الموضوع: تشغيل مريات الضم مع الريموت للسبورتاج

الله ينور عليك يا أخي وصديقي العزيز بالمشاركات الجميله الممتعه وتأتي بكل ماهو جديد علشان الكل يستفيد بالمنتدى علشان كل أخواتنا يستفيدوا

كده بقى اطمن واعملهم بس كان نفسى اعمل كاميرا خلفيه

المشاركة الأصلية كتبت بواسطة محمد بدر

الأخوة الأعزاء مالكي السبورتاج
في التو و اللحظة جائتني مكالمة تلفونية من صديق لي ومالك للسبورتاج
أسعدتني
الراجل قلبه بسم الله ما شاء الله جامد عمل إيه اقول لكم
راح شارع دمشق عمل وحدة رفع زجاج بمبلغ 250 جنيه ولاكن الجديد إنه شغل الأربع أبواب بالرغم من إن باب السائق اوتو فوق وتحت وده في حد ذاته جديد
والكلام ده جديد ليه علشان المتعارف عليه ان الزجاج الأوتو فوق وتحت مينفعش يركب عليه وحدة رفع ولاكن الوحدة تركب علي باقي الأبواب الثلاثة وده إللي أنا عملته و موجد عندي
والجديد خالص بقي انه شغل مريات الضم مع الريموت بمعني عند غلقه للسيارة الزجاج في الأربع أبواب والمريات هي كمان تقفل أي تضم والله جميل و جديد الموضوع ده و المريات كانت تكلفتها 280 جنيه
يعني الموضوع كله كلف 530 جنيه.
و علشان عربية الراجل بنوراما كان عايز يدخله فتحت السقف في الريموت كمان . كل حاجة بقي ليها حل و مغيش حاجة بتقول لأ
يارب أكون اسعدتكم بالموضع ده

الأخ / محمد بدر المحترم
تحية طيبة وبعد
انا متابع حضرتك من فترة لكن للأسف مشاركتي قليلة جدا ولكن حبيت اشارك في هذا الموضوع نظراً لأهميته وكنت حابب أعرف كيف تم التركيب وهل له تأثير على ضمان السيارة ويتم فك أجزاء من الأبواب وهل يتم عمل وحده الرفع وضم المرايات على نفس الريموت أم له ريموت مستقل
وأأسف على الأطالة
وجزاك الله كل خير

المشاركة الأصلية كتبت بواسطة محمد بدر

سيدى الفاضل هقولك كلمتين فى سرك
موضوع التأثير على الضمان والكلام الفارغ ده أكذوبة كبيرة وأحنا للأسف صدقناها بس دية وجهة نظرى من خلال تجاربى مع التوكيلات

أولا الخاسر الأول فى خروجك من الضمان هو التوكيل . طيب ليه ؟
لأنه هيخسر زبون بيصين عنده كله 10000 كم وبيدفع تكاليف الصيانة والمصناعيات وقطع الغيار وخلافه .

ثانيا هو ليه يحجر عليك وعلي عربيتك ؟
يعنى دي عريتك أعمل فيها كل ما تشاء ولاكن بالعقل طبعا ومفيش حد بيرمى عربيته فى التهلكه
مثلا حضرتك عايز تزود أوبشن مش موجود عندك وشوفته فى عربية تانيه وناس ركبته بره التوكيل وشغال زى الفل ونفسك تركب الأوبشن ده تحرم نفسك منه ليه وتعمل حساب التوكيل ,
علما بإنه و وارد وبيحصل أن عربية بتنزل بعيب صناعة وتروح للتوكيل علشان يصلحها والمفروض تتصلح بدون تحميلك لأى تكلفة . التوكيل هيعمل إيه ياترا ؟؟؟؟
طبعا التوكيل يفضل يقنعك انه ده عيب وسوء أستخدام منك وفين وفين وبعد معناه ممكن يغيرها على حسابه ويحسسك أنه جملك ولازم يحسسك أنه جملك وعمل فيك معرف وجب عليك وممكن برضو لأ . وتتحمل انت تكاليف القطعة والمصنعية والضريبة و ألخ

طيب نيجى للمهم ....

أفرض حضرتك ركبت أوبشن ما غير متوافق مع العربية وسببت لا قدر الله ضرر ما
هيحصل إيه حضرتك هتورح التوكيل وتتكلف ثمن القطعة وتمن المصنعية ويقولك أتفضل العربية بقت تمام
هتقولهم طيب كده أنا بره الضمان . يقولك إحنا رجعنا الشئ لأصله ومتعملش كده تانى والعربية لسه فى الضمان
والموضوع ده حصل معايا أنا شخصيا فى تركيب جهاز تتبع gps

طيب ما أهمية وقيمة الضمان ؟
1 - الحفاظ على الصيانة والإلتزام بالمواعيد المقررة لها .
بالرغم من أنه يتم تغيير قطع غيار فى مواعيد سابقة لأوانها بكثير زي تيل الفرامل وبعض الفلاتر ده على سبيل المثال . علشان كده لازم تكون فاهم ومتخفش منهم ومتغيرش حاجة إلا بمزاجك .
2- عند بيع السيارة فواتير الصيانه يبقى ليها قيمة كبيرة وطمئنينة للمشترى .

وأخيرا نعم قد تم عمل وحده الرفع وضم المرايات على نفس الريموت

أ/ محمد بدر

تحية طيبة وبعد

جزاك الله الف الف خير وبارك الله فيك وفي الأهل وشكر خاص على ردك العلمي المتزن والمقنع وآرجو من سيادتك بأعطائي بيانات المحل

وتقبل تحياتي

فعلا التوكيل غلسين فى الموضوع دا
و موضوع وحده الرفع جميل جدا وشكله شيك و مريح
الفكره مبنيه على وحدتين رفع واحده للزجاج و التانيه للمرايات
وشفت تطبيقها فى منتدى اجنبي
و موضوع كمان نفسى اعمله ...... الزينونننن
اكتر من موضوع قريته فى منتديات اجنبيه و شغال ١٠٠ ١٠٠