:20 PM

السلام عليكم
انا معايا شاهين مو 2003 وفى مشكله فى النقلات مضيقانى اوى ...فى الاول والتانى بحس ان النقله بتبقى على مرحلتين يعنى بحس انها بتخبط فى حاجة قبل ما تدخل الحارة بتاعتها وبتقى ظاهرة اوى والعربية لسه باردة(مش عارف ينفع اقول انها بتعض ولا لأ) ....بس طبعا الكلام دا وهى ماشيه بس لكن وهى واقفة بتبقى انعم من الحرير (نظام بتغيظنى)وعلى السرعات العالية بحس ان الخامس بيلزق فى الحارة ومش بيبقى راضى يطلع منها الا بالعافية واحيانا التانى برضة ....دا غير طبعا ان الدبرياج حجر كعادة الشاهين ..ولما العربية بتبقى ماشية ممورة بحس انها فى صوت احتكاك كدة فى العربية....انا غيرت سلك الدبرياج علشان كان بيزيق بس برضة ما فيش فايدة ....يا ريت لو حد قابل المشكله دى او يعرف حلها يقولى علشان قرفانى اوى

**فادى** · 30-09-2008 07:50 PM

مفيش أى حاجة عندك, العربية طبيعية, هى فتيسها تقيل شوية ده شىء طبيعى, و بيعض فى الأول و التانى لما تكون لسه باردة ده شىء طبيعى برضو, و خصوصا فى الأول و المارشيدير اى عربية لازم تعض فيهم,
بالنسبة للدبرياج فممكن يكون السلك بقى خشن شوية, يستحسن تغيره عشان ميتقطعش,
أما مشكلة الصوت و انت ممور, فعاوز اسألك هل الصوت بيروح و لما تدوس دبرياج؟!
لو كده ممكن تكون بلية الدبرياج أو فرشة الدبرياج, و لازم تصلح العطل ده فورا عشان تحافظ على الاسطوانة.
أما لو الصوت مبيروحش مع الدبرياج و منخفض نسبيا فمفيش حاجة.

**Nile Heart** · 30-09-2008 08:09 PM

المشاركة الأصلية كتبت بواسطة فادى

مفيش أى حاجة عندك, العربية طبيعية, هى فتيسها تقيل شوية ده شىء طبيعى, و بيعض فى الأول و التانى لما تكون لسه باردة ده شىء طبيعى برضو, و خصوصا فى الأول و المارشيدير اى عربية لازم تعض فيهم,
............................................
أما لو الصوت مبيروحش مع الدبرياج و منخفض نسبيا فمفيش حاجة.

بذمتك مش مكسوف من نفسك وانت بتقول الكلام ده!!

وبعدين ترجع تشتم فى الكورولا

معلش بقى اصلى حاطك فى دماغى

كل سنه وانت طيب وبتحلق عاليآ مع النسر.. على رأى اسماعيل يس "لفوووق.. لفوووق ... لفوق"

**celine_back** · 30-09-2008 09:18 PM

المشاركة الأصلية كتبت بواسطة فادى

مفيش أى حاجة عندك, العربية طبيعية, هى فتيسها تقيل شوية ده شىء طبيعى, و بيعض فى الأول و التانى لما تكون لسه باردة ده شىء طبيعى برض

شكرا يا باشا ...انا كنت هتجنن من الفتيس دا ....

**فادى** · 30-09-2008 10:11 PM

المشاركة الأصلية كتبت بواسطة Nile Heart

بذمتك مش مكسوف من نفسك وانت بتقول الكلام ده!!

وبعدين ترجع تشتم فى الكورولا

معلش بقى اصلى حاطك فى دماغى

كل سنه وانت طيب وبتحلق عاليآ مع النسر.. على رأى اسماعيل يس "لفوووق.. لفوووق ... لفوق"

و انت طيب يا باشا,
و ماله يا عم لما يكون الفتيس تقيل حبتين, اهو تربى عضلات بالمرة و انت سايق :),
على فكرة هى فتيسها تقيل شوية عن بقية العربيات, لكن مع الوقت هتتعود عليه.
و بعدين الشاهين صقر مش نسر, نسر ده الكاوتش!!

**sherif_84** · 01-10-2008 06:01 AM

فعلا فتيس الشاهين بيبقى تقيل والعربية باردة لكن مع الحركة بيبقى سلس وكويس
وطبعا فتيسها مش ناعم زى العربيات الكورى و اليابانى

**Ahmed Hassan** · 01-10-2008 06:07 AM

المشاركة الأصلية كتبت بواسطة فادى

و انت طيب يا باشا,
و ماله يا عم لما يكون الفتيس تقيل حبتين, اهو تربى عضلات بالمرة و انت سايق :),
على فكرة هى فتيسها تقيل شوية عن بقية العربيات, لكن مع الوقت هتتعود عليه.
و بعدين الشاهين صقر مش نسر, نسر ده الكاوتش!!

مع اختلافي الشديد معاك في 99% من الاراء بخصوص السيارات... بس ردك ده بيدل على انك فعلا انسان محترم جدا جدا جدا. كل سنه و انت طيب.

**Nile Heart** · 02-10-2008 08:22 PM

المشاركة الأصلية كتبت بواسطة Ahmed Hassan

مع اختلافي الشديد معاك في 99% من الاراء بخصوص السيارات... بس ردك ده بيدل على انك فعلا انسان محترم جدا جدا جدا. كل سنه و انت طيب.

ياعم انت جاى تهدى النفوس ولا ايه :)

طبعآ فادى أخ فاضل ومحترم, والأختلاف فى الرأى لا يفسد للود قضيه

**Ahmed Hassan** · 02-10-2008 10:13 PM

المشاركة الأصلية كتبت بواسطة Nile Heart

ياعم انت جاى تهدى النفوس ولا ايه :)

طبعآ فادى أخ فاضل ومحترم, والأختلاف فى الرأى لا يفسد للود قضيه

لأ... انا جاي أقول كلمه حق

**zizophone** · 09-10-2008 08:36 PM

wصقر مين بس ياعم دي ربتلي الخفيف كان يوم مطلعش لما جبتها

الموضوع: مشاكل فى فتيس الشاهين .....محتاج مساعدة ضرورى

LinkBack

أدوات الموضوع

عرض

مشاكل فى فتيس الشاهين .....محتاج مساعدة ضرورى - انشر الموضوع فى :

-

-

-

-

-

-

المواضيع المتشابهه

محتاج فتيس ضرورى للاوبترا

محتاج فتيس ضرورى جدا جدا ومحدش بيرد عليه

مشكلة فى تدوير الشاهين الصبح.....يا ريت مساعدة ضرورى

معلش يا جماعة ضرورى محتاج اسعر الشاهين دى ....

محتاج مساعدة.... عايز أسعر الشاهين دى .....

الكلمات الدلالية لهذا الموضوع

المفضلات

المفضلات

ضوابط المشاركة