الموضوع: تغيير أطارات الألنترا md - أي نوع أفضل ؟؟

السلام عليكم
انا غيرت الكومهو بعد 50 الف في عربيتي md وكانت حالته سيئه جدا ومشقق (خصوصا من الداخل لان شكل الاطار كان سليم من الخارج) وعندى تجربه معاه ان فرده منهم ضربت فجأه وانا ماشى بدون اى مقدمات وغالبا مدوستش على اى حاجه .. ومكنتش مرتاح اطلاقا مع النوع دا

المهم انا اشتريت البريدجستون السوبر سيلنت gr 90 والنوع دا بالنسبه ليا حكايه
الصوت اقل بكتير جدا من السابقه
القياده على الطرق الجافه والثبات تحفه
الفرامل سواء على ارض جافه او رطبه ممتاز جدا عن تجارب (انا من هواه الجرى السريع كمان)
محستش خالص ان العربيه بقت ناشفه زى ما حضرتك بتقول ان زميل عزيز ذكر مع كامل احترامى طبعا لرايه

بصراحه انا عندى حساس عالى بالثقه وانا بجرى بالنوع دا حتى لو سرحت وفرملت هتحس بالعربيه هتفرق كتير

احيرا انا بعت رشاله على ميل حضرتك المسجل هنا برجاء الاطلاع عليها :)

اخيرا بعت رساله :d

بصراحة يا شباب أنا قعدت بالهنكوك كينرجي بتاع العربية لاكتر من 62 الف كيلو وغيرته لما تريسكل دخل في الفرده الأمامية شقها فغيرت اﻻربعه ب هانكوك كنرجي برضه .وكنت ناوي اغير على 70 ألف . وانا شغلي فيه حته مدق في ظلط رفيع لمسافة 3 كيلو شبه يوميا وما عملتش روتاشن للفرد خالص وحصل طبعا كام خرم وكده وكنت بعملهم بلحام داخلي مش خوابير .وعلى الرغم من كل ما سبق كان كل شيئ تمام ﻻ عدم توازن وﻻ رفه وثبات فرامل مرضي جدا ..كل اللي اخدت بالي منه ان في اخر 2000 كيلو من عمر الكاوتش نشف نسبيا وفقد جزء من الليونه وطبعا موضوع سف الزلط بس موضوع السف ده مسلي جدآ تقعد تعد كام زلطه وفين وطاره وﻻ لسه هههههههه بالذات لو بتسوق العربيه لوحدك لمسافات.
ولما ركبت الجداد ( الفرده 500 جنيه ) حطيت نيتروجين ودا كان اول مره اتعامل مغ النيتروجين بصراحه ليونه ملفته وهدوء واضح في الصوت .
العربيه طبعا الينترا md موديل 2012 استﻻم شهر 7/2011 ....دي تجربتي بكل امانه مع الهانكوك الكينرجي ايكو ما حستش باي ازمه من جهة الكاوتش طوال سنتين ونص وشكر .