مساعدة في تسعير سيارة فيرنا اتوماتيك 2007

**jusuf** · 30-09-2008 02:18 PM

السلام عليكم
عايزة مساعدة بسرعة في تسعير سيارة فيرنا اوتومتيك فول اوبشن مو 2007 عاملة 22 الف حالة ممتازة .. بطارية جافة ياباني من يومين بس .. رخصة جديدة لمدة سنة من اسبوع بس صاحبها اشترها لقضاء الصيف من 3 شهور بيبعها لانه مسافر غير لها اكصدام امامي بعد حكة بسيطة والعربية تحتاج 4 عجلات جديدة فقط . جنوط اسبور .. وفرش ارضية جديد فوق الاصلي وكله الفرش حالة ممتازة .. صاحبها بيقول 65 الف ونزلت معها الى 63.5 الف وارغب في 61-62 الف .. فما رأيكم؟

**jusuf** · 02-10-2008 10:18 AM

يا شباب..... الدين النصيحة.... واذا استنصحك اخاك فانصح له ... من الاصول ان لما حد يشوف واحد محتار ويحتاج مساعدة من اخوانه ان اخوانه لا يبخلون عليه بنصيحة لن تكلفهم غير دقيقة ... حتى الان 3 ايام و17 اخ قرأ الموضوع ولا حد يعطي كلمة واحدة ... ما كنش العشم !!!!!!!!

**أشرف العدوي** · 12-10-2008 05:29 PM

كان نفسي اساعد
بس انا اصلاح بستحرم ادفع في الفيرنا فلوس
انا ممكن اسعرهالك زيرو من غير ما تمشي متر واحد بـ 43000 بالكتير قوي
دي عربية هندي بجد هندي و بتتجمع في مصر ( تخيلي انتي بقى السعر يكون كام تقريباً )
أنصحك بلاش ( ممكن تكون النصيحة متأخرة )
بس مش دي العربية الي يدفع فيها الفلوس دي

**أشرف العدوي** · 14-10-2008 10:28 AM

أهلاً بك يا اخ يوسف
بص ياسيدي هي النيو أكسنت افضل طبعاً من الفيرنا بكتير من حيث الموتور و الثبات و الكماليات و الشكل افضل بكتيير ( بس مشكلة هيونداي في التوكيل بتاعها غبور و ممكن تدخل قسم هيونداي و تقرأ مشاكل الأخوة ملاك السيارة مع التوكيل )
و الافيو انا بردو شايف ان سعرها اكبر من قيمتها بس مش كتيير و لكن في المجمل سيارة ممتازة بالنسبة لفئتها السعرية ( تعتبر سيارة مدينة )
موضوع قطع الغيار هتلاقيها متوفرة للأثنين و أسعارهم مناسبة لكل منهما
و ياريت تستخير ربنا قبل الاقدام على اي خطوة .

ولكن الكثير من سائقي التاكسي اصحاب الفيرنا يقولون غير ذلك

معظم سائقي التاكسي الي معاهم فيرنا كان معاهم سيارات موديلات قديمة نسبياً قبل سنة 80 علشان كدة هو حاسس بفرق في الشكل و الكماليات و البور بتاع الدركسيون و الحاجات دي فبيتهيأله انه راكب سيارة فارهة
ممكن تسمع ملاك التاكسي ( البيجو ) شوف هيقولوك ايه على الفيرنا
انت متخيل ان الفيرنا ممكن تشتغل تاكسي 20 سنة ........ مستحيل أخرها 6 او 7 سنين

**kasnermo** · 22-10-2008 04:48 PM

يا استاذ يوسف
كلام misalof صح
ما فيش حد بيغير كاوتش قبل 30000 كم
على الاقل .. ولازم يكون بيسافر كتير ومحسوك

**jusuf** · 22-10-2008 11:14 PM

جزاكم الله خيرا جميعا على النصيحة والتفاعل معى باخلاص... اذا في حد ممكن يفدني في اسعار قطع غيار النيو اكسنت لاني بفكر في السيارة دي من فترة ولكن قرأت ان الاسعار نار ولم اجد هذه الاسعار في منتدى الهونداى .. ربما حد يكون عنده فكرة ويدلني على رابط ذكرت فيه هذه الاسعار ... او ممكن حد من ملاك النيو اكسنت يفيد الجميع ولكم جزيل الشكر