مشكلة زهقتنى بجد اوبل استرا موديل 2000 والعربية 1200سى سى

السلام عليكم ..

انا يا جماعة حديث العهد فى اوبل .. اشتريت عربية اوبل استرا موديل 2000 وهى 1200سى سى المهم اخوكم ضايع فى الميكانيكا .. م الاخر اى ميكانيكى بيضحك عليا

1- من شهر واحد قالى هغسلك الموتور بجاز وده هيفوق معاك العربية وحاجة زى الفل .. قلتله دوس يا عم

من ساعتها العربية لما بتبقى باردة يعنى وانا جاى اركبها الصبح بدرى لما أدور العربية بتبرجل معايا وترج وتبقى عايزة تبطل لازم افضل دايس بنزين بتاع دقيقة كده على ما تسخن وامشى بيها عادى ..

رحت لميكانيكى قالى ممكن تكون البوجيهات جه عليها جاز .. فتح ونظف مكانها وغيرت البوجيهات اساسا

ولسة المشكلة موجودة .. رحت لكهربائى قلتله بص ع الحساسات والفيش لو حاجة عليها جاز مثلا .. قالى كله زى الفل ..

زهقت ومش عارف اعمل ايه ..

2 - الحاجة الثانية فى الزحمة لما بمشى بالعربية سلانسيه ع الاول يعنى .. اوقات العربية بتعلى منى يعنى ابقى عايز ادوس بنزين جامد شوية قبل ما ارفع رجلى من ع لدبرياج والا احسن انها عايزة تبطل .. بس الموضوع ده فى الزحمة بس ..

ياريت لو حد يفيدنى .. عشان بجد زهقت وكل ميكانيكى يقولى حاجة غير التانى وعمال اصرف فلوس وخلاص :(
ياريت لو تفيدونى يا جماعة ..

ياغالى ولا تحط فى دماغك أى حاجه ولا تستاهل منك أى زهق .....!!! بص ياباشا انا هرد عليك مبدىء كده وندردشوا مع بعض شويه لحد مايجيى حد من اخواتنا الكبار هنا يفيدوك لو انا ماقدرتش باذن الله .... اول حاجه انت عملت صيانه للعربيه اول ماجبتها ...؟ ( فلتر بنزين اصلى + بوجيهات gm ٢شمعه اصلى + فلتر هواء اصلى ) ولا لا ؟؟؟؟ تانى حاجه هل لمبه ال check منوره ولا لا ؟؟؟ تالت حاجه عداد العربيه كام والحالة العامه ايه معلش ...؟؟؟؟

احتمال كبير من خرطوم السيرفو
او خرطوم الرداخ

اقتباس:

---

المشاركة الأصلية كتبت بواسطة amr elsisi

احتمال كبير من خرطوم السيرفو
او خرطوم الرداخ

---

تمام جداً اهو الهندسه الكبير برضه رد عليك وجاب من الاخر معاك ....

اقتباس:

---

المشاركة الأصلية كتبت بواسطة haisam ali

ياغالى ولا تحط فى دماغك أى حاجه ولا تستاهل منك أى زهق .....!!! بص ياباشا انا هرد عليك مبدىء كده وندردشوا مع بعض شويه لحد مايجيى حد من اخواتنا الكبار هنا يفيدوك لو انا ماقدرتش باذن الله .... اول حاجه انت عملت صيانه للعربيه اول ماجبتها ...؟ ( فلتر بنزين اصلى + بوجيهات gm ٢شمعه اصلى + فلتر هواء اصلى ) ولا لا ؟؟؟؟ تانى حاجه هل لمبه ال check منوره ولا لا ؟؟؟ تالت حاجه عداد العربيه كام والحالة العامه ايه معلش ...؟؟؟؟

---

اولا شكرا لاهتمامك ..

بص يا سيدى .. انا غيرت فلتر هواء وفلتر زيت وفلتر بنزين .. وغيرت طقم بوجيهات .. لكن الانواع ايه مش عارف بصراحة .. انا قولت للميكانيكى غيرهم من باب الصيانة ..

ومفيش اى لمبة بتنور .. بس اوقات لما الرجة بتيجى فى العربية وانا بدورها وهى بارده .. فى لمبة لونها اصفر زى ما تكون بطارية كده بترعش وبعدين تبطل .. عداد العربية عامل 200 ألف والحالة العامة كويسة

اقتباس:

---

المشاركة الأصلية كتبت بواسطة amr elsisi

احتمال كبير من خرطوم السيرفو
او خرطوم الرداخ

---

ولو انى مش عارف ايه ده ولا ايه ده :)

بس لما اروح للميكانيكى أقوله ايه ..

اقتباس:

---

المشاركة الأصلية كتبت بواسطة sala7_badra

ولو انى مش عارف ايه ده ولا ايه ده :)

بس لما اروح للميكانيكى أقوله ايه ..

---

هتقوله بصلى على الخرطومين دول بالاسم ده بالظبط

اقتباس:

---

المشاركة الأصلية كتبت بواسطة haisam ali

هتقوله بصلى على الخرطومين دول بالاسم ده بالظبط

---

ماشى .. تسلم يا باشا ..

نجرب مش هنخسر حاجة .. هى جت ع الخرطومين دول يعنى :)

اقتباس:

---

المشاركة الأصلية كتبت بواسطة sala7_badra

ماشى .. تسلم يا باشا ..

نجرب مش هنخسر حاجة .. هى جت ع الخرطومين دول يعنى :)

---

وعموما بما انك من رشيد .. لو العيب راح هجيب لك 2 كيلو فسيخ من عند السفاريتى :16:

العربيه اتغسلت بجاز ودا غلط علي كاوتشات وخراطيم وفبر الحساسات الموتور بتاعك x12x لازم تكشف علي العربيه سكانينج عند اي حد متخصص اوبل عشان تعرف العيب فين لان عندل ايدل وعندك خساس اير ماس فلو واستبعد البوجيهات عشان صعب يوصلهم اي ساءل بس اكد انهم ٢ شمعه وشوف فلتر الهوا اخباره ايه ومشكلتك مش هتخرج بره الايدل فالف بإدن الله ولازم البوابه تتنضف وتشوف ولازم برده تراجع علي اقفال كل حساس واقفال الرشاش

اقتباس:

---

المشاركة الأصلية كتبت بواسطة opelcars

العربيه اتغسلت بجاز ودا غلط علي كاوتشات وخراطيم وفبر الحساسات الموتور بتاعك x12x لازم تكشف علي العربيه سكانينج عند اي حد متخصص اوبل عشان تعرف العيب فين لان عندل ايدل وعندك خساس اير ماس فلو واستبعد البوجيهات عشان صعب يوصلهم اي ساءل بس اكد انهم ٢ شمعه وشوف فلتر الهوا اخباره ايه ومشكلتك مش هتخرج بره الايدل فالف بإدن الله ولازم البوابه تتنضف وتشوف ولازم برده تراجع علي اقفال كل حساس واقفال الرشاش

---

مشكور على اهتمامك يا باشا ..

هقولك حاجة العربية عندى من كام يوم لاقيت البنزين عالى .. يعنى اخد غيار ارفع رجلى من ع الدبرياج العربية تمشى لوحدها من قبل ما ادوس بنزين .. روحت لميكانيكى قالى الايدل باظ .. قولتله غيره ركب واحد وقالى ب 250 جنيه بيتهيألى ده يبقى استيراد كده صح ؟؟ المهم بعد ما ركبه وصل الموتور بالكمبيوتر وضبط ال r.pm على المعدل الطبيعى لاقيت العربية فيها رجة قام قالى لازم اعلى ال r.p.m شوية عشان الرعشة دى تروح .. اللى عايز اقولهولك انى غيرت ال أيدل

اقتباس:

---

المشاركة الأصلية كتبت بواسطة sala7_badra

وعموما بما انك من رشيد .. لو العيب راح هجيب لك 2 كيلو فسيخ من عند السفاريتى :16:

---

هههههههه حبيبى ياغالى بس اللى ما اكلش فسيخ من ( فوه ) ماكلش مع احترامى ..... وبرضه شوف اللى الاستاذ عمرو السيسى قالك عليه ضرورى جدا

ياغالى نظف البوابة بمنظف واكد على فيشة حساس الهوا انها راكبه كويس وهتدعيلى ان شاء الله

عفوا يا آخى ... انا رأيي من إللى بتحكيه ده انك تغير الميكانيكى ... خدها لميكانيكى أوبل لان شكل الراجل ده بيجرب معاك و مش عارف العربيه