الموضوع: المقاولون العرب

السلام عليكم
بعد السلام و التحيه و الكلام الجميل
دلوقتى انا جالى تليفون من شركه المقاولون العرب و هعمل انترفيو كمان كام يوم
عايز اعرف ايه نظام الشغل ف المقاولين !!؟؟ كويس ولا رخم و صعب و بينفخوا المهندسين و كده
انا عارف انى هتعلم طبعا و خصوصا انى حديث التخرج - مدنى -

بس عايز اعرف مميزات الشغل ف المقاولين ستارت المرتب بيبقى من كام ؟؟

كده يعنى يا ريت لو حد يعرف يفيدنى
و شكرا

المشاركة الأصلية كتبت بواسطة ahmad--ezzat

بلاش المقاولين
فيها اشكال مش تمام كتيييييييييييييييييييييير الا ما رحم ربى
وقصدى على المهندسين
يعنى انت وحظك...ممكن تقع مع مهندس محترم تتعلم منه وممكن لا

انا راي انك تبتدى تشتغل فى مكتب تصميم الاول تتعلم كاد وبرامج تصميم سواء كنت انشائى او صحي وشغل التنفيذ يجى على مهله بعد كده
والمرتبات مش هتختلف كتير يعنى الرينج من 1500-1800

وطبعا بلدك كلها بالوااااااااسطة

بقالى اربع شهور شغال فى مكتب تنفيد و تشطيب و كده بس القصه ان مش بتعلم حاجات كتير و ف اى وقت ممكن امشى طبعا ... بس بصراحه شغل مريح ببقى قاعد ف المكتب معظم الوقت ولا كرفانات ولا مواقع كتير و شمس و كده
و بصراحه مش عارف اعمل ايه

المشاركة الأصلية كتبت بواسطة khaled_yassin

انا شغال فى المقاولون العرب بقالى 7 سنين
فى ظروف البلد المهببه دى توكل على الله واشتغل لو ربنا كرم وقبلوك
اولا الشركه عايزه 200 مهندس ومتقدم 32 الف مهندس فيعنى ما تفتكرش انهم كلموك يبقى خلاص
انت اختبرت كمبيوتر فى المعهد ولا لسه؟؟
المرتباات بالنس للتعيين الجديد مش هتقل عن 1800 جنيه
شغل حكومه يعنى انسى بقى الشركات النضيفه والناس المستحميه ,,, لو نزلت مشروع هتتعامل مع اشكال الله يهديهم
لو روحت اداره هيبقى على حسب الاداره الى انت رايحها . بس معظم الادارات لى فى القاهره الناس محترمه وكويسه
هتتعلم هتتعلم مدرسه كبيره اوى فى التعليم ,, العيب من وجه نظرى ان التعليم فيها بطى يعنى المشروع بيقعد بالسنين فهتاخد وقت على ما تتعلم
لو ربنا كرمك بمشروع مهم او مستعجلين عليه ,, مش هتلاحق على التعليم اصلا هتبقى زى النحله

32000 :o
يالهوز ههههههههههههههههههههههههه هههههههههه انا اه اختبرت كمبيوتر و ادينى مستنى
بس لو حصل نصيب متهيالى 1800 كلام كويس اوى اوى ك ستارت
اه معاك انها بهدله و قرف و ناس ما يعلم بيهم الا ربنا و ده كان حال اللى شغالين هناك لما نزلت تدريب فيها من 3 سنين

المشاركة الأصلية كتبت بواسطة amrezzat82

بناءا على تجربتي
هي مدرسة لو انت عايز تتعلم و ممكن تطلع فيها تعمل زي بلية بيتعلم من المشرف و مش فاهم حاجة
فيها عك كتير جدا و تطنيش و تظبيط و بلاوي سودا مهببة لو انت مش صاحي حتلبس لأنهم بيحاولوا دايما يلبسوا الجديد
لو جديد المرتب على حسب المشروع ممك من ألف و شوية حتى 2 و نص حسب الادارة و المشروع
في ناس بتعد فيها بالسنين و مش بتقابل مشاكل و فى ناس بطنش عشان تاكل عيش مهبب
و في ناس متستحملش سنة او سنتين و تهرب لأي حتة تانية

منا بتكلم فى انى لو هشتغل فيها سنتين ولا حاجه و اسافر برا متهيالى شهاده الخبره منها هتبقى حاجه كويسه فى السي في

المشاركة الأصلية كتبت بواسطة motoxp

كبدايه من 1500- 1800 جنيه تقريبا

كلام مبشر و جميل





طبعا بشكر كل واحد رد عليا
و الله العظيم اجدع اخوات و ربنا يكرمكوا يا رب
فعلا رجاله نايل موتورز اجدع ناس و مبلاقيش اجابه للى عايزه الا هنا :b4_007::b4_007: