الموضوع: قائمه متجدده بأسعار قطع غيار و صيانات بروتون واجا " داخل و خارج التوكيل "

هى القطع ديه مش بروتون اوريجنال بس مش مشكله طلاما نفس الاستاندرد بتاع العربيه و صناعتها كويسه .و اكيد من مركز معتمد فمافيش مجال انها تكون مش متوافقه مع العربيه .

ده رقم امير و جوزيف :

- امير وجوزيف " مركز خدمه وصيانه معتمد " متفرع من مكرم عبيد - مدينه نصر , تلفون 22759968

بالنسبه لتغير مجموعه التوقيت ف التوكيل بيغيرهم قبل معادهم ب 40,000 كيلو , و ده رقم كبير جدا ؟؟؟؟.
ايه الحكمه انى ادفع 1750 جنيه تمن تغير سيور قبل معادها ب 40,000 كيلو . بالرغم من ان كتالوج السياره بيقول يتغيرو عند 100,000 كيلو او 5 سنين .

- توكيل ميتسوبيشى بيغير طقم الكاتينه فى الانسر 1600 " نفس موتور الواجا عند 80 الف " !!!!! و تمنهم 730 جنيه بدون تركيب يعنى ارخص حوالى 700 جنيه لو خصمنا المصنعيه !!
يبقى ايه الحكمه ان التوكيل يغيرهم عند 60 .... طيب على الاقل 80 الف و نسيب 20,000 علاشان الزحمه و الاشارات " بالرغم من ان ده كلام فارغ و خزعبلات " لان الشركه المصنعه بتعمل حسابها فى تقدير العمل الافتراضى بنسبه متوسطه و بتحط فى عتبارها ان العربيه بتمشى فى المدينه و الزحمه و الحر الشديد " لان الواجا نازله مواصفات خليجى ".... بمعنى انه فى الظروف الطبيعيه ممكن السير يمشى لاكتر من 120,000 و مش حيتقطع . " ديه وجهة نظرى " و اعتقد المنطق بيقول كده برده .

-جدول الصيانه الى ماشى بيه عز العرب ده بيعتبر جدول الصيانه للاستخدام الشديد على حسب كلام الكتالوج ...صيانه كل 5000 و تغير السيور عند 60000 كيلو ده فى حالة لما تكون العربيه شغاله تاكسى او بتتأجر .و لا ينطبق على طريقه سواقتنا العاديه " الناس الى بتمشى فى حدود 20000 كيلو فى السنه " .

-انا فى عربيتى سير الكاتينه لسه متغيريش و العربيه ماشيه 79 الف كيلو ... و ان شاء الله حغيره عند 80 الف كيلو " مع صيانه ال80 " مع انى متأكد انه ممكن يستحمل ل 100 الف كيلو , و حعمل الصيانه بره التوكيل و ان شاء الله حشترى السيور و البليه من توكيل ميتسوبيشى .

- بعض اسعار قطع الغيار واجا 4G18 " خارج التوكيل- محل المدينه بشارع دمشق .

1- 2 مساعد خلفى KYB بـ 360 جنيه
2- 2 مساعد خلفى مايلى المانى بـ 400 جنيه
3- فانوس امامى ماليزى 520 جنيه
4- فلتر هواء كورى 60 جنيه
5- سير ( باور - تكيف ) صن يابانى 45 جنيه
6- سير دينامو صن يابانى 35 جنيه
7- فلتر بنزين " اتحاد اوروبى " الكو 40 جنيه
8- فلتر زيت ميتسوبيشى اصلى 30 جنيه

الاسعار بتاريخ 7-1 - 2009

- اسعار بعض قطع الغيار واجا 4G18 " فى التوكيل " :-
1- تيل الفرامل فى التوكيل رخص و بقى ب 197 جنيه شامل الضريبه . فى خطوه غير مسبوقه .... يارب عقبال الباقى !! .

----------------------

* سير الكاتينه من توكيل ميتسوبيشى اصلى 217 جنيه
* بليه الشداد من توكيل متسوبيشى اصلى 261 جنيه

- الاسعار شامله 10 % الضريبه بتاريخ 7-1-2009




* طبعا الاسعار كلها متغيره . قابله للزياده و النقصان فى اى وقت .

طبعا يا استاذ مهاب انا قولت لحضرتك ان تيل الفرامل الامامي ب 200 جنيه

والله احتمال يا باشا و انا مخدتش بالى .
بس انا سألت فى التلفون من حوالى شهر و كان تمنه 200 جنيه , بس قولت احتمال 200 جنيه من غير الضريبه . و هو فعلا زمان كان ب240 جنيه .
عموما التيل ده " الاصلى الماليزى " تمنه على النت 40 رينجت ماليزى . يعنى تقريبا 70 جنيه مصرى . بس الحقيقه 200 جنيه فى تيل فرامل بالنسبه لسعر التوكيل و باقى التوكيلات كويس جدا .

يارب بس التوكيل يستمر على كده
وكان عندي سؤال لحضرتك يااستاذ مهاب هل الفتيس الاوتوماتيك بتاع الواجا ليه فلتر
وبالنسبه لفلتر التكيف او فلتر الهواء انا لو نضفتهم كل فتره مثلا شهر او حاجه هيعيشو اكتر من ال 40 الف اللي محددهالهم عز العرب

الحقيقه انا معنديش فكره عن موضوع فلتر زيت ل الفتيس الاوتوماتك لان عربيتى منيوال .

بالنسبه لتنظيف فلتر الهواء . كل شهر ده كتير ممكن مثلا كل 3 شهور و الافضل انه يتغير كل 40,000 كيلو " او على حسب الحاله " لان مسام الفلتر نفسه بعد فتر بتتقفل و بتكتم الموتور , حتى مع التنظيف المستمر .
حاله الفلتر بتبان من مدى اتساخه بالتراب و تغير لون الفلتر .

* لما تيجى تنظف فلتر الهواء خلى توجيه الهواء من داخل الفلتر " ضهر الفلتر " للخارج " وش الفلتر " علاشان ماتدخلش التراب على الجزء النظيف .


"ديه صوره فلتر قديم كان موجود فى شتطة العربيه لما اشتريتها "



طبعا ده كده خلاص منتهى و لونه بقى رمادى .. و ده كمان ضهر الفلتر المواجه للmanifold .. وش الفلتر اسود تماما .

* فلتر التكيف انا لسه مفكرتش انضفه او اغيره و ان كان هو محتاج يتغير فعلا لانه عامل ريحة كمكمه فى العربيه مع تشغيل الهواء الخارجى .
تغير فلتر التكيف بيبفرق جدا فى درجه تسقيع التكيف و ريحة التكيف نفسه . عموما استنى لغايه بدايه الصيف و غيره لو محتاج , برده تظيف الفلتر المستمر مش حيغنى عن تغيره فى النهايه .