انا خلاص قررت شرائها .. والمفروض انى هجيبها اوتوماتيك بس سمعت ان الاوتوماتيك بتاعتها وحش .. فهل ده صحيح ..ورأيكوا اشتريها ولا بلاش وخصوصا انها هتبقى اول عربية ليا ؟ وكمان يعتبر متعلم السواقة قريب وبمشى براحتى يعنى مليش فى الجرى لسه ؟
عرض للطباعة
انا خلاص قررت شرائها .. والمفروض انى هجيبها اوتوماتيك بس سمعت ان الاوتوماتيك بتاعتها وحش .. فهل ده صحيح ..ورأيكوا اشتريها ولا بلاش وخصوصا انها هتبقى اول عربية ليا ؟ وكمان يعتبر متعلم السواقة قريب وبمشى براحتى يعنى مليش فى الجرى لسه ؟
متابع وبشدة....
نفسي اعرف مين الكفتجي اللي قال الاوتو بتاعها وحش؟
فتيسها فتيس الكريستالة اللي لحد دلوقتي ماشي كويس في عربيات موديل 98 !!
انا روحت حجزتها والاستلام بعد 10 ايام لانى من المنصورة .. فياريت تقولى طيب اتكل على الله خلاص .. ولا العربية هتتعبنى مع الملاحظات اللى كتبتها فوق دى وانها هتبقى عربية لعيلة اربع افراد واحجام مش كبيرة
العربية ماشاء الله عليها جميلة
استفسار هو حضرتك حجزتها بكام
هى سعرها 116 الف اوتوماتيك .. مش عارف مغليين سعرها ليه مع ان ال 2013 ومفيش اختلاف بينهم خالص ولا حتى مسمار واحد وسعرها 110 الف .. ودفعت 1000 جنيه عشان احجزها
الاتوماتيك بتعاها وحش !!! ده احلى حاجة فيها الفتيس الاوتوماتيك ... سلس و مفيهوش اي نتشة و سحبه كويس
سؤال يا باشا .. هو الكاسيت بتاعها زي اللي في الصورة ولا الـ Build in لو سمحت رد عليااقتباس:
المشاركة الأصلية كتبت بواسطة SHEVA11111
للاسف مشوفتش اللى فى الصور .. بس كان اتقال مثلا ان الكاسيت مفيهوش usb ولا بيشغل mp3 ولما روحت شوفتها لقيت فيها usb وبيشغل ال mp3
عربيه كويسه جدا بالنسبه للسعرها والاوبشنز اللى فيها
ممكن تبقى تعمل تقرير ان شاء الله وتصور العربية من جوا وبرا وتنزلهااقتباس:
المشاركة الأصلية كتبت بواسطة sheva11111
الف مبروك مقدماً العربية هتعجبك ومتسمعش كلام حد يلعب في دماغك .. محدش هيقدرها غير اللي اشتراها او ساقها
هى فعلا العربية جميلة وكل حاجة وحتى لما قالوا خلاص نجيب اوبترا دافعت عن العربية بسبب الكلام اللى بيتقال عليها كويس هنا فى الموقع .. الخوف كله من حكاية ان بيعها تقيل وان ملهاش سوق والكلام ده
متفكرش في بيعها من دلوقتي دانت لسة مجبتهاش
وعلي فكرة مطلوبة دلوقتي
هو الله اكبر يعني مفيش شخص او كائن علي وجة البسيطة اشتكس من الفتيس الاوتوماتيك بتاعها !!!
و علي فكرة انا مش جين تو
شكرا يارجالة على ردودكم .. وان شاء الله انا هستلمها كمان 10 ايام .. وربنا يقدم اللى فيه الخير
سؤال اخير معلش .. التوكيل قالى ان مشكلة الفرامل دى مبقتش موجودة لان زمان كان فى نظام واحد فى الفرامل ودلوقتى بقوا نظامين .. هل الكلام ده حقيقى ولا عشان يبيع ؟ وحد يقولى الفرامل وحشة ازاى عشان لما استلمها الواحد ميخبطهاش من اولها كده
الفرامل نظام أوربي .... على مرحلتين .... الأول تهدي ولو عاوز تفرمل لازم تدوس جامد .... اللي بيركب كوري هيحس أن الفرامل مش بتوقف
.
الفتيس كويس مفيهوش مشكلة وبيديك نسبة تحكم كويسة قريبة من المانيوال يعني ممكن تتحكم انت عاوز تمشى على الغيار الأتوماتيك الكام حسب ضغطتك على بدال البنزين
.
دهانها سئ سيئ سيئ ولو وقفت على بعد مترين وبصيتله جامد ممكن تلاقيه اتجرح .... لو ماتجرحش برقله بعنيك الاتنين وشاور بصباعك هتلاقيه وقع على طول
ده حقيقى حكاية الدهان دى ؟ يعنى اللون بيبهت او بيحصل نقر ؟ وبتحصل بعد اد ايه مثلا ؟؟؟؟
ههههههاقتباس:
المشاركة الأصلية كتبت بواسطة msami2k
ملعوبه
قصة الفرامل دي حقيقية فعلاً .. الفرامل مش صعيفة بس البدال طويل زي عربيات كتير مش زي السيراتو والالنترا
اسمحولي اتدخل بس انا شايف 116 الف جنية كتير اوي اوي علي العربية دي و بالذات اني أدييت اليوم كلة امبارح مع صديق ليا معاه موديل 2013 عاملة 18 الف كيلو و عمالين نلف بيها عشان نصلحها (نور الabs منور و مالتوكيل خلاه يغير مساعد ب 700 جنية و المشكلة متحلتش). الحقيقة انا شايف طالما هتدفع مبلغ زي ده تجيب عربية تريحك مش تدوخك.
اسمحلي اقولك ان المشكلة في صاحبك مش في العربية عشان يدفع 700 جنيه في مساعد في عربية موديل 2013 .. يعني لسة في الضمان المفرود تتغير ببلاش .. وكمان ايه المشكلة لما لمبة ال abs تنور اكيد السبب في شوية تراب على الحساس او الحساس نفسه في مشكلة ... هيا دي المشاكل الرهيبة اللي تخليني مجبش العربية بالسعر ده؟اقتباس:
المشاركة الأصلية كتبت بواسطة MIVEC.A92
خلينا واقعين اصلاً مفيش عربية في السوق المصري تستاهل سعرها .. وطبعاً ال 116 كتير جداً عليها زي مال 190 كتير فشخ عالسيراتو الجديدة وال 98 الف كتير عالبيكانتو هاي لاين
يا فندم عقلك في راسك تعرف خلاصك. كيا او اي شركة تحط التسعيرة اللي هيا عايزاه و انت تقرر. 116 الف جنية رقم مش قليل يعني ممكن يجيب حاجة تانية احسن انا مش في دماغي حاجة دلوقتي لكن مثلا النيسان صني.
باشا انا معايا برسونا 2012 الفتيس مفيهوش اى مشكلة وعربية جراية وسحبها تحفة والله العظيم واحسن عربية فى فئتها السعرية اتكل على الله بجد عربية جميلة وناعمة على الطريق وفتيسها تحفة تحفة والله ونقلتها سريعة والكيك داون بتاعها جميل مش حتحس انك راكب اتوماتيك خالص بالنسبة لعزم الفتيس بالعكس حتحس بقوة المانيوال صدقنى وعن تجربة
صني؟!!!!!!!!!اقتباس:
المشاركة الأصلية كتبت بواسطة mivec.a92
اكيد بتهزر .. هيا الصني تستاهل ال 120+ الف؟ .. والصني احسن؟
مش هتلاقي عربية بسعرها في المميزات بتاعتها ..... بس من حقك تدور
العيوب نسبية وتقيمها يختلف من شخص لآخر لكنها معروفة .... الدهان وأخطاء التقفيل والتوكيل
بالنسبة لمشكلة الدهان ممكن متظهرش لو أخدت العربية متغطية من التوكيل وخبيتها في درج مكتبك .... غير كده صعب
الدهان بيتأثر بالطوب والرمل المتناثر من عربيات النقل على الدائري ومن الفوطة اللي فيها رمل اللي البواب بيمسح بيها كل يوم الصبح ومن خبطة ساعة ايدك في الباب وانت بتفتحه ومن حكة الباب في الجدار وكل ده حصل معايا ....
ده المصيبة أصلا أن كنا بنستلم عربية ساجا من معرض ورفضنا نستلم خمس عربيات لأنهم جايين من الوكيل بخرابيشهم جاهزين فخلي بالك وانت بتستلم واكشف على جسم العربية كويس جدا جدا جدا ومتستلمش لو متخربشة جاهز ..... لازم تخربشها بنفسك :)
بص على سنتي سنتي في جسم العربية
ياجماعه عايز اشترى جين تو ضرورى 01226684360