السلام عليكم جميعا
و كل سنة و انتم طيبين
كنت عايز اعرف اروح ازاى ش دمشق (من المهندسين)
مع العلم انا معلوماتى عن شوارع مصر الجديدة زى معلوماتى عن الذرة بالظبط !
بس اعرف اروح جامع ابو بكر الصديق و النساجون اللى فى مساكن الشيراتون
و شكرا
عرض للطباعة
السلام عليكم جميعا
و كل سنة و انتم طيبين
كنت عايز اعرف اروح ازاى ش دمشق (من المهندسين)
مع العلم انا معلوماتى عن شوارع مصر الجديدة زى معلوماتى عن الذرة بالظبط !
بس اعرف اروح جامع ابو بكر الصديق و النساجون اللى فى مساكن الشيراتون
و شكرا
أمشى فى صلاح سالم كأنك رايح مساكن شيراتون لف من اللفة اللى قبل كوبرى الجلاء اللى فى صلاح سالم أو لف من تحت الكوبرى وأرجع وأفضل ماشى على اليمين هتلاقى بنزينة موبيل وبعدها ب 4 أو 5 شوارع هتلاقى شارع على ناصيته جامع أدخل الشارع ده و هتلاقى Chilli's على يمينك كمل على طول وعدى أول تقاطع ( هتلاقى نفسك بتعدى شريط مترو وهتلاقى كنيسة على يمينك ) كمل وأقطع الناحية التانية من الشارع لحد لما تلاقى بنزينة شل على ناصية على يمينك........هو ده اللى بالعرض هو شارع دمشق بس خللى بالك الشارع أتجاه واحد وهيبقى ماشى شمال من الناحية اللى أنت جاى منها
معلش انا مفهمتش اروح ازاي وانا ساكن في 15 مايو لو ممكن تقولي طريق سهل من الاتوستوراد
لأ كده كتير قوى :) :) :)
هو حضرتك ممكن تخرم من الأتوستراد على صلاح سالم من الشارع اللى بعد المنصة شمال ( هو هو الشارع اللى بعد قاعة المؤتمرات والأستاد على الشمال ) وبعد كده أمشى فى صلاح سالم لحد لما تلاقى الكوبرى اللى أنا وصفته المرة اللى فاتت وكمل على الوصف
شكرا علي الرد اصل سمعت ان فيه قطع غيار اسبرانزا حضرتك روحت شوفتها هناك
من 15 مايو ----الاستوراد----مدينة نصر----اول اشارة بعد المنصة يمين على شريط المترو------شريط المترو على شمالك دلوقت--------- اخر الشارع اتجاه اجبارى يمين ------ انذل النفق ---- على طول لحد متشوف الكبرى ---- متطلعش الكبرى لا من تحتة شمال فى على طول و هدى--- تانى يمين تعرفة منين ؟؟؟ 1- لسة منذل الكبر على شمالك مخلص
2-حتلاقى الشارع واسع وفية جذيرة جنينة كبيرة فى النص بين اتجاة الرايح و الراجع
كدة انتا ماشى صح والذرع على شمالك------- نكمل
الشارع دة فى اخرة ميدان و صنية كبيرة ----- لف مع الصنية شمال حتلاقى نفسك بتعدى على قضيب المترو مرتين-----شريط المترو على شمال دلوقت هدى السرعة ------اول شارع على ايمين شارع عريض و طويل كمل فية ------ انتا دلوقت فى ميدان الجامع هانت قربت ( على فكرة من هنا لو سئلت اى حد فين شارع دمشق حيدلك )
نكمل يا أستاذ -----------تالت او تانى شارع شمال ( معلش انا شاكك فى عدد الشوارع علشان فية شارع صغير فى النص) ------------ المهم نكمل الشارع الى انتا وصلطلة بامر الله ----- حتلاقى تقاطع كبير و رصيف مدور و صغير فى النص (المفروض انة صنية بس التخفيض نذل علية ) -------------دور على ركنة لو عرفت تلاقى و خلى بالك المرور قلق فى المكان دة (موجود المرور بتاع مصر الجديدة هناك ) انذل و عيش حياتك
اتمنى اكون عرفت اشرح ليك بالتفصيل الممل
والله انا خايف بعد الشرح دة اكون عامل ذى (اوبرت الليلة الكبيرة ) فى موقف العمدة
http://smileys.smileycentral.com/cat/3/3_8_14.gif
http://www.smileycentral.com/sig.jsp...t]&pp=ZRman000
من المهندسين عندك طريقين
اما صلاح سالم ومن فوق النفق اللى عند بيت الريس تاخذ يو تيرن شمال وتدخل الشارع اللى فوق النفق يمين تكمل على طول لحد التقاطع تدخل يمين وتكمل على طول لحد ما تلاقى حديقه الميرلاند على شمالك ومطعم فرحات على يمينك ادخل اول يمين بعد مطعم فرحات وعلى طول تلاقى شارع دمشق قدامك
او من كوبرى اكتوبر
لاخره وتنزل تاخذ او يوتيرن شمال تلف وتدخل يمين الشارع اللى على ناصيته قاعه الموتمرات
وعلى طول فى الشارع هيقابلك كوبرى اطلعه وانزل الكوبرى خليك يمين اول اشاره ادخل يمين وعلى طول برضوه تلاقى نفسك فى مصر الجديده على شمالك الميرلاند ويمينك مطعم فرحات كمل اول يمين بعد المطعم وعلى طول
او كوبرى اكتوبر وتنزل منزل رمسيس و من شارع رمسيس تكمل على بعد ميدان رمسيس لحد ما توصل الى غمره تلاقى كوبرى اللى ينزلك عند مسجد النور فى العباسيه تدخل شمال فى اتجاه جامعه عين شمس وبعد كده تخليك على طول لحد ما توصل للميرلاند ونفس الوصف السابق
انا هاقولك حاجة http://www.wikimapia.org/
دا زي جوجل maps بس الفرق انه في بحث عن الاماكن بالعربي و مثل ما يطلق عليها المصرين.