أخيراً اشتريت جولف 4 موديل 2000 وعايز افهم حاجه
السلام عليكم،
ربنا وفقنى بعد طول تدوير بالجولف د وعندى شويه أسئله ياريت لو تجاوبونى عليها
1- دواسة البنزين لما العربيه اطلع بيها على الاول ورجلى لسه متعودتش على الدبرياج فتبدأ تفصل، تقوم تكارك لنفسها بنبضات صغيره كده .. الراجل قاللى ان دى اوبشن فى الجولف .. الكلام ده حقيقى؟
2- ايه تانى اوبشنز خافيه عنى ممكن اعرفها؟ زى مثلا انه قاللى انى لما افتح باب السواق الصبح، الدينامو او المارش بيشتغل او حاجه كده.
3- البرنامج بتاع الكشف على كمبيوتر العربيه اللى بينزل على الكومبيوتر اجيبه منين؟ والكابل ده ممكن اجيبه منين؟
4- عايز اجيب بطاريه، اجيب نوع ايه؟ ومنين؟ ياريت يكون قريب من مدينة نصر او حلمية الزيتون .. واجيبها 55 ولا 70 امبير؟
5- الراجل صاحبها قاللى غير سلك البوجيه الاول عشان بيشرز من بره، اغيره لواحده ولا اجيب المجموعه؟ انا بس حاسس ان اللى راكب نضيف ومش عايز اغير المجموعه والسلام من غير سبب
6- اغير بزيت ايه؟ واغير عند بنزينه احسن ولا ميكانيكى؟
