جريمة قتل ... تليفزيون توشيبا toshiba
السلام عليكم و رحمة الله و بركاته
بصراحة من غير حوارات التليفزيون ده هيجنني هيجنني طير مفاتيح عقلي مني هيجننييي:untitled 1:
الموضوع باختصار عندي تليفزيون توشيبا الطراز بتاعه 20QN5XEP
المهم المصيبة اللي حصلتلي ان التليفزيون كان تمام و اوبشنز و حركات و دلع نفسك
ربنا يحفظه ابني:majd(4): عفرت ام التليفزيون
خلاه ابيض و اسود
قلت مش مشكلة يعني سهله
دخلت في القوايم و قلبت الدنيا و لا الهوا
جربت يمين و شمال مفيش
قلت يمكن التليفزيون باظ
و انا بقلب الاوبشن بتاع ان يبقي فيه اكتر من قناه شغالين سوا و انا بشغله الاقي القنوات الفرعيه شغاله بالوان و زي المهلبيه و القناه الاساسية ابيض و اسود
جبت واحد يبص عليه في السريع طالما ظبط من الريموت يعني اصل قلت اكيد طالما جاب الوان في الشاشه مبقاش مشكلة في الهارد وير اكيد ظبط من الاوبشن
المهم جبت واحد قعد يقلب فيه و بعدين قاللي ان التليفزيون باظ و عاوز اجزاء تتغير فيه
طبعا عرفت انه بيفتي
المختصر المفيد اصل انتو عارفين خدمة التوكيل علي ما يجيوا يحينا و يحيكوا ربنا
محدش يعرف ازاي اعمل استعادة ضبط المصنع
و محدش يقولي حاول مع ابنك لاني حاولت كتير
و حايلته و هزرت معاه و اديته الريموت و كوتي كوتي يا حلو يا كميل طب هضربك يا واد هحبسك همنع عنك المصروف
و لا الهوا
انا حاسس اني عايش في ايام زمان:stink[1]:
انا حاسس ان الدنيا بقت ايام الستينات:stink[1]:
اخوكوا مزنوووووووووووووووووووووو ق لو تعرفوا اعادة ضبط المصنع قبل ما التليفزيون يقتلني