تقرير مقابله جاردينيا 21/2/2014 خاص بالمشاركات الخارجه عن اطار الموضوع

صديقي المواطن
أنا سعيد من أجلك
ولكن قولا واحدا هو ده اللي بيخوفني ويزعلني ويخليني متردد لحضور جلسات المنتدى العزيز على قلبي كمية اﻹعتذارات واﻹنشغالات وأنا باخد اﻷمور بطريقة شخصية يعني منتدانا ضخم وكبير وأنا بموت في اللمه وأخاف أحضر مقابله تحس إنك حتقابل من 130 إلى 170 شخص وفي اﻵخر تروح وتتصدم وتلاقي العدد يتراوح من 7 إلى 18 واحد وبكده الواحد ممكن نفسيته تتعب يكبروها في دماغك ولازم تروح وتعال بس وإحنه مستنيينك وتروح متلاقيش جماهير عريضة تضيع وسطيهم وتكلم ده وتشاغل ده وتضحك مع ده وتنصب على ده وواحد تاني ينصب علينه ونبص على عربيات بعض ونشوف الدنيا واصلة فين ونشوف مشاكل اﻷعضاء الشخصية ونحاول ننحشر بيها بإعتبارنا بنعتبر نفسنا شبه عيلة واحدة
أنا بصراحة يا حضرة المواطن المؤسس كريم منير بفكر أعمل ثورة في المنتدى أو نجيب تمرد تعمل شغل ونعمل مظاهرات وإضرابات فئوية ونحدث شكل المنتدى ونخصص 30% من عائد اﻹعلانات لتعيين كهربائي وميكانيكي بمرتبات شغلتهم إغاثة الملهوف على المنتدى والرد عليه كما والمقابلات لازم نلاقيلها حل نضمن حضور مشرف ونضمن أن يتم تقديم المأكولات والمشروبات مجانا حتى لو أنا وإنت نتحمل مصاريف اﻷكل والشرب يعني مثلا لو تكلف 10 آلاف حتدفع إنت 9900 وأنا جدعنه مني حدفع 100 جنيه يللا خلي الناس تاكل إنشا الله محدش حوش ثم عايزين نغير بقه ألوان المنتدى وتكلم الناس النايمة في قسم التقني يشوفوا شغلهم
زي هناك باب في مصادر التشريع اﻹسلامي إسمه باب سد الذرائع
يعني كل شوية عضو يغلط ويكتب باﻷحمر وحد مشرف مش فاضيلنا يخش يقول له معلش اﻷحمر بتاع اﻹدارة متكتبش بيه تاني يرجع طب متلغي اﻷحمر من بليتة الألوان وتريح الشعب
وكمان معظمنا بيخش من الموبايلات دلوأتي وأنا ملاحظ إن خانة العربية بتاعت العضو مش بتظهر في موبايلاتنا فوجه تعليماتك للقسم التقني بضرورة حل الموضوع خلال ال 48 ساعة القادمة
وشوف النواقص وكملها
أو تعاقد مع شركة تطوير تطورلنا المحتوى وإعملولنا مسابقات نلم بيها زباين للمنتدى إنت ليه محسسنا إنك خلاص زهقت من المنتدى ومعادش فيه جديد إنت تقدمه ليه ولا هو يقدمه ليك وراحت زهوته وحبك ليه مش زي أول أيام عملته فيها وليه سايبه علينا وكام عضو هم اللي شايلين مواضيع المنتدى على دماغهم لوحدهم حبا في المنتدى خد بالك الناس لا بد ييجي يوم وتزهق ومتستناش إن حد يجيب أفكار لازم تلاقي حد يطلع أفكار تطويرية يعني كنت لسه مثلا بفكر نعمل مسابقة في المنتدى للمعدلين في المنتدى بمعنى كل واحد يشتري عربية تعبانة ويشد ويعدل فيها لمدة سنة ويتعمل موضوع عن كل عربية لمراحل العمل وتطلع العربيات في لقاء ينضمه المنتدى جماهيري والتصويت من اﻷخوة اﻷعضاء داخل المنتدى إجباري مع الدخول وأيضا تتعرض على الجمهور زي مثلا في دريم لاند أو حديقة اﻷزهر وتقوم إدارة المنتدى من ريع اﻹعلانات بشراء سيارة الخاسر وإهدائها للفائز لو صفصفت التصفيات على عربيتين فقط أو تكون الجايزه للفائز الأول عربيتك البي إم دبليو رغم إنها من الفئة الثالثة ومش مقام الفايزين بس عشان إنت ركبتها حنظطر نقبلها منك آه بس لو مبتحلفش صدقني يا مواطن لو فضلت ورايه حبيعك حتى البيت
مقصد كلامي يا حضرة المواطن المؤسس كريم دي تاني مرة أطلب منك تهتم أكتر بشغلك وبالناس والمرة الأولى وعدتني خير ولم تتحرك قيد أنملة والمرة دي أرجو تهتم وتتحرك قيد أنملتين مش أنملة وحده
وإن لم تنصاع وترتدع وترتجع عما أنت فيه وتلبي رغبات الجماهير فو رب الكعبة لكون منظم إضراب عن الشاي بالسكر والحلويات والبابا غنوج وماما أم علي على باب مكتبك لمدة نص ساعة بحالهم وإنت المسؤول لو جرالي أي مضاعفات خنفشارية تؤدي ﻹمساك في ضرب الكفته
اللهم قد بلغت اللهم فإشهد

ملحوظة صديقك من صدقك وليس صديقك من حطلك معلقتين سكر في الشاي بدلا من معلقة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

استاذ صدام
لو كل عضو بيحضر مقابلات نايل موتورز فكر زى حضرتك وحسبها بالعدد اللى هيحضر
يبقا محدش هيحضر مقابلات
كل عضو بيحضر المقابلة بيحضر عشان يقابل اصدقاءه او يتعرف باعضاء جدد من نايل موتورز
بيحضر عشان بيحب نايل موتورز وعنده رغبة قوية انه يندمج اكتر في الكيان الكبير ده و حقيقى اللى مش بيحضر هو الخسران :)
اما فيما يخص تطوير المنتدى والاهتمام بيه فالحمدلله كريم منير تقريبا بيفكر في نايل موتورز حتى وهو نائم بس يمكن الاعضاء ميدركوش كل المجهود المبذول للحفاظ على نايل بالشكل اللى بيظهر ليكم
وتطوير نايل موتورز مستمر وفيه شركة خاصة مسؤلة عن تطوير المنتدى بشكل دائم ومستمر
بالاضافة لان اساس نايل موتورز اللى قام بيه وهيفضل مستمر بيه هو التعاون وتبادل الخبرات بين الاعضاء
يعنى نايل مش بيقدم معلومات عن طريق متخصصين يعملون لدى المنتدى بمرتبات مثلا عشان يقدروا يفيدوا الاعضاء
انما المنتدى قائم على الاعضاء انفسهم لضمان الحياد والثقة
يعنى مينفعش اجيب ميكانيكى ولا كهربائى ولا ايا كان وادفعله فلوس واقوله اخدم الناس وساعدهم لان الفلوس متضمنش انه يقدم فعلا اراء صحيحة وهيتحول من منتدى خدمى لاعلانات ورش وفنيين كل واحد يعمل لمصلحته مش لمصلحة الاعضاء
ويعنى ايه شركة تطور المحتوى ؟
حضرتك عاوز شركة تدخل تقدملك معلومات وموضوعات وتجارب اداء سيارات
اولا مفيش شركات بتقدم النوع ده من التطوير ولو وجد يبقا ايه لازمتنا كاعضاء وملاك سيارات
يبقا ايه لازمة المنتدى اصلا ؟
نايل موتورز قائم بتعاون اعضائه في تقديم كل جديد في عالم السيارات ومعاونة بعضهم البعض في اى مشاكل تقابلهم
والادارة بتوفر لهم المكان اللى يقدروا يخدموا بعض من خلاله
وكمان كل عضو في مجلس الادارة او الاشراف او التنسيق بيقدم كل معلومة يقدر يساعد بيها
غير وقته وجهده اللى بيبذله للحفاظ عالكيان الكبير لنايل موتورز
بالنسبة للمسابقات المتعلقة بالسيارات ان شاء الله بنفكر في بعض الاقتراحات وربنا يسهل ونقدر ننفذ حاجة منهم
شكرا على مشاركتك واقتراحاتك

اقتباس:

---

المشاركة الأصلية كتبت بواسطة s a m a

استاذ صدام
لو كل عضو بيحضر مقابلات نايل موتورز فكر زى حضرتك وحسبها بالعدد اللى هيحضر
يبقا محدش هيحضر مقابلات
كل عضو بيحضر المقابلة بيحضر عشان يقابل اصدقاءه او يتعرف باعضاء جدد من نايل موتورز
بيحضر عشان بيحب نايل موتورز وعنده رغبة قوية انه يندمج اكتر في الكيان الكبير ده و حقيقى اللى مش بيحضر هو الخسران :)
اما فيما يخص تطوير المنتدى والاهتمام بيه فالحمدلله كريم منير تقريبا بيفكر في نايل موتورز حتى وهو نائم بس يمكن الاعضاء ميدركوش كل المجهود المبذول للحفاظ على نايل بالشكل اللى بيظهر ليكم
وتطوير نايل موتورز مستمر وفيه شركة خاصة مسؤلة عن تطوير المنتدى بشكل دائم ومستمر
بالاضافة لان اساس نايل موتورز اللى قام بيه وهيفضل مستمر بيه هو التعاون وتبادل الخبرات بين الاعضاء
يعنى نايل مش بيقدم معلومات عن طريق متخصصين يعملون لدى المنتدى بمرتبات مثلا عشان يقدروا يفيدوا الاعضاء
انما المنتدى قائم على الاعضاء انفسهم لضمان الحياد والثقة
يعنى مينفعش اجيب ميكانيكى ولا كهربائى ولا ايا كان وادفعله فلوس واقوله اخدم الناس وساعدهم لان الفلوس متضمنش انه يقدم فعلا اراء صحيحة وهيتحول من منتدى خدمى لاعلانات ورش وفنيين كل واحد يعمل لمصلحته مش لمصلحة الاعضاء
ويعنى ايه شركة تطور المحتوى ؟
حضرتك عاوز شركة تدخل تقدملك معلومات وموضوعات وتجارب اداء سيارات
اولا مفيش شركات بتقدم النوع ده من التطوير ولو وجد يبقا ايه لازمتنا كاعضاء وملاك سيارات
يبقا ايه لازمة المنتدى اصلا ؟
نايل موتورز قائم بتعاون اعضائه في تقديم كل جديد في عالم السيارات ومعاونة بعضهم البعض في اى مشاكل تقابلهم
والادارة بتوفر لهم المكان اللى يقدروا يخدموا بعض من خلاله
وكمان كل عضو في مجلس الادارة او الاشراف او التنسيق بيقدم كل معلومة يقدر يساعد بيها
غير وقته وجهده اللى بيبذله للحفاظ عالكيان الكبير لنايل موتورز
بالنسبة للمسابقات المتعلقة بالسيارات ان شاء الله بنفكر في بعض الاقتراحات وربنا يسهل ونقدر ننفذ حاجة منهم
شكرا على مشاركتك واقتراحاتك

---

صديقتنا المواطنة
أنا طبعا مش حعلق على الكلام ده وحعتبره مش موجه لي ﻷني أظن حضرتك مش متابعة مساهماتي في خدمة اﻷعضاء أنا و20 أخ عضو تقريبا ومش بنتأخر عن حد وواقفين وبنساعد اﻷعضاء كلها في معظم المواضيع إجتماعيا وفنيا ودينيا وقانونيا وغيرها وعمرنا مزعلنا من حد ولا حزعل كمان من المشاركة دي وعليه مش حعلق ﻷني بعتبر طلباتي أعلاه تعود بالنفع عليكم وعلى المنتدى لحبنا ليه
وأحب أضيف طلب من المواطن المؤسس كريم منير
نرجو منك تكلم القسم التقني يرفع قدرة تخزين الرسائل لبعض اﻷعضاء الناشطين في خدمة اﻷعضاء عشان أولا أنا بحب اﻷرشيف وثانيا أنا بظطر كل يوم أدخل أمسح من 7 إلى 20 رسالة يوميا حتى أستقبل رسائل جديدة وكل الناشطين بيعانوا من المشكلة دي فيا ريت تجري اللازم ونشوف منك خطوات عالأرض وبلاش حنشوف وحنعمل وحنسوي وربك يسهلها وإن شاء الله
كلنا على الله ولكن لو معندكش نية اﻹصلاح والتطوير والتغيير فمش حنتقدم خطوة لكن لو نويت حتلاقي ربنا واقف جنبك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

لا حضرتك الكلام موجه لحضرتك اما فيما يخص المتابعة فاعتقد ان ممكن حضرتك اللي مش متابع كويس
لاني متهمتش حضرتك بانك مقصر او مش بتساعد حضرتك طالبت باشياء محددة تم الرد علي ما ذكرته تحديدا
لاني مردتش علي كلام لم يرد في مشاركة حضرتك
اما فيما يخص الاستاذ كريم منير فاعتقد هواقدر مني علي الرد
وبعد اذنك اتمني لما تخاطبي بلاش المواطنة ودمتم للنضال ده بعد اذنك

صلوا على النبى يا جماعه

انتم داخليين تحيوا الغزالى و لا حاجه تانيه

استاذ صدام حضرتك فايتك حوالى 4 سنوات من عمر المنتدى

من ايام ما كان اوضه و صاله و دلوقتى بقى فيلا فى كوباوند و برضه زى ما حضرتك بتقول لمدام سما انها مش متابعه مساهمتك

و ال20 عضو الاخرين فبرضه لا ننكر جهد ناس تانيه موقفه المنتدى على رجله و كانوا معاه فى احلك الظروف بجد مش كلام انشاء

و منهم مدام سما و شخص اعتبره الجندى المجهول بجد و هو استاذ نادر الطرابيشى (و لا اظن ان حضرتك تعرفه )

و غيرهم الكثير و من دخل المنتدى هو دخل بالاساس لكى يفيد حتى و لو يكن لديه شئ يقدمه فمع مرور الوقت سيجد ما يقدمه

و سيتبرع تلقائيا لتقديمه
--------------------------------
اما مسأله الحضور فأنا هاقولك على حاجه واحده

انا لم احضر الا مقابله فى 2007 و عيد المنتدى الاول و الى الان اتذكرهم كأنهم كانوا بالامس و فاكر التورته و مين اللى اكل حته كبيره و مين اللى اضحك عليه

و خرجت منها بشخص لم اقابله بعدها الا مره واحده و لكن الى الان هو من اعز الناس لدى قلبى و هو كريم منير

اتكل على الله انت بس و روح و قابل حتى 10 اعضاء و هاتخرج بعدها بصداقه 100 عضو

صديقتنا المواطنة
إن كان الشيء بالشيء يذكر وقولة الحق أحق أن تتبع
فقولا واحدا كل الكلام والمشاركات كاتت موجهة من اﻷول للأخ المواطن المؤسس كريم منير وأنتي من تطوعتي للرد وكما نحن نرد عليكي أيا كان أسلوبك فأنتي ملزمة بالرد علينا أيا كان أسلوبي وأنا أتحدث بهذه الطريقة مع 150 ألف عضو في المنتدى بهذا اﻷسلوب والطريقة وهذا ما عرفت به فقطعا لن أغير أسلوبي لا من أجل أي حد وقطعا ليس من أجلك وطبعا حضرتك أفضل مني في كل حاجة أما المنتدى فأنا متابعه منذ أوائل تأسيسه ولكني إنتسبت رسميا بعدها ثم سافرت ثم عدت لمن يسأل عن اﻷقدمية
أما إن كان هذا أسلوبك فيمن ينصحكم ليتقدم المنتدى للأمام فما سيكون أسلوبك مع من يهاجمكم صراحة ولا يريد بكم الخير ويكون غير مؤدبا
ثم أنا أعلن أني لا نية عندي للدخول في خلافات مع أي فتاة في مصر ﻷن طبيعة المواطن المصري الحبيب ستجدين ألف رجل يقف جنبك ويخش بصوت عالي ويساهم في الخناقة دفاعا عنكي وهو مش عارف حاجة والحق مع مين وعند مين وعليه يا ريت نترك الموضوع عند حده
ثم أرجع وأقول أنا وجهت كلامي لرئيس المنتدى باﻹسم فمش عايز حد أقل منه يرد عليا إن كان يريد الرد ثم من قال إني طالب حد يرد عليا أنا قدمت مقترحات من وجهة نظري تؤدي لتقدم ركود المنتدى ممكن تاخدوها من سكات وخلاص إنما تفتعلي مشكلة وتحاولي تغيري من أسلوب كلامي كأني خاطبتك بإستهزاء أو بتقليل منك رغم إن الناس عندي كلها في المنتدى سواسية كأسنان المشط
وربنا يصلح الحال وإن كان لا بد للحديث أن يستمر فلن أرد إلا على صاحب الشأن وليس المتطوعين للرد بإسمه مهما حملوا من مراكز شرفية في المنتدى
وحضرتك المقامات محفوظة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

اشكرك يا استاذ صدام

رسالتك وصلت و بها الكثير الذى يمكن الرد عليه و لكنى لن ارد لاجل انسان احترمه و احب ان ارى تعليقاته و ردى عليه

سيغلق اى فرصه فى المستقبل لكى ارى منه اى تعليق

اشكرك مره اخرى و ارجو من الاداره حذف التعليق الخاص بى فى المشاركه رقم #6

اقتباس:

---

المشاركة الأصلية كتبت بواسطة mtak

اشكرك يا استاذ صدام

رسالتك وصلت و بها الكثير الذى يمكن الرد عليه و لكنى لن ارد لاجل انسان احترمه و احب ان ارى تعليقاته و ردى عليه

سيغلق اى فرصه فى المستقبل لكى ارى منه اى تعليق

اشكرك مره اخرى و ارجو من الاداره حذف التعليق الخاص بى فى المشاركه رقم #6

---

صديقي المواطن
أرجوك لا تظلمني قولا واحدا
فالظلم ظلمات يوم القيامة وأنت بالذات تعلم معزتك عندي وأنا أتابعك جيدا ولو لم تكن مهما عندي ما تعبت في كتابة هذه المشاركة أصلا وأنا أقسم برب الكعبة في ردي السابق لم أفكر أو أشر إليك من قريب أو بعيد ومشاركتك تعتبر في صفي لذلك لم أعلق عليها بالعكس حضرتك دخلت من كرم أخلاقك كمحضر خير لتهدئة النفوس وهو مفيش مشكلة أصلا ولكن قد حصل عندك لبس ﻷن اﻷخت المواطنة طلبت مني عدم توجيه الحديث إليها ومن أجل ذلك عند ردي موضعتش علامة إقتباس على كلامها إحتراما لرغبتها وعدم النية لتكبير موضوع بسيط ظلمنا به
فأنت نور عيني وتاج رأسي وزعلك مني حتى لو كان غير قصد مني يقض مضجعي ويسرق النوم من عيني فأنت أحد كبار اﻷعضاء اﻷفاضل الذين أتشرف بمعرفتهم هنا فهلا عذرتني إن تصور لكم أني قصرت في حقكم
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال


ملحوظة يا صديقي المواطن يعني واحد بيحب المنتدى وبيقدم مقترحات عشان يتطور للأفضل يبتدي يخسر صحابه الغاليين عليه زي حضرتك وكمان اﻷخت المواطنة من اﻹدارة تزعل خلاص يا جماعة حقكو علينا معدناش نطالب بالتطوير ولو شايفينا تقال عليكم ممكن نقفل محلنا من هنا ونلم الحاجة ونمشي من المنتدى غير مأسوف علينا ولا حد حيفتكرنا أصلا

اقتباس:

---

المشاركة الأصلية كتبت بواسطة saddam

صديقي المواطن
أرجوك لا تظلمني قولا واحدا
فالظلم ظلمات يوم القيامة وأنت بالذات تعلم معزتك عندي وأنا أتابعك جيدا ولو لم تكن مهما عندي ما تعبت في كتابة هذه المشاركة أصلا وأنا أقسم برب الكعبة في ردي السابق لم أفكر أو أشر إليك من قريب أو بعيد ومشاركتك تعتبر في صفي لذلك لم أعلق عليها بالعكس حضرتك دخلت من كرم أخلاقك كمحضر خير لتهدئة النفوس وهو مفيش مشكلة أصلا ولكن قد حصل عندك لبس ﻷن اﻷخت المواطنة طلبت مني عدم توجيه الحديث إليها ومن أجل ذلك عند ردي موضعتش علامة إقتباس على كلامها إحتراما لرغبتها وعدم النية لتكبير موضوع بسيط ظلمنا به
فأنت نور عيني وتاج رأسي وزعلك مني حتى لو كان غير قصد مني يقض مضجعي ويسرق النوم من عيني فأنت أحد كبار اﻷعضاء اﻷفاضل الذين أتشرف بمعرفتهم هنا فهلا عذرتني إن تصور لكم أني قصرت في حقكم
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال


ملحوظة يا صديقي المواطن يعني واحد بيحب المنتدى وبيقدم مقترحات عشان يتطور للأفضل يبتدي يخسر صحابه الغاليين عليه زي حضرتك وكمان اﻷخت المواطنة من اﻹدارة تزعل خلاص يا جماعة حقكو علينا معدناش نطالب بالتطوير ولو شايفينا تقال عليكم ممكن نقفل محلنا من هنا ونلم الحاجة ونمشي من المنتدى غير مأسوف علينا ولا حد حيفتكرنا أصلا

---

صديقى الغالى / المواطن صدام

و الله لقد احرجتنى حتى انى لا اعرف ماذا اقول او ارد عليك , و اما و انك قد اقسمت انك لم تكن تقصدنى

فلا اجد الا ان اعتذر لك عن الظن السئ بك فأرجو ان تسامحنى على هذا , و قد كانت مداخلتى كما ذكرت لتهدئه الوضع

و لكنى لم افهم الموضوع جيدا
------------------------------------------
مسأله تقديم مقترحات للمنتدى

يا سيدى الفاضل قدم اقتراحاتك كما تحب و لا تحزن اذا رأيت اتجاه معاكس لها طالما وجدت الشرح الكافى لرفضها

اذكر انى عرضت شئ على محمود الحفناوى فى بدايه المنتدى و لكنه افهمنى انه لا يجوز و تم حذف موضوعى من الاساس و لم احزن بالمره وقتها

فلكل شخص scope الخاص به و كل عضو له قطر معين للدائره فهناك من دائرته 14 و هناك 18 (نقلب شويه على السيارات )

----------------------------------

اما مسأله اذا ذهبت لن يتذكرك احد فأنت مخطئ تماما فى هذا

اعملها انت بس و شوف ان كلنا هانفضل فاكرينك - نيهههههههههههه

كتير سابوا المنتدى و الى الان لا زالوا فى ذاكرتنا و نتذكرهم بكل احترام و موده و كتير سابوا المكان و لا احد يعرف من هم اساسا و اعتقد انك من الاول

و سوف نتذكرك دائما و لكن لا تترك المكان حتى نتذكرك اكتر :)

-----------------------------------

اعتذار واجب لصاحب الموضوع و الحفله

واضح علشان احنا ماكلناش من التورته اننا عينينا فيها بالقوى بزياده و احمد ربنا انها جت على موضوع

اقتباس:

---

المشاركة الأصلية كتبت بواسطة mtak

صديقى الغالى / المواطن صدام

و الله لقد احرجتنى حتى انى لا اعرف ماذا اقول او ارد عليك , و اما و انك قد اقسمت انك لم تكن تقصدنى

فلا اجد الا ان اعتذر لك عن الظن السئ بك فأرجو ان تسامحنى على هذا , و قد كانت مداخلتى كما ذكرت لتهدئه الوضع

و لكنى لم افهم الموضوع جيدا
------------------------------------------
مسأله تقديم مقترحات للمنتدى

يا سيدى الفاضل قدم اقتراحاتك كما تحب و لا تحزن اذا رأيت اتجاه معاكس لها طالما وجدت الشرح الكافى لرفضها

اذكر انى عرضت شئ على محمود الحفناوى فى بدايه المنتدى و لكنه افهمنى انه لا يجوز و تم حذف موضوعى من الاساس و لم احزن بالمره وقتها

فلكل شخص scope الخاص به و كل عضو له قطر معين للدائره فهناك من دائرته 14 و هناك 18 (نقلب شويه على السيارات )

----------------------------------

اما مسأله اذا ذهبت لن يتذكرك احد فأنت مخطئ تماما فى هذا

اعملها انت بس و شوف ان كلنا هانفضل فاكرينك - نيهههههههههههه

كتير سابوا المنتدى و الى الان لا زالوا فى ذاكرتنا و نتذكرهم بكل احترام و موده و كتير سابوا المكان و لا احد يعرف من هم اساسا و اعتقد انك من الاول

و سوف نتذكرك دائما و لكن لا تترك المكان حتى نتذكرك اكتر :)

-----------------------------------

اعتذار واجب لصاحب الموضوع و الحفله

واضح علشان احنا ماكلناش من التورته اننا عينينا فيها بالقوى بزياده و احمد ربنا انها جت على موضوع

---

صديقي المواطن
عيب عليا أن أقبل إعتذارك فأنت أخ أكبر وعضو أفضل وأكرم وكاره لنفسي أن وضعتك في موقع إعتذار من أخيك الأقل منك صدام المواطن وأنا من عليه اﻹعتذار من هنا لغاية بكره وسعيد إن فيه ناس في مصر شايله جزء من أخلاقك وده دليل إن لسه فيه ربع أمل في البلد دي ورحم الله والديك في الدنيا واﻵخرة على حسن تربيتهم لك
أما اﻷخ صاحب الموضوع فصعب يسامحنا ﻷننا يعتبر دسنا في بطنه جامد واللي يحكم بيه رقبتنا نقدمهاله يدبح بينا بسكينه عميا لو عايز

أما المقترحات فصدقني قولا واحدا نحن يائسين من أي إستجابة وأنا أشهد والكل يشهد أن المواطن المؤسس كريم منير هو من أعلانا خلقا هنا وكرمه يخجلنا وأيضا يجعله مطمع لنا بأن نيجي عليه شويه ونطلب منه يهتم بتطوير المنتدى ولكن للأسف وهو معذور فإستجاباته للنصائح صفرا على الشمال ويعدك بكلام جميل ولكن على أرض الواقع لا شيء وأنا من النوع الملتزم بحديث الرسول صلى الله عليه وسلم الذي يقول إلتمس ﻷخيك ولو سبعين عذرا فأنا قد أظن أن التطوير مكلف ماديا وقد أظن أن المنتدى بخسر وهو يصرف عليه من جيبه وبصفتي مالك موقع سابق فأعلم جيدا تكاليف أي تطوير وإن كان بسيطا
ثم لو يعلم كريم منير مدى تقديرنا له ومدى تطبيقي لنظرية ﻷجل عين ألف عين تكرم فأنا من أجل عينيه وﻷجل خاطره تجنبت إثارة فضيحة مدوية لزيوت وولف للمحركات وزيت الباكم بتاعهم بعد زيارته الشخصية لهم وإعتراف مسؤول المبيعات عندهم عن مستوى زيتهم مقارنة بفالفولين وعن سر ضعف إدارتهم ضد عمالهم وتمشية كلام العمال عالزبون وعاﻹدارة وغيرها الكثير وسكت وقلت دول بيعلنوا عند كريم منير ومش عايزين نجيب سيرتهم بالعاطل ولكن أنا قلت لهم حنروح نايل موتورز وحنفظحكم ولكن إحتراما لك سكتنا وبعد كل ده يتهم صدام المواطن بأنه مبيحبش كريم منير والمنتدى
ونسأل الله الثبات
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

اقتباس:

---

المشاركة الأصلية كتبت بواسطة saddam

صديقتنا المواطنة
إن كان الشيء بالشيء يذكر وقولة الحق أحق أن تتبع
فقولا واحدا كل الكلام والمشاركات كاتت موجهة من اﻷول للأخ المواطن المؤسس كريم منير وأنتي من تطوعتي للرد وكما نحن نرد عليكي أيا كان أسلوبك فأنتي ملزمة بالرد علينا أيا كان أسلوبي وأنا أتحدث بهذه الطريقة مع 150 ألف عضو في المنتدى بهذا اﻷسلوب والطريقة وهذا ما عرفت به فقطعا لن أغير أسلوبي لا من أجل أي حد وقطعا ليس من أجلك وطبعا حضرتك أفضل مني في كل حاجة أما المنتدى فأنا متابعه منذ أوائل تأسيسه ولكني إنتسبت رسميا بعدها ثم سافرت ثم عدت لمن يسأل عن اﻷقدمية
أما إن كان هذا أسلوبك فيمن ينصحكم ليتقدم المنتدى للأمام فما سيكون أسلوبك مع من يهاجمكم صراحة ولا يريد بكم الخير ويكون غير مؤدبا
ثم أنا أعلن أني لا نية عندي للدخول في خلافات مع أي فتاة في مصر ﻷن طبيعة المواطن المصري الحبيب ستجدين ألف رجل يقف جنبك ويخش بصوت عالي ويساهم في الخناقة دفاعا عنكي وهو مش عارف حاجة والحق مع مين وعند مين وعليه يا ريت نترك الموضوع عند حده
ثم أرجع وأقول أنا وجهت كلامي لرئيس المنتدى باﻹسم فمش عايز حد أقل منه يرد عليا إن كان يريد الرد ثم من قال إني طالب حد يرد عليا أنا قدمت مقترحات من وجهة نظري تؤدي لتقدم ركود المنتدى ممكن تاخدوها من سكات وخلاص إنما تفتعلي مشكلة وتحاولي تغيري من أسلوب كلامي كأني خاطبتك بإستهزاء أو بتقليل منك رغم إن الناس عندي كلها في المنتدى سواسية كأسنان المشط
وربنا يصلح الحال وإن كان لا بد للحديث أن يستمر فلن أرد إلا على صاحب الشأن وليس المتطوعين للرد بإسمه مهما حملوا من مراكز شرفية في المنتدى
وحضرتك المقامات محفوظة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

---

هو ايه اللى حضرتك بتقوله ده
خلاف ايه اللى مش هتدخله مع اى فتاة وخناقة ايه ودفاع عن مين
ومين اللى اقل من مين ومشكلة ايه اللى افتعلتها
ايه دخل كلامك ده بردى على اقتراحاتك ومشاركتك
هو حضرتك مدرك للكلام اللى حضرتك كاتبه ؟
احتراما لنفسى قبل مركزى الفعلى في المنتدى مش هرد على حضرتك

صديقتنا المواطنة أعلاه
إحترامنا لحضرتك ولمركزك محفوظ وفوق راسنا كلنا من فوق وقلنا فوق وحنعيد ونقول من تاني حضرتك أحسن مني ونحن مقدرين جهودك اﻹدارية في خدمة المنتدى وأركز على كلمة اﻹدارية ﻷني ويشهد الله لا أعلم مكانتك في عالم السيارات ومدى خبرتك فيها وكام عربية ركبتي في حياتك وكام عربية عدلتي في حياتك وهل حضرتك عاشقة للسيارات أم حضرتك خبرتك إدارية وإجتماعية داخل المنتدى
أرجوكي متفهميش كلامي غلط ولا تزعلي مني ولكن نحن بنغير على منتدانا والمفروض أنا وحضرتك نتعاون ونتواصل لتعلية شأن المنتدى وليس نختلف في وجهات نظر بسيطة ونشتت فيها جهودنا وأعذريني فأنا أخ لكي
ونسأل الله الثبات
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

صلوا على النبى يا جماعة

استاذ صدام، حضرتك شكرا لنصائحك ورؤيتك بخصوص تطوير المنتدى وان كنت اخذ عليك بطريقة العرض فمن يريد النصح فلينصح بينه وبين من يريد ان ينصحه وليس على الملاء.
وايضا من يريد صالح المنتدى فكان اولى بأن يحضر المقابلة ويتعرف على الاعضاء (ايا كان عددهم) وممكن عرض وجهة نظره بخصوص المنتدى وهذا اصلا ما تعودنا عليه منذ نشأة المنتدى وفى كل المقابلات.
واخيرا حضرتك قاصد تطوير المنتدى وبتقترح اقتراحات محددة ومدام سما لما ردت على حضرتك ردت بصفتها وليس بشخصها واحنا متعودين ان طابما الموضوع او المشاركة فى موضوع عام فمن حق اى عضو الرد والتعليق.

ارجو تقبل كلامى.

استاذ صدام
اسمحلى اسئل حضرتك سؤال
هوا الموضوع معمول عشان تقرير للمقابله الى تمت ولا للشكوى والاقتراحات ؟!
اظن فى قسم مخصص للاقتراحات حضرتك ممكن تعمل فيه مليون موضوع تطلب فيه كل الى نفسك فيه وهتلاقى كريم منير والادراه كلها بترد عليك وبتجاوب حضرتك بكل استفاضه ومعاك لحدا اما تجاوبك وتوفرلك كل طلباتك كلما كان فى الامكان
وثانيا لو على حضرتك وال 20 عضو الى بتخدموا الناس بس فالمنتدى
مكنش المنتدى وصل للى احنا فيه دلوقتى
لو مفيش ناس بتدفع من وقتها وفلوسها عشان تقوم المنتدى وتخدم الكبير والصغير وتساعد كل الناس الحلو والوحش
مكنش المنتدى وصل لحد اما حضرتك عرفته انت وال 20 عضو
والى اكيد في كتير منهم من الناس القديمه الى قومت المنتدى لحد الى وصل ليه
معلش استأذن حضرتك لو ليك استفسار او مشكله مع حد او لحد
فاقسام مخصوصه لده
ده موضوع للمقابله مش لتصفيه خلافات او للطلبات
وشكرا ليك ولكل حد رد فالموضوع
---------------------------------
والصور انا هارفعها بكره تانى ان شاء الله

استاذ صدام
اولا انت دخلت غيرت مسار الموضوع 180 درجه
ده موضوع عن تغطية مقابلة قام بها الاعضاء اللي حضرتك بطالبهم يجو كلهم وانت اول واحد ما بتجيش
يبقي احنا كادارة نعمل ايه
ومرة واحدة غيرت مسار الموضوع وقلبتة ادارة مش شايفة شغلها ودعم فني
ايه اللي جاب الكلام ده هنا؟
هو حضرتك مش شايف ان في قسم كامل للاقتراحاات تقدر تقترح اللي انت عايزة فيه
ثانيا اللي ردت مركزها مديرة المنتدي
يعني هي اولي واحدة انها ترد عن كل ماريتعلق بالمنتدي سواء كان فني او تقني او محتوي
للاقسام استشاريين تقدر تطلب منهم طلبك ده لكن الليوردت لقبها الرسمي ووظيفتها مديرة المنتدي
اما بخصوص فضيحة مركز الزيت اللي بتقول عليها فاسمخلي انت كدة خالف ماويمليه عليك ضميرك
المنتدي اعلانته مابتدخلش في جيبي
المنتدي مباع اعلانيا لشركة عشان مسمعش كلمة من اي شخص اي كان مركزه ومقامه انه يقول انتي بتستر علي اي معلن بيبيع منتج ردئ مقابل اعلانة
يبقي كدة فعلا انتي مش متابع للمنتدي نهائي ولا تعرف المنتدي وقف مين وحذف اعلانات مين عشان خاطر الاعضاء
شكرا

رجاء للمشرف نقل المشاركلت في مناقشة خارج الموضوع

اقتباس:

---

المشاركة الأصلية كتبت بواسطة damasry

صلوا على النبى يا جماعة

استاذ صدام، حضرتك شكرا لنصائحك ورؤيتك بخصوص تطوير المنتدى وان كنت اخذ عليك بطريقة العرض فمن يريد النصح فلينصح بينه وبين من يريد ان ينصحه وليس على الملاء.
وايضا من يريد صالح المنتدى فكان اولى بأن يحضر المقابلة ويتعرف على الاعضاء (ايا كان عددهم) وممكن عرض وجهة نظره بخصوص المنتدى وهذا اصلا ما تعودنا عليه منذ نشأة المنتدى وفى كل المقابلات.
واخيرا حضرتك قاصد تطوير المنتدى وبتقترح اقتراحات محددة ومدام سما لما ردت على حضرتك ردت بصفتها وليس بشخصها واحنا متعودين ان طابما الموضوع او المشاركة فى موضوع عام فمن حق اى عضو الرد والتعليق.

ارجو تقبل كلامى.

---

صديقي المواطن
عضو فاضل وأخ كريم وأعزك في الله ومهتم بآرائك
بخصوص النصيحة التي على المﻷ فدي أنا أول من نادى بها على المنتدى بخصوص نصايح شخصية أو دينية قد من يقولها يبان أنه هو المؤمن الوحيد وغيره أقل منه
ولكن المقترحات موضوع عام والنقاش مفتوح بيه للجميع ومعروف عني في المنتدى والكل يعلم لا أصادر حق أي إنسان في الرد ومن يشتمني قبل من يحبني وأهتم بآراء اﻵخرين ولكن الموضوع أنا كنت بقدم إقتراحات بطريقتي المعهودة وبخلط الجد بالهزل وده معروف عني وفرحان بالمقابلة وزعلان ﻷنها فاتتني وبطلب من الناس يحضروا بغزارة وبوجه كلامي للمواطن المؤسس الحبيب الرفيق المؤسس كريم منير ولا مانع بتاتا كل اﻷعضاء تناقش فيه بالعكس ده مطمحي ولكن الذي حدث أنا لا أعرف داخليات اﻹدارة وهل هم موظفين عند كريم منير أم إنهم كلهم متطوعين فأنا فوجئت برد اﻷخت المواطنة وقالت كلمة كإنها بتكلم حد نكرة في عالم العربيات وبتقول لي اللي محضرش هو الخسران فأنا قلت مع نفسى
.................................................. .................................................. .................................................. .................................................. .............................................

ومحدش يزعل كل الدراسات بتقول إن الفيسبوك بجلالة قدره إلى زوال والناس بتهجره تدريجيا وخلال سنين حيقفل فما بالك إحنه عايزين إقتراحات وورشة عمل وتحريك للمياه الراكدة راحت تقوللي إنت عايز حد يقترحلك مواضيع وما المانع مش فيه عندنا هنا أظن عضوية تحت إسم ناشر صحفي ممكن نعين 4 صحفيين ونحرك المنتدى وأنا ممكن وغيري نعمل مواضيع كتير بس محتاجين دعم
ثم تعال حضرتك وشوف بقالنا قد إيه بنتكلم عمالين نتكلم في مواضيع جانبية
.................................................. .................................................. .................................................. .................................................. .................................................. .....
.................................................. .................................................. .................................................. .................................................. .................................................. .................................
.................................................. .................................................. .................................................. .................................................. .................................................. ..................................
.................................................. .................................................. .................................................. .................................................. .................................................. ..................................
ونسأل الله يسامحنا ويسامح الجميع
وصدقوني مفيش أي مشكلة ودلوأتي حيخش حبيبي كريم منير ويطيب خواطرنا كلنا وحيشرحلنا كل حاجة وخطته الخمسية لتطوير المنتدى وحنشكره وحنقول له ربنا يعينك وإحنه وراك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

إنذار ووقف اسبوع لمخالفه القاعده رقم 12 من قواعد المنتدى
والخاصه بالتهكم والسخريه
يرجى مراعاه الاداب العامه ومراجعه قواعد المنتدى
م.ع 6
03/03/2014
12:40 am





العضو الفاضل

نقدر لك حرصك على المنتدى ومحاوله طرح أفكار لتطويره والعمل على النهوض به
ولكن مع إحترامنا الشديد لشخصكم الكريم فهناك طاقم عمل فنى وإدارى وتقنى وإعلانى
ومن خلفهم مجلس إداره مهمتهم جميعا العمل الدؤوب والمستمر على تنميه هذا المنتدى
والمحافظه على المكانه الكبيره التى وصل إليها بفضل جهود كافه الأعضاء من أول يوم لتأسيسه
وحتى يومنا هذا ثم بفضل جهود هذا الفريق والذى أغلبهم يعمل متطوعا وبدون أجر
وبالرغم من تقديرنا البالغ لشخصك ولكن نسجل إعتراضنا الواضح والقوى على تدخلك فى عمل
الإداره والتهكم على افراد الاداره ووصفهم بسوء الإداره والتقصير فى العمل وذلك سوء تقدير منك
لأنك بالقطع لا تعلم أى شئ عن اليه عمل الأداره هنا ولا توزيع الأدوار المختلفه بين أفراد الإداره كل فى موقعه
وكذلك وصفك للسيده مديره المنتدى بوصف لا يليق بها ولا بأى فرد من الإداره ولا حتى بأى عضو
مهما كان بوصفك لها بالعنجهيه والتكبر والغرور والفوقيه وهذه كلمات توضع تحت بند الشخصنه والتهكم
حسب قواعد المنتدى والتى يفترض أنك على علم ودرايه بها
لقد إجتمع طاقم الإداره ومجلس الإشراف ومراقبى المنتدى لبحث هذا الموضوع
وخرجنا بمعاملتك بالحد الأدنى من تطبيق القواعد وإيقافك اسبوع واحد
ونرجو مراعاه ذلك مستقبلا ونرحب بك عضو فاعل ومميز
ونرحب بإقتراحاتك وإقتراح كافه الأعضاء للنهوض بالمنتدى
ولكن فى القسم المخصص لذلك وهو قسم إقتراحات واستفسارات الأعضاء

نشكرك على تفهمك

مراقب المنتدى
3/3/2014
1:00AM

اقتباس:

---

المشاركة الأصلية كتبت بواسطة karim_monir

استاذ صدام
اولا انت دخلت غيرت مسار الموضوع 180 درجه
ده موضوع عن تغطية مقابلة قام بها الاعضاء اللي حضرتك بطالبهم يجو كلهم وانت اول واحد ما بتجيش
يبقي احنا كادارة نعمل ايه
ومرة واحدة غيرت مسار الموضوع وقلبتة ادارة مش شايفة شغلها ودعم فني
ايه اللي جاب الكلام ده هنا؟
هو حضرتك مش شايف ان في قسم كامل للاقتراحاات تقدر تقترح اللي انت عايزة فيه
ثانيا اللي ردت مركزها مديرة المنتدي
يعني هي اولي واحدة انها ترد عن كل ماريتعلق بالمنتدي سواء كان فني او تقني او محتوي
للاقسام استشاريين تقدر تطلب منهم طلبك ده لكن الليوردت لقبها الرسمي ووظيفتها مديرة المنتدي
اما بخصوص فضيحة مركز الزيت اللي بتقول عليها فاسمخلي انت كدة خالف ماويمليه عليك ضميرك
المنتدي اعلانته مابتدخلش في جيبي
المنتدي مباع اعلانيا لشركة عشان مسمعش كلمة من اي شخص اي كان مركزه ومقامه انه يقول انتي بتستر علي اي معلن بيبيع منتج ردئ مقابل اعلانة
يبقي كدة فعلا انتي مش متابع للمنتدي نهائي ولا تعرف المنتدي وقف مين وحذف اعلانات مين عشان خاطر الاعضاء
شكرا

رجاء للمشرف نقل المشاركلت في مناقشة خارج الموضوع

---

صديقي المواطن
شكرا لتشريفكم الكريم بالرد
وقولا واحدا
كل ما قلته حضرتك صح وكل ما أقوله أنا خطأ ولكن أنت تعلم والكل يعلم مدى إحترامي لك والسطرين الخاصين بمواضيع اﻹعلانات وإنه حد يسمعك كلمة فلم نكن نحتاج هذا الرد القاسي منك والتوضيح كان كافيا بأنك مسلم اﻹعلانات لشركة أخرى
وأنا بدخل من الهاتف ولا أدخل من كمبيوترات إلا نادرا ولا أشاهد أي إعلان نهائيا مالم يرد ذكره في موضوع وما قلته بخصوص شركة الزيوت كان المفروض تسجله تقطه في صالحي وتقربك مني لا أن تبعدك مني وتنتصر للأخت مديرة المنتدى ولم تعلق في صلب الموضوع وعامة حبنا لك في الله مستمر وإحنه متعودين في مصر شيء أفضل من لاشيء وخل المنتدى ساتر علينه بنقابل ونتعرف فيه على ناس شديدة الخلق واﻹحترام وخلينه ماشيين جنب الحيط ولا حنكلم مشرفين ولا حنحط مقترحات ولا حنيجي جنب اﻷخت مديرة المنتدى
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

اقتباس:

---

المشاركة الأصلية كتبت بواسطة الغزالى

استاذ صدام
اسمحلى اسئل حضرتك سؤال
هوا الموضوع معمول عشان تقرير للمقابله الى تمت ولا للشكوى والاقتراحات ؟!
اظن فى قسم مخصص للاقتراحات حضرتك ممكن تعمل فيه مليون موضوع تطلب فيه كل الى نفسك فيه وهتلاقى كريم منير والادراه كلها بترد عليك وبتجاوب حضرتك بكل استفاضه ومعاك لحدا اما تجاوبك وتوفرلك كل طلباتك كلما كان فى الامكان
وثانيا لو على حضرتك وال 20 عضو الى بتخدموا الناس بس فالمنتدى
مكنش المنتدى وصل للى احنا فيه دلوقتى
لو مفيش ناس بتدفع من وقتها وفلوسها عشان تقوم المنتدى وتخدم الكبير والصغير وتساعد كل الناس الحلو والوحش
مكنش المنتدى وصل لحد اما حضرتك عرفته انت وال 20 عضو
والى اكيد في كتير منهم من الناس القديمه الى قومت المنتدى لحد الى وصل ليه
معلش استأذن حضرتك لو ليك استفسار او مشكله مع حد او لحد
فاقسام مخصوصه لده
ده موضوع للمقابله مش لتصفيه خلافات او للطلبات
وشكرا ليك ولكل حد رد فالموضوع
---------------------------------
والصور انا هارفعها بكره تانى ان شاء الله

---

صديقي المواطن
شكرا ليك طبعا وأنا وال 20 عضو وحضرتك أولهم حناخد كلامك فوق راسنا ونطبقه ﻷن حضرتك سباق معانا وأولنا في تقديم المساعدة للإخوة طالبي المساعدة من زملائنا اﻷعضاء الجدد أما بخصوص الحديث خارج الموضوع فبالعكس الكلام جاء مشتقا من تعليقي على المقابلة في المنتدى وكيفية تعزيزها وتكبيرها
اللي مزعلني بس من حضرتك آخر كلمة إن لو ليا تصفية حسابات مع حد أنقلها لمكان تاني وأنا قولا واحدا عمر ماكان ليا خلافات مع حد ولا حيكون وأنا الحمد لله لن يكون عندي خلافات مع أحد فأنا حتى من يكرهني ويهاجمني أحتويه فهو أخ وحبيب وأرجو أن لا تتحامل علي ولا تتضايق مني فأنا أخوك في الله
وأنا شايف إن بمقترحاتي هذه أخدمك وأخدم باقي اﻷعضاء والمنتدى أما بخصوص قسم الشكاوي والمقترحات فلو حد مسؤول مسؤول فعلي مش واخد رتبة شرفيه دخل وإهتم بما تقوله الناس فيه كنا دخلنا وقلنا
ثم خلاص يا عم ولا عايزين نشتكي ولا عايزين نقترح ولا عايزين نطور
إن شاء الله خلاص دلوأتي اﻷخ المواطن المؤسس كريم منير دخل وجدد ثقته بمديرته العامه وهي أكيد اتخت فاضلة وقرت كل مشاركات الموضوع ده وحتهتم فعلا بالموضوع ويتم عقد مناقشات وجلسات لتطوير المحتوى فهي أكيد بتحسبنا كلنا إخوة ليها أكبر منها أو أصغر منها وكلنا بنكمل بعض كإدارة وأعضاء وهي أكيد مش معتبرانا أعداء ليها وأنا متوسم خير
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

معلش يا غزالى الموضوع باظ تتعوض ان شاء الله

استاذ صدام لا تزال تصدمنى بردودك فى كل مرة
حضرتك فاكر وقت ما بعتلك فى رسالة خاصة دعوة لحضور مقابلة كيا هيواندى الشهر الجارى
ردك بصراحة كان صدمة ولانه كان فى رسالة خاصة مينفعش اكتبها على العام
واتصدمت مرة تانية لما قريت ردك هنا عن المقابلات عموما لانه كان مخالف لردك ليا على المقابلة
الصدمة التالتة هو تحويلك للموضوع بدون اى مناسبة وبما انك عضو قديم وشخصية جديرة بالاحترام فوجب عليك ان تعلم ان لكل مقام مقال
وهذا ليس الموضوع المناسب لعرض وجهات نظرك المفيدة فاذا كنت تراها نصائح انا وغيرى نراها هجوم ونقد لااذع بيصل لحد التهكم فى بعض الاحيان
وانا من المتابعين لمشاركتك فهذا الاسلوب مختلف تماما عن اسلوبك فى الحوار ودى الصدمة الرابعة
فى مشكلة معاك مع ادارة المنتدى ؟؟
استاذ صدام حضرتك صدمتنى فيك .

اقتباس:

---

المشاركة الأصلية كتبت بواسطة ابو ليلى

معلش يا غزالى الموضوع باظ تتعوض ان شاء الله

استاذ صدام لا تزال تصدمنى بردودك فى كل مرة
حضرتك فاكر وقت ما بعتلك فى رسالة خاصة دعوة لحضور مقابلة كيا هيواندى الشهر الجارى
ردك بصراحة كان صدمة ولانه كان فى رسالة خاصة مينفعش اكتبها على العام
واتصدمت مرة تانية لما قريت ردك هنا عن المقابلات عموما لانه كان مخالف لردك ليا على المقابلة
الصدمة التالتة هو تحويلك للموضوع بدون اى مناسبة وبما انك عضو قديم وشخصية جديرة بالاحترام فوجب عليك ان تعلم ان لكل مقام مقال
وهذا ليس الموضوع المناسب لعرض وجهات نظرك المفيدة فاذا كنت تراها نصائح انا وغيرى نراها هجوم ونقد لااذع بيصل لحد التهكم فى بعض الاحيان
وانا من المتابعين لمشاركتك فهذا الاسلوب مختلف تماما عن اسلوبك فى الحوار ودى الصدمة الرابعة
فى مشكلة معاك مع ادارة المنتدى ؟؟
استاذ صدام حضرتك صدمتنى فيك .

---

صديقي المواطن
حضرتك بجد أخ عزيز على قلبي وأنا مصدوم أيضا ﻷني مش فاكر نص الرسالة عالخاص ولكن 99% ردي كان سيتمحور حول حاليا الظروف غير مواتيه ومقرر بعد فتره أحضر كل مقابلات المنتدى وأذكر إني شكرتكم ﻷنكم إفتكرتوني وأذكر أني قلت ردا عليك يا عزيز قلبي أو لغيرك أني مش محب لحضور لقاءات بتاعت كل واحد يحاسب على نفسه ﻷن ده مخالف لنشأتي وعاداتي وتقاليدي وما تربيت عليه وقلنا نعمل لمه كبيرة كل مرة على واحد وقلت كمان مرة بعد فترة أخلص وحده من العربيات ومش حرفعها زي كل مرو ولكن ححضر بيها لقاءات المنتدى لتبادل الخبرات وتكون مدخل لمواضيع جديدة
خلاف مع اﻹدارة
كلمة قاسية ومش عارف حضرتك جبتها منين وليه حضرتك فكرت في كده وفين الهجوم ده أنا لاحظت إن الشهر الماضي حاصل حالة من التشبع والنبطية وتكرار حركة المواضيع داخل المنادى فقلنا نطرح عاﻹدارة تفكر معانا لمصلحتي ومصلحتك
والخلاصة أدت ﻹيه تقول الحق تهاجم من اللي بتحبهم وبكده عرفنا اﻹدارة الصح
وأنا حعمل بمبدأ الرسول صلى الله عليه وسلم
رحم الله إمريء عرف قدر نفسه
ورحم الله إمريء جب الغيبة عن نفسه

ويا صديقي يا أبا ليلى لو كنت من النوع المعاتب الزعول لكنت قلت ما يصدر مثل هذا الكلام من شخص عظيم مثل أبا ليلى وشاهد كلامي وشاهد كلام ورد اﻹدارة وأنظر الخير والحق عند من ومن يريد المصلحة للمنتدى
وعموما إن خاب ظنك في فلن أطلب منك أن تراجع نفسك ولكني سأقول قولا واحدا
أخيك اﻷصغر صدام المواطن يطلب منك الصفح والعفو والمغفرة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

صديقى العزيز كل ده ومش فاكر الرسالة وسهل انك تيجبها لانها فى الصادر عندك
كل عضو منتمى للمكان ده حابب انه يكون افضل مكان لانه فى الاخر بيتنا التانى واكيد كلنا خايفين
عليه وبنتمنى من ربنا انه يكون الافضل على طول وانا متاكد تماما انك منتمى عن حب للمنتدى
انا بلوم عليك اسلوبك الحاد فى تقديم النصيحة او الراى وحوارك مع مدام سما لا يليق بأستاذ صدام
المعروف عنه الحنكة وعدم الوقوع فى الغلط اثناء الحديث ودى ميزة كبيرة جدا خلت كتير من الاعضاء تتابعك وتكون معجبة باسلوبك فى النقاش وانا منهم اكيد .
عيد ميلاد المنتدى باذن الله هيكون يوم 4/4 جرب واحضر معانا واقلك على فكرة بلاش تقول انك صدام لو مش حابب تظهر للناس وشوف يعنى ايه مقابلة علشان تقدر تحكم عليها صح
المكان هنا مش احترافى بالدرجة الاولى وده احلى ما فيه اساسه فيد واستفيد وكل واحد هنا بيقدم
خدمة ولا نصيحة لانه كان طرفى المعادلة وجزاه الله عنها خيرا وهو مش مجبر على كده ولكن عن تقديرللمكان زى ما حضرتك بتعمل كده بالظبط .

اقتباس:

---

المشاركة الأصلية كتبت بواسطة ابو ليلى

صديقى العزيز كل ده ومش فاكر الرسالة وسهل انك تيجبها لانها فى الصادر عندك
كل عضو منتمى للمكان ده حابب انه يكون افضل مكان لانه فى الاخر بيتنا التانى واكيد كلنا خايفين
عليه وبنتمنى من ربنا انه يكون الافضل على طول وانا متاكد تماما انك منتمى عن حب للمنتدى
انا بلوم عليك اسلوبك الحاد فى تقديم النصيحة او الراى وحوارك مع مدام سما لا يليق بأستاذ صدام
المعروف عنه الحنكة وعدم الوقوع فى الغلط اثناء الحديث ودى ميزة كبيرة جدا خلت كتير من الاعضاء تتابعك وتكون معجبة باسلوبك فى النقاش وانا منهم اكيد .
عيد ميلاد المنتدى باذن الله هيكون يوم 4/4 جرب واحضر معانا واقلك على فكرة بلاش تقول انك صدام لو مش حابب تظهر للناس وشوف يعنى ايه مقابلة علشان تقدر تحكم عليها صح
المكان هنا مش احترافى بالدرجة الاولى وده احلى ما فيه اساسه فيد واستفيد وكل واحد هنا بيقدم
خدمة ولا نصيحة لانه كان طرفى المعادلة وجزاه الله عنها خيرا وهو مش مجبر على كده ولكن عن تقديرللمكان زى ما حضرتك بتعمل كده بالظبط .

---

صديقي المواطن
حبيبي العضو الفاضل دائما أبا ليلى بخصوص موضوع الرسالة فده يدل إنك مقريتش الموضوع كامل وده من ضمن مقترحاتي اللي محدش لغاية دلوأتي ناقشها كلنا عمالين نقلب المعلقة جنب الفنجان وقلت عشان أستقبل رسائل اﻷخوة المواطنين بظطر أمسح رسائل وأقعد حيرة كل يوم أمسح رسالة مين ولا مين وكلهم أعزاء على قلبي ولو كريم منير المواطن المؤسس عارف مدى حبي للتنظيم واﻷرشيف كان تبرعلي بصندوق رسايل من عنده أحيانا بجد بجد بخد ببقه حزين لما بمسح رسالة ثم حضرتك بتكلم إنسان يحسب نفسه عنده أدنى درجات الخبرة في الحياة وكلكم أعلم مني وحضرت عشرات الندوات والمؤتمرات والتجمعات ومثلت مصر في كذا مؤتمر فعارف يعني إيه مقابلة وإيه اللي حيحصل وإيه اللي حيتم وعارف مدى حزني كلما تفوتني مقابلة من المقابلات بس زي متقول عايزين نعمل حاجة وتجمع ضخم مش عايز مقابلات عالضيق وأنا عاشق لمقابلات المنتدى وكلي شوق لمقابلة الزملاء اﻷعضاء وأحب يوم لقياهم وفي الخطة الأشهر القادمة نركز بس شوية مع حبة فضى ننظم حبة فعاليات ونعزم عليها اﻹدارة ونتمنى التشجيع والدعم منهم
بالنسبة لطريقة كلامي مع اﻷخت المواطنة فهل حضرتك وإنت مشفتنيش تظن إن طريقة كلامها معايه ترقى للطريقة التي يستحقها صدام المواطن وبتكلمني كأني نكرة أو عضو لا قيمة له في المنتدى وتقول لي اللي مجاش هو الخسران كإنها شمتانة فيا رغم إن كل مداخلتي تتمحور عن إن فرحان ونفسي أكون معاهم ونتمنى نعمل تجمعات أكبر ونشيلها إحنه ثم يا أبا ليلى أنت تعلم حساسية الكلام مع فتاة في منتدى عن السيارات والواحد مش بيقدر يتكلم لحسن ييجي عضو فاضل عزيز على قلبي زي أبا ليلى ويقوللك معلش يا عم صدام بالراحة ومش كده وخف عليهم وأنا ليه محدش بيرد في صلب الموضوع وقلت في وحده من المشاركات أعلاه مش المفروض يكون الرد رسمي وبأسلوب مختصر زي أسلوب خدمة العملاء ويختصر الكلام ويقوللك حندرس ونرد عليك وشرفتنا بإتصالك
وأنا للأمانة العلمية أول مرة في حياتي في المنتدى أشوف المواطم المؤسس يتدخل في الموضوع تدخلا خانه التوفيق فيه بنسبة بسيطة لنقل 30% رغم إنه كلما يحدث خلاف يتدخل ينحل الخلاف في ثواني ولكنه من وجهة نظري هذه المرة خانه حسن التصرف في مكانين وبصفته رجلا مثقفا ينبغي له أن يتحدث بلغة يفهمها المثقف جدا ومن أقل ثقافة بمراحل سحيقة بعني ثقافته على قده يعني مثلا في آخر مشاركته مكانش فيه داعي يفكرنا إنه صاحب المنتدى ويأمر اﻷخوة المشرفين اﻷفاضل بنقل المشاركات لمكان آخر وكنت كملتها وطلبت إيقاف وطرد صدام المواطن من المنتدى إن كنت ترى مضرته أكثر من منفعته وهو متمرد وضد السلطة عارفين والله إنك صاحب المنتدى لكن عمرنا محسينه بتكبر منك تجاه أي عضو والمقطع الثاني الذي خانك التعبير فيه ده من وجهة نظري ووجهة نظر ناس فهمها على قدها برضو بأنك تدخلت بقبلية عمياء ونصرت البنت على الرجل أو لنقل نصرت من لا تعرفه على من لا تعرفه وكأنك بتقول هو كده وده الموجود وإن كان عاجبك والمديرة التنفيذية للمنتدى باقية وصدام المواطن إلى زوال
عامة يا أبا ليلى الحبيب أنا عندما أقول أحب كريم منير فأنا أحبه وليست كلمة تقال وكان معظم المشاركات أعلاه تدور في جو من الظرافة والفكاهة والحب فكنت متخيل حيرد بنفس الطريقة زي مهو معودنا ويقلنا والله يا عم صدام فيه مشكلة كذا وكذا وكذا والشهور الجاية فيه فكرة كذا وكذا عايزين ننفذها وخلاص خلص الموضوع
ثم فيه حاجة بتدايقني أوي تقعد تقوللها حضرتك أحسن مني وإحنه إخواتك وإحنه نكمل بعض يسيبوا مثلا 10 سطور إيجابية ويمسكوا في كلمتين حق زعلتهم ويقعد يقوللك إنت إزاي تقول ومين سمحلك وليه تنتقد وإنت واعي بتقول إيه والقصص دي
فيا أبا ليلى تعودت وأنا صغير حتى لا أظلم أحدا أحط نفسي مكانه فممكن أستأذنك تحط نفسك مكاني وتشوف هل أنا ظالم ولا مظلوم وينفع اﻷخت تكلمك بالحديه دي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
وهناك في منتدانا أعلام أدعوهم يحطوا نفسهم مكاني كياريس والشيخ خالد ومهندس أحمد وجاجوار وهوجان ومصطفى مجدي وهلال وميدو وميدو 119ومنسقي قسم هيونداي أحمد السيد أظن وأبو يحيى وفبريكا وأستاذ عادل وستار لانوس وإمتاك وممسقي بي إم وسمودا والعشرات غيرعم فسامحوني على تقصير الذاكرة وعبد الله برعي وجورج يوسف وكابتت هاني وأحمد سحاب وباكوس وسايلنت دريم وتامر محمد وسايلنت دريم وناشر صحفي وديفيل ستورم وذي لوير وغيرهم إعذروني اﻹنفعال بينسيني اﻷسامي

اقتباس:

---

المشاركة الأصلية كتبت بواسطة saddam

صديقي المواطن
شكرا ليك طبعا وأنا وال 20 عضو وحضرتك أولهم حناخد كلامك فوق راسنا ونطبقه ﻷن حضرتك سباق معانا وأولنا في تقديم المساعدة للإخوة طالبي المساعدة من زملائنا اﻷعضاء الجدد أما بخصوص الحديث خارج الموضوع فبالعكس الكلام جاء مشتقا من تعليقي على المقابلة في المنتدى وكيفية تعزيزها وتكبيرها
اللي مزعلني بس من حضرتك آخر كلمة إن لو ليا تصفية حسابات مع حد أنقلها لمكان تاني وأنا قولا واحدا عمر ماكان ليا خلافات مع حد ولا حيكون وأنا الحمد لله لن يكون عندي خلافات مع أحد فأنا حتى من يكرهني ويهاجمني أحتويه فهو أخ وحبيب وأرجو أن لا تتحامل علي ولا تتضايق مني فأنا أخوك في الله
وأنا شايف إن بمقترحاتي هذه أخدمك وأخدم باقي اﻷعضاء والمنتدى أما بخصوص قسم الشكاوي والمقترحات فلو حد مسؤول مسؤول فعلي مش واخد رتبة شرفيه دخل وإهتم بما تقوله الناس فيه كنا دخلنا وقلنا
ثم خلاص يا عم ولا عايزين نشتكي ولا عايزين نقترح ولا عايزين نطور
إن شاء الله خلاص دلوأتي اﻷخ المواطن المؤسس كريم منير دخل وجدد ثقته بمديرته العامه وهي أكيد اتخت فاضلة وقرت كل مشاركات الموضوع ده وحتهتم فعلا بالموضوع ويتم عقد مناقشات وجلسات لتطوير المحتوى فهي أكيد بتحسبنا كلنا إخوة ليها أكبر منها أو أصغر منها وكلنا بنكمل بعض كإدارة وأعضاء وهي أكيد مش معتبرانا أعداء ليها وأنا متوسم خير
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

---

استاذ صدام انا مقولتش انك ليك تصفيات او مشاكل مع حد
انا بطلب من حضرتك لو ليك مشكله او طلب فى اقسام مخصصه لكده
انما مأجزمتش ان حضرتك ليك مشكله مع حد وانت بتصفيها على صفحات المنتدى
وهتلاقى فى الاقسام دى افراد ليهم ألقاب ( مش شرفيه )
لا ألقاب يستحقوها و بيقضوا من وقتهم ووقت شغلهم وقت أهلهم وبيوتهم عشان المنتدى
وكل ده بدون مقابل فتأكد ان محدش بياخد ألقاب شرفيه من باب المجامله
وحاجه بس حابب ألفت نظر حضرتك ليها ان الرمى بالكلام مش حلو ومش هايضر حد غير حضرتك

اقتباس:

---

المشاركة الأصلية كتبت بواسطة الغزالى

استاذ صدام انا مقولتش انك ليك تصفيات او مشاكل مع حد
انا بطلب من حضرتك لو ليك مشكله او طلب فى اقسام مخصصه لكده
انما مأجزمتش ان حضرتك ليك مشكله مع حد وانت بتصفيها على صفحات المنتدى
وهتلاقى فى الاقسام دى افراد ليهم ألقاب ( مش شرفيه )
لا ألقاب يستحقوها و بيقضوا من وقتهم ووقت شغلهم وقت أهلهم وبيوتهم عشان المنتدى
وكل ده بدون مقابل فتأكد ان محدش بياخد ألقاب شرفيه من باب المجامله
وحاجه بس حابب ألفت نظر حضرتك ليها ان الرمى بالكلام مش حلو ومش هايضر حد غير حضرتك

---

صديقي المواطن
جزاك الله خيرا ورحم الله والديك في الدنيااﻵخرة كلما يهدى الموضوع تذكرولي كلمة جارحة لا تليق بي ولا حتى تليق بعضو فاضل زي حضرتكم الكريم
ماذا تقصد ألقح بالكلام وعلى من ألقح بالكلام كل كلامي أنا مسؤول عنه وميضرش غير نفسه ما المقصود بها مهو حضرتك بتلقح كلام دلوأتي وأنا برضو مش حزعل منك ﻷني بحب الجميع من أكبرهم إلى أصغرهم ومبروك اﻹعفاء من الجيش رغم إن لي وجهة نظر قد لا تعجبك في هذا الموضوع فعقيدتي مختلفة تقريبا
بالنسبة لكلمة عضو شرفي التي إهتميت بها فمفهاش تلقيح كلام وأنا أقصدها قلبا وقالبا والمقصود بها عندي هم اﻷعضاء الذين يتمتعون بسلطة تنظيم المواضيع وإيقاف اﻷعضاء وشوية شكاوى صغيرة ولكن ليس بيدهم أي قرارات مهمة تخص المنتدى كتطوير وتعديل ألوان وعمل مسابقات وغيرها ﻷنه لا هو موظف بمرتب ولا هو عضو مؤسس وفيه مثل عربي بيقول
أطلب الحاجة من أهلها
والنفس بالك تذلها
ومعناه لو حعوز حاجة من المنتدى أكلم صاحبه المواطن المؤسس كريم منير مكلمش حد لا سلطات عنده وهو من سينقل كلامي إلى الذي أعلى منه
فتلقيح الكلام ليس من شيمي وليس من الصواب أن تصفني به فلا يليق بي أنا المذنب أقول له أنت مذنب والكل يشهد لي بأني أقول رأيي بلا مجاملات في الحق
وأدعو لك بدوام الحب والسعادة والموفقية في حياتك ووسع مداخل رزقك ورزقك الذرية الصالحة ومايخدوش إعفا من الجيش وضروري يخدموا في الجيش أي جيش حتى لو مش الجيش المصري حتى لو تدخلهم بشبه جيش ولكن حياة الجيش تجارب ثرية مفيدة للإنسان في حياته التالية
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال

اقتباس:

---

المشاركة الأصلية كتبت بواسطة saddam

صديقي المواطن

بالنسبة لكلمة عضو شرفي التي إهتميت بها فمفهاش تلقيح كلام وأنا أقصدها قلبا وقالبا والمقصود بها عندي هم اﻷعضاء الذين يتمتعون بسلطة تنظيم المواضيع وإيقاف اﻷعضاء وشوية شكاوى صغيرة ولكن ليس بيدهم أي قرارات مهمة تخص المنتدى كتطوير وتعديل ألوان وعمل مسابقات وغيرها ﻷنه لا هو موظف بمرتب ولا هو عضو مؤسس وفيه مثل عربي بيقول
أطلب الحاجة من أهلها
والنفس بالك تذلها
ومعناه لو حعوز حاجة من المنتدى أكلم صاحبه المواطن المؤسس كريم منير مكلمش حد لا سلطات عنده وهو من سينقل كلامي إلى الذي أعلى منه

ودمتم للنضال

---

استاذ صدام
للمرة التانية في نفس الموضوع ببلغك انك غير مدرك بتنظيم المنتدي
اولا انا رئيس مجلس ادارة المجموعه ودي شركة كيو شيفت لادارة المحتوي علي الانترنت
بتضم اسفلها
منتديات نايل موتورز
موقع نايل موتورز
موقع نايل اب
مواقع اخري تحت الانشاء

منتديات نايل موتورز باكملها تحت الادارة التنفيذية للاستاذة سما
اي انها المسئولة عن كل المشرفين وكل المنسقين وطاقم الدعم الفني للمنتدي وطاقم الدعم الفني للسرفر بالاضافة لتنظيم العمل مع مجاس الادارة لانها اخد اعضاء مجلس ادارة المنتدي الدائمين
واللقب اللي تحت اسمها ده مخدتوش شرفي ولا مجاملة دي اتشهدلها من كبار مؤسسين واعضاء مجلس الادارة السابق
دون اختلاف واحد منهم علي حم عطائها للمنتدي
مجلس ادارة يضم صفوة عقول المجتمع المصري من اساتذة جامعات الي مديرين الي مناصب اخري

استاذ نادر الطرابيشي يختص بالادارةرالتفيذية للمواقع بالاضافة لبعض التدخلات الفنية في المنتدي
اي انني ليس لي سلطة اشرافية علي المنتدي وسلطتي انا شرفيه ليس اكثر

اي انك عكست الامور تماما
يعني بالعامية مقدرش ادخل مشرف او منسق بدون الرجوع لمديرة المنتدي
لان هكذا تحتم اصول الادارة الناجحة
وعليه فان الاستاذة سما هي مديرة المنتدي فعليا منذ خمس سنوات وانتوملزم باعتذار علني لها عن تطاولك عليها بذكرك انها مجرد مديرة شرفيه وبالعامية مالهاش لازم

اما نقطة تطاولك اللفظي عليها بوصفك لها بالعنجهية والغرور فانا شخصيا لن اقبلها تحت اي مسمي لاي شخص يعمل داخل ادارة نايل موتورز
ولكن ايضا لن اتدخل لان في اشراف وقواعد بتطبق علينا كلنا وانا اولكم

[COLOR="Purple"]من بعد ما شوفت الموضوع وكنت عاوز أرد وابارك لاخي الصغير غزالي
لكن لاقيت الموضوع أخد مسار تاني خالص وأكيد ده مش مجاله.
وللأسف مضطر اعلق علي اللي قرائته واللي بعيد عن اصل الموضوع
اخونا العزيز استاذ صدام
اقدر لك تواجدك وتفاعلك الواضح والدائم مع وفي كافه الموضوعات المختلفه في غالبيه اقسام منتدانا الكبير.
وكذلك حرصك علي مشاركه الاعضاء بارائك او بتجاربك المختلفه.
لكن اسمح لي وارجو ان يتسع صدرك للنقد لانك جانبك الصواب في طريقه عرضك لوجهه نظرك.
لانه ولا كان ده هو المكان المناسب ولا الاسلوب المناسب وكلامي هنا مش دفاع عن شخص او كيان لكن دفاع عن
فكره ثقافه الخلاف والاختلاف وطريقه العرض .بمعني حضرتك لك طريقه كلام معينه ولازمه معينه في كلامك مع اي عضو وفي اي مشاركه ووارد جدا وبرغم من شهرتك الكبيره داخل المنتدي ان يكون في ناس متتقبلش طريقتك في الكلام بصرف النظر كان راجل او ست. وده مش تقليل منك ولا عيب في الطرف التاني لكن دي حريه شخصيه لكل وأحد فينا طالما لا تتعارض مع حريه الغير.
علشان ما أتكلمش كتير هلخص كلامي في نقاط سريعه
1- جمله اختنا العزيزه مدام سماح (اللي مجاش هو الخسران ) دي جمله متداوله تقريبا كلنا بنقولها لبعض بعد مقابلات
المنتدى وخاصه اللي محضرش ومفيش حد بيزعل او بيفهم الجمله غلط بل بالعكس بنزعل لأننا محضرناش وفاتنا كتير
يكفي اننا فاتنا مقابله ناس بنحبهم وبنعتبرهم من أهلنا لان ده حالنا هنا في نايل موتورز ومش عاوز أقولك إخواني وأصدقائي الغاليين عليا جدا في نايل موتورز عملوا معايا ايه وانا مريض او عند مرض والدي الكريم تليفونات لا تنقطع
وزيارات في المستشفي والبيت .عائله بجد وكل ده حب في الله وبفضل المكان ده وبدون مقابل.
2- كل واحد في المكان ده بيعتبر نفسه صاحب المكان والبيت بيحافظ عليه وبيهتم به وبيتعشم قوي فيه. لانه مش مجتمع افتراضي لا ده تعدي ده كتير والناس عارفه بعض بشخصها وكيانها مش اسماء وهميه او مستعاره زي كتير من المنتديات
ولما بنلاقي قصور او سلبيه بنوصلها للاداره بالطرق المناسبه وفي الاقسام المخصصه للغرض ده وبخلاف المقابلات
اللي بتكون فرصه لتبادل وجهات النظر المختلفه الخاصه بالمنتدي سواء لتطويره او حتي التغلب علي اي سلبيات لانه
بيتنا كلنا وكلنا مسئولين عنه مش الاداره بس.
3- تخيل اننا متاح لنا تدخل كافتيريا او قهوه 24 ساعه في اليوم وكل يوم وكل وقت ونلاقي المكان ده جاهز لنا ونضيف وخدمه 5 نجوم و كل ده ببلاش
تفتكر المكان ده بيشتغل ازاي كده ومين القائمين عليه من إداريين ومراقبين ومشرفين ودعم فني وتقنيين
ناس بتشتغل علشان تخلي المكان ده جاهز لحضرتك وليا ولكل اخوانا الاعضاء او حتي الزائرين .
يعني اقل حاجه نقلها للفريق ده اللي منعرفش منهم غير إخوانا الاعزاء كريم منير ونادر الطرابيشي
ومحمد شنوري واختنا العزيزه مدام سماح والباقي من الاداريين الغير معلومين بالنسبه لنا
شكرا جزيلا لكم جميعا
لانكم فاتحين البيت لنا 24 ساعه
لانكم بتحافظوا لنا علي جوده المكان ده مع العدد الكبير ما شاء الله من الاعضاء والموضوعات والمشاركات .
لانكم بتتحملونا جميعا علي اختلاف اعمارنا وافكارنا وتعلمينا وثقافتنا ومستوياتنا .
لانكم حافظتم علي الكيان ده 7 سنوات عملاق مميز مختلف.......


أخيرا
ارجو من جميع إخواني الاعضاء المحترمين جميعا حافظوا علي المكان ده.
تقبلوا جميعا تحياتي وبعتذر عن الاطاله
وعن اي خطا إملائي ان وجد لاني بكتب من الموبايل .
[/COLOR ]

اقتباس:

---

المشاركة الأصلية كتبت بواسطة saddam

وهناك في منتدانا أعلام أدعوهم يحطوا نفسهم مكاني كياريس والشيخ خالد ومهندس أحمد وجاجوار وهوجان ومصطفى مجدي وهلال وميدو وميدو 119و منسقي قسم هيونداي أحمد السيد أظن وأبو يحيى وفبريكا وأستاذ عادل وستار لانوس وإمتاك وممسقي بي إم وسمودا والعشرات غيرعم فسامحوني على تقصير الذاكرة وعبد الله برعي وجورج يوسف وكابتت هاني وأحمد سحاب وباكوس وسايلنت دريم وتامر محمد وسايلنت دريم وناشر صحفي وديفيل ستورم وذي لوير وغيرهم إعذروني اﻹنفعال بينسيني اﻷسامي

---

أخي العزيز / صدام

في الواقع كنت لا أنوي أن أرد في الموضوع الذي فتحته هنا و كنت أنتظر منك طلب نقل المشاركات الخاصة بك و الردود عليها في موضوع منفصل كي أرد و حتي لا أخرج عن مسار الموضوع الاصلي و لطالما رفضت هذا الفعل و ألتزمت بمبدأ عدم الرد حرصا علي الحفاظ علي الموضوع الاصلي , و لكني أرجو من أخي العزيز "غزالي" أن يتقبل هذا الامر و يتحملنا بصدر رحب

و لكن هناك سببان مهمان للرد الان :
- أولاهما , أن الموضوع خرج بالفعل عن سياقه لدرجة أن الاستاذ / كريم منير تدخل أكثر من مرة و رد عليك و شرح لك وجهة نظره و وأفاض لك في شرح مكونات الادارة و المنتدي مع أن هناك موضوع يتناول ذلك في المنتدي العام علي ما أذكر

- السبب الثاني هو أنك قد أستشهدت بنا كمنسقين و ذكرتني بصفتي و ليس بشخصي لأنك أخطأت في الاسم و لك عذرك بكل تأكيد

و بما انك قد أستشهدت بي و طلبت مني أن أضع نفسي مكانك فسأقول لك ماذا كنت أفعل لو كنت مكانك :

(1).. أتقدم بعمل موضوع في المنتدي العام أو قسم المقترحات بالتعديلات التي أراها ضرورية من وجهة نظري و أطرحها للنقاش العام
(2).. أحضر مقابلات المنتدي و أطرح وجهة نظري مع الاعضاء و المسئولين عن المنتدي و يتم الحوار و النقاش حولها
(3).. عدم الاستهانة أو التقليل من قيمة أي عضو من أعضاء المنتدي حتي لو لم يكن يحظي بلقب أداري في المنتدي فكلنا أعضاء نحمل علي عاتقنا هذا المنتدي و لانفرق أبدا بين عضو من الرجال أو الشباب و عضوة من السيدات
(4).. عندما أخطئ في التعبير الذي قد يخونني هنا في الكتابة أعتذر و أبادر بتصحيح الخطأ الذي بدر مني فليس ذلك عيبا ابدا و لا يقلل من شأني بل علي العكس الاعتذرا من شيم الكبار يا أخ صدام و أنت بالفعل اصبحت واحدا من كبار هذا المنتدي و كلنا نعتز بك و نحرص علي لقائك و حضورك مقابلاتنا
(5).. في حالة أن أخطأت و كتبت مشاركة في غير موضعها , أتوجه لكتابة موضوع منفصل و أطلب من السادة المشرفين نقل المشاركات الي الموضوع الجديد

هذا ما كنت لأفعله لو كنت مكانك و بالفعل فقد فعلت سابقا و في مرات عديدة و كنت أستغل مقابلات المنتدي لشرح افكاري للقائمين عليه و توضيح وجهة نظري التي قد أفشل في توضيحها من خلال الكتابة

هذا مالزم توضيحه لكم و دمتم بافكاركم و مشاركاتكم للمنتدي و أعضائه حتي ينتقل المنتدي من نصر الي نصر و يتقدم الي العلا

م/ سمير الشهاوي
منسق قسم هيونداي

اقتباس:

---

المشاركة الأصلية كتبت بواسطة karim_monir

استاذ صدام
للمرة التانية في نفس الموضوع ببلغك انك غير مدرك بتنظيم المنتدي
اولا انا رئيس مجلس ادارة المجموعه ودي شركة كيو شيفت لادارة المحتوي علي الانترنت
بتضم اسفلها
منتديات نايل موتورز
موقع نايل موتورز
موقع نايل اب
مواقع اخري تحت الانشاء

منتديات نايل موتورز باكملها تحت الادارة التنفيذية للاستاذة سما
اي انها المسئولة عن كل المشرفين وكل المنسقين وطاقم الدعم الفني للمنتدي وطاقم الدعم الفني للسرفر بالاضافة لتنظيم العمل مع مجاس الادارة لانها اخد اعضاء مجلس ادارة المنتدي الدائمين
واللقب اللي تحت اسمها ده مخدتوش شرفي ولا مجاملة دي اتشهدلها من كبار مؤسسين واعضاء مجلس الادارة السابق
دون اختلاف واحد منهم علي حم عطائها للمنتدي
مجلس ادارة يضم صفوة عقول المجتمع المصري من اساتذة جامعات الي مديرين الي مناصب اخري

استاذ نادر الطرابيشي يختص بالادارةرالتفيذية للمواقع بالاضافة لبعض التدخلات الفنية في المنتدي
اي انني ليس لي سلطة اشرافية علي المنتدي وسلطتي انا شرفيه ليس اكثر

اي انك عكست الامور تماما
يعني بالعامية مقدرش ادخل مشرف او منسق بدون الرجوع لمديرة المنتدي
لان هكذا تحتم اصول الادارة الناجحة
وعليه فان الاستاذة سما هي مديرة المنتدي فعليا منذ خمس سنوات وانتوملزم باعتذار علني لها عن تطاولك عليها بذكرك انها مجرد مديرة شرفيه وبالعامية مالهاش لازم

اما نقطة تطاولك اللفظي عليها بوصفك لها بالعنجهية والغرور فانا شخصيا لن اقبلها تحت اي مسمي لاي شخص يعمل داخل ادارة نايل موتورز
ولكن ايضا لن اتدخل لان في اشراف وقواعد بتطبق علينا كلنا وانا اولكم

---

صديقي المواطن المؤسس
مرة ثالثة نعتذر من الزميل المناضل صاحب الموضوع لخروج الموضوع عن عن سياقه بسبب حرف مساره من اﻷخت مديرة المنتدى وطريقة الكلام التي أراها أنا من وجهة نظري المتواضعة لا تليق بي وليعلم اﻷخ المؤسس كريم منير أني والله العظيم أتحامل على نفسي في الرد في هذا الموضوع ﻷني لا أريد أي عضو في المنتدى يزعل مني وأنا لو حتكلم وأشرحلك إحساسي سأوصف بالغرور والتكبر العارم فلازم تعذروني بس مش قادر آخد راحتي بالرد
وبخصوص اﻹعتذار منها فالحق أحق أن يتبع وأنا كذا مرة قلت إن هي أحسن مني وفي كذا مشاركة وإننا بنكمل بعض ومش أعداء وإحنه بنخدم المنتدى وأنا مش عارف ليه بتسيبوا مدحنا ليكم وذكرنا لمحاسنكم وتتكوا على مقترحات دايقتكم وهي كلها حقيقية وهناك تقصير موجود وكلنا نتحمل مسؤوليته
نيجي لموضوع العضو الشرفي فأنا ما قصدتها هي بالعكس أنا غالب ظني أن هذه وظيفتها الحياتيه أما العضو الشرفي فهو منسق القسم ونوابه ودول زمايلنا متطوعين مجانا ولا سلطة لهم على سياسة الموقع فبالتالي بسميهم شرفيين تقديرا لجهودهم اﻹستثنائية
إعتذاري لها أمام الناس ﻷنها مثل أختي عن إنها ممكن تكون فهمتني غلط
فأنا أسجل شديد أسفي وإعتذاري
أما إعتذاري عن ما تصفه إساءة مني لها حسب فهمك فأعذرني هي تحدثت معي بطريقة لا تليق بي وأنا لو مكنتش بعتبر نفسي أخ للناس اللي هنا كلهم كنت طلبت منك تخليها هي تعتذر مني ولكن إنت عارفني ولا بزعل من حد ولا باخد على خاطري من حد
واﻷخت المواطنة أحسن مني في كل حاجة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

اقتباس:

---

المشاركة الأصلية كتبت بواسطة samir elshahawy

أخي العزيز / صدام

في الواقع كنت لا أنوي أن أرد في الموضوع الذي فتحته هنا و كنت أنتظر منك طلب نقل المشاركات الخاصة بك و الردود عليها في موضوع منفصل كي أرد و حتي لا أخرج عن مسار الموضوع الاصلي و لطالما رفضت هذا الفعل و ألتزمت بمبدأ عدم الرد حرصا علي الحفاظ علي الموضوع الاصلي , و لكني أرجو من أخي العزيز "غزالي" أن يتقبل هذا الامر و يتحملنا بصدر رحب

و لكن هناك سببان مهمان للرد الان :
- أولاهما , أن الموضوع خرج بالفعل عن سياقه لدرجة أن الاستاذ / كريم منير تدخل أكثر من مرة و رد عليك و شرح لك وجهة نظره و وأفاض لك في شرح مكونات الادارة و المنتدي مع أن هناك موضوع يتناول ذلك في المنتدي العام علي ما أذكر

- السبب الثاني هو أنك قد أستشهدت بنا كمنسقين و ذكرتني بصفتي و ليس بشخصي لأنك أخطأت في الاسم و لك عذرك بكل تأكيد

و بما انك قد أستشهدت بي و طلبت مني أن أضع نفسي مكانك فسأقول لك ماذا كنت أفعل لو كنت مكانك :

(1).. أتقدم بعمل موضوع في المنتدي العام أو قسم المقترحات بالتعديلات التي أراها ضرورية من وجهة نظري و أطرحها للنقاش العام
(2).. أحضر مقابلات المنتدي و أطرح وجهة نظري مع الاعضاء و المسئولين عن المنتدي و يتم الحوار و النقاش حولها
(3).. عدم الاستهانة أو التقليل من قيمة أي عضو من أعضاء المنتدي حتي لو لم يكن يحظي بلقب أداري في المنتدي فكلنا أعضاء نحمل علي عاتقنا هذا المنتدي و لانفرق أبدا بين عضو من الرجال أو الشباب و عضوة من السيدات
(4).. عندما أخطئ في التعبير الذي قد يخونني هنا في الكتابة أعتذر و أبادر بتصحيح الخطأ الذي بدر مني فليس ذلك عيبا ابدا و لا يقلل من شأني بل علي العكس الاعتذرا من شيم الكبار يا أخ صدام و أنت بالفعل اصبحت واحدا من كبار هذا المنتدي و كلنا نعتز بك و نحرص علي لقائك و حضورك مقابلاتنا
(5).. في حالة أن أخطأت و كتبت مشاركة في غير موضعها , أتوجه لكتابة موضوع منفصل و أطلب من السادة المشرفين نقل المشاركات الي الموضوع الجديد

هذا ما كنت لأفعله لو كنت مكانك و بالفعل فقد فعلت سابقا و في مرات عديدة و كنت أستغل مقابلات المنتدي لشرح افكاري للقائمين عليه و توضيح وجهة نظري التي قد أفشل في توضيحها من خلال الكتابة

هذا مالزم توضيحه لكم و دمتم بافكاركم و مشاركاتكم للمنتدي و أعضائه حتي ينتقل المنتدي من نصر الي نصر و يتقدم الي العلا

م/ سمير الشهاوي
منسق قسم هيونداي

---

صديقي المواطن
تعليقك زادني بهجة وسرورا
وحضرتك عضو فاضل أنا أتشرف بمتابعته
نقطة نقل الموضوع فليست من سلطتي ولست أنا من تشعب في الموضوع ولكني وجهت كلاما للمواطن المؤسس كريم منير وقد كان حاضرا هذه المقابلة والطبيعي عندما يوجه سؤال سؤال لصدام المواطن في أحد المواضيع فلا يتبرع العضو الفاضل الشيخ خالد مثلا بالرد عليه ولكن الرد الفني يأتي من العضو صدام المواطن كذلك حديثي كان موجه للرفيق المناضل كريم منير وهو المؤسس بشخصه فتدخل ناس بالرد بطريقة قد يروها هم مناسبة ولكني إعتبرتها تقليل من قيمتي ومكانتي ليس فقط في المنتدى ولك أن تعلم شدة صدمتي وحزني
وتخيلت أن يتدخل المواطن كريم منير كعادته بطريقة أخوية وبمزاح أخوي وننسى الموضوع ﻷني كنت متخيل نفسي من أكثر المقربين من كريم منير وأنا لم أقابله في حياتي بل كلمته هاتفيا منذ سنتين أو يزيد ولكني صعقت وإكتشفت أن مكانتي في قلبه ليست كما توقعت وأني لست من اﻷعضاء المحببين إلى قلبي وشاهده اﻵن وهو يتدخل لغير صالحي وشاهد مشاركات أخرى لي بعد هذه المشاركات وأنا أذكره بخير أي أني أحسن الظن به أكثر مما يحسن هو الظن بي ورغم كده مش زعلان منه وبكره حنتقابل أنا وهو ونقعد نتعاتب ونهزر ونعيش اللحظة وأخصم من مرتبه 2 جنيه وحنفتكر اﻷيام دي وحنضحك ولكن أي إنسان من خارج مصر لو دخل الموضوع حيقوللك حاجتين راجل قدم مقترحات لخدمة المنتدى ومش عاجبه نظام الحكم معارض مثلا فكان الرد إنت إزاي وإعتذر وده فيه مشرفين ولسه حسابك جي وشوية شوية ببحصل قمع للمعارضين ورمونا السجن
رغم إن المنتدى ده خدمة وليها زباين والزبون دائما على حق رغم إن الزبون مغلطش بس بكل أدب قال المنيو مش واسع ومش بيرضي كل اﻷذواق ينفع يطلع الشيف من جوه ويقللك والله هو ده الموجود وإن كان عاجبك
واﻷخ كريم منير للأسف خانته أول دخلة للموضوع بأن أخذته حمية وعصبية الرجل الشرقي ودخل بزيادة في الموضوع ﻷن في الموضوع إنسانة قضت من عمرها سنين في خدمة المنتدى فهو تصور أن أبسط القواعد يخش يلم الناس اللي مزعلينها من دون التمحص في الموضوع
صديقي منسق قسم هيونداي إنت وصلت لما أنت فيه ﻷنك طبعا خبير في عربيات هيونداي فمينفعش واحد لسه معندوش رخصة سواقه يقوللك على فكرة إنت ولا حاجة وإيش عرفك أنا في هيونداي
وده إحساسي تكلمك إنسانة عظيمة وأقدم مني في المنتدى ولكن خبرتها غي عالم السيارات إيه معلش خبرتها إدارية حنقول أحسن مني مثلا ولكن تكلمك كإنها مش عارفة إنت مين وزيك زي غيرك وأنا معرفهاش بس مظنش إنها ركبت أكتر من عربية عربيتين في حياتها فمعلش ده اللي زعلني يعني مثلا واحد لواء في الجيش يجيله ملازم أول يقولله بطاقتك
ومش بقول أنا أعظم حد وهي ولا حد هي بالعكس أحسن مني وأخلاقها أعلى من إخلاقي وبنشكرها إنها ساكته ومسنحملاني وأنا مبغهمش حاجة ولا في الحياة ولا في العربيات وحروح أتعلم منها
خلاصة الموضوع أنا إنسان بسيط بحبكم وبحب الناس كلها شفت إن حد كلمني بطريقة لا تليق بي وبس
دي خلاصة الخلاصة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
ملحوظة يشهد لي كل المنتدى إن محدش في يوم طلب مني أعتذرله عن حاجة وأنا إلا وكنت مغرقه إعتذارات

صديقي المواطن
أيها اﻷخوة المواطنون الشرفاء في كل مكان
أدعوكم وأرجوكم أن لا تكون تعليقاتكم قد تزيد الهوة والخلاف بيني وبين اﻹدارة فهم يكرهوني من غير ولا حاجة فمتزودوش كرههم لي
وهذا ما لزم بيانه ودمتم
وبالتوفيق وإلى اﻹمام ومن نصر إلى نصر
ودمتم للنضال

خسائر المعركة
اﻷستاذة سما بقت ضدنا
أستاذ كريم منير بقه ضدنا
والدور على حبيبي أخ شنوري

وبكره حيخش باقي زملاء اﻹدارة متضامنين عشان يقولوا صدام المواطن غلطان من ساسه لراسه

أحلامي راحت ومش حبقه أكبر قيادي في المنتدى يا لسوء الحظ مش كنا ماشيين جنب الحيط والناس كانت مخدوعة فينه وبتحبنا ياه كل جهودي وسهر الليالي ضاعت بلاش وأنا اللي كنت عشمان يفتحولي كشك في المنتدى تحت إسم صدام المواطن أتاريهم حتى العضوية حيلغوها

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

اقتباس:

---

المشاركة الأصلية كتبت بواسطة saddam

صديقي المواطن
أيها اﻷخوة المواطنون الشرفاء في كل مكان
أدعوكم وأرجوكم أن لا تكون تعليقاتكم قد تزيد الهوة والخلاف بيني وبين اﻹدارة فهم يكرهوني من غير ولا حاجة فمتزودوش كرههم لي
وهذا ما لزم بيانه ودمتم
وبالتوفيق وإلى اﻹمام ومن نصر إلى نصر
ودمتم للنضال

خسائر المعركة
اﻷستاذة سما بقت ضدنا
أستاذ كريم منير بقه ضدنا
والدور على حبيبي أخ شنوري

وبكره حيخش باقي زملاء اﻹدارة متضامنين عشان يقولوا صدام المواطن غلطان من ساسه لراسه

أحلامي راحت ومش حبقه أكبر قيادي في المنتدى يا لسوء الحظ مش كنا ماشيين جنب الحيط والناس كانت مخدوعة فينه وبتحبنا ياه كل جهودي وسهر الليالي ضاعت بلاش وأنا اللي كنت عشمان يفتحولي كشك في المنتدى تحت إسم صدام المواطن أتاريهم حتى العضوية حيلغوها

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

---

ازيك يا باشا
بص انا بصراحه مش متابع اوى المنتدى الفتره دى
بس قريت الموضوع و ليا كام تعليك عليك اتمنى تتخدهم بصدر رحب
اول حاجه انا لما بقرى كلامك بحس انى طالع من فيلم عربى قديم اوى
تانى حاجه الكنه الخاصه بحضرتك مش تنفع فى كل الجمل و كل الكلام اعتقد هى تنفع فى الغه الخطابيه على المنابر
حضرتك لو بتسمع اغنيه واحده لمطرب واحد طولهمرك اكيد هتزههق
دى منتدى سيارات يعنى ناس بسيطه البساطه فى الكلام حلوه
تانى نقطه انا عمال بسمع عن تعديلك للعرببات و ووصفتو بتلبزخ فى موضوع ليك و نقدك و كان ردك قمه فى الاحترام
بس نفسى اشوفلك صوره شان احس ان معنا على الارض مش فى كوكب تانى
باشا محدش اتفق على انسان انو كويس او وحشظ
انا شايف اسلوبك غير جذاب لى تماما بل فى بعض الاحيان مبقرش المشاركه لانى ممللت الاسلوب
باشا ده مش نقد شخصى منى ليك
ده نقد لى اسلوب انا شايفو زى مغيرى شيفو
انا كا انسان على راسى
لاكن اسلوبك فى المنتدى حاسو مش الاسلوب الصحيحو
لا ادعوك لتغير اسلوبك
لاكن ادعوك للعيش على كوكب الارض معانا
regrds.....

صديقي المواطن
على غير عادتي وﻷول مرة تحدث أن أنسحب من موضوع ولكن ﻷجل عين ألف عين تكرم حيث جائتني رسالة مم أخ عزيز فاضل أجله وأقدره طلب مني غلق النقاش في هذا الموضوع وما أحببت أن أرده خائبا لذلك أنا أعلن إنسحابي من الموضوع وترك النقاش فيه وأعتذر لمن تعب في قراءة الموضوع وأعتذر ﻷي حد يتصور أني أخطأت في حقه عن غير قصد مني

ونسأل الله العفو والعافية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

السلام عليكم و رحمة الله و بركاته
مبدئيا مش جاي اتكلم عشان اعمل فيها حكم مثلا ولا اي شيء مما شابه

مجرد رأي و محاولة لتوضيح وجهات النظر بين الاطراف كمقدمة للصلح , بخصوص المشاركات اللي قريتها دلوقت حالا في الموضوع ده , و حديثي هايقتصر على اول 3 مشاركات تحديدا لأن ما بعدهم هو باختصار تصاعد الموقف الناتج عن سوء التفاهم
و معلش استحملوني بقى انتوا عارفين انا رغاي شويتين :))))

اللي حصل باختصار بين الاستاذ صدام و الاستاذة سما هو سوء تفاهم ناتج عن اختلاف رؤية المنتدى بين الطرفين

1- استاذة سما لها رؤية لطبيعة المنتدى اظنها متفقة تماما مع كامل ادارة المنتدى على اساس التنسيق المستمر ما بينهم
و استاذ صدام له رؤية مختلفة شوية فيما يبدو عن رؤية ادارة المنتدى

2- استاذ صدام للأسف فاته ملاحظة اختلاف رؤيته المايلة للجانب الاحترافي بنسبة كبيرة فيما يبدو لي كعادته اللي كلنا نعرفها , و الميل ده مش عيب , عن رؤية الادارة اللي فيها اكتر الجانب الاجتماعي و التشاركي اكتر من الجانب الاحترافي , و برده ده مش عيب

3- استاذة سما ردت من واقع مهمتها كمديرة للمنتدى , لكن استاذ صدام ما يعرفش ده بالظبط او رؤيته مختلفة

4- للأسف فات استاذة سما نقطة اختلاف الرؤية دي فتجاوبت معاه من خلال رؤية الادارة من غير ما تلاحظ نقطة اختلاف الرؤية و ده اصاب الاستاذ صدام بالاحباط لأن الرد كان على خلاف ما توقعه تماما , هو فسر ده بإن دورها في المنتدى كإدارة و ربما كاجتماعيات و تنظيم للمشاركة و لكن مش كسيارات , و بالتالي فاقتراحاته مش موجهة لاستاذة سما و لكن للمسئولة عن مسئول ما يخص السيارات في المنتدى و طبعا ما يعرفش غير كري

5- و ده كان فحوى حديثه بخصوص ان مشاركتها في ادارة المنتدى ادارية مش فنية لكن خانه التوفيق في توضيح ده مما بدا كاستهانة بالاستاذة سما و ده طبعا اغضبها باعتباره اهانة شخصية اضيفت الى انتقاداته لبعض النقط في المنتدى اظنها اخدتها بحساسية شوية نتيجة لتكرار نفس الشيء اكتر من مرة من اكتر من عضو قبل كده و لتناقض ده مع الجهد اللي الادارة بتبذله لكن طبعا احنا كأعضاء ما نعرفش عنه حاجة و بنتكلم و ايدينا في المياه الباردة , و ده كلام سليم جدا , .. و ده دفعها للرد بحدة ........ و تصاعد الموقف للأسف الشديد

5- استاذ صدام فاته ان مشاركته جت في مود مختلف تماما عن مود الموضوع , الموضوع اجتماعي صرف , و مشاركته احترافية صرفة , فعلا موضوعة في غير محلها , و ان كانت مش جريمة , سوء تقدير بس


اختم كلامي ببعض النصائح لادارة المنتدى

1- اتمنى تحاولوا تفيدوا المنتدى من خلال الخبرات اللي زي استاذ صدام كمثال معانا و من كل الاعضاء المماثلين , حتى لو استدعى الامر تخصيص منسق او فريق لنقطة تنظيم الاقتراحات و بحثها بجدية و انتم ادرى طبعا بالكيفية من واحد على قده زي حالاتي :) , لو بين كل 30 فكرة غير مفيدة جت فكرة واحدة مطرقعة فاستفادة المنتدى هاتبقى كبيرة جدا , و بالتالي طبعا الاعضاء وبالتالي نشاط محبي السيارات في مصر بشكل عام

2- اتمنى تخصيص احد اعضاء الادارة للقيام بمهمة المتحدث الرسمي للمنتدى (كمهمته الاساسية) , من ناحية الاستفادة بالتخصص , و اكيد اللي بيعمل حاجة هي مشاركته الاساسية مش زي اللي بيعمل حاجة عنده جنبها 10 حاجات منهم 5 ولا 6 اهم منها , و من ناحية رفع العبء ده عن كاهل استاذة سما و باقي اعضاء الادارة و تفريغهم لمهامهم الاساسية في الادارة

3- اتمنى تحاولوا تتخطوا سوء التفاهم ده و محاولة تفادي اي سوء تفاهم في المستقبل بأي شكل حرصا على الكيان الجميل اللي اسمه نايل موتورز القائم على الاجتماعيات في الحقيقة :)

نصيحتين لأستاذ صدام

1- ما عهدناك تفقد اعصابك , و اظن ان السبب هو حماسك الكبير لأفكارك و طبعا الاحباط اللي حصل لك , اتمنى تظل زي ما عهدناك , دايما قدوة ليا انا على الاقل في نقطة زي دي يا ريت ما تفقدهاش

2- يا ريت تصبر على مسئلة تعديل - او تطوير حسبما يترائى لك - العقلية عن الاطراف الاخرى , الموضوع مش سهل صدقني , و لو حاولت تصيغ رؤيتك و افكارك في شكل مشاريع كاملة و تطرحها على الادارة يبقى افضل , و لو الادارة ما تجاوبتش معاك في امكانك طرحها على الاعضاء و اكيد ان شاء الله هتلاقي اللي يتحمس معاك لكل فكرة , و في حال حدوث تقدم في الفكرة اكيد هاتجذب نظر الادارة ساعتها بصفتها مشروع ناجح , اتمنى في يوم من الايام اشوفك متبني حاجة زي كده :)

اتمنى ماحدش يتخيل اني منحاز لطرف على حساب طرف , الحمد لله لا ليا مصلحة عند الادارة ولا عند استاذ صدام , ولا ليا عداء مع اي منهم برده , في النهاية ما عنيت الا بمحاولة لتوضيح وجهات نظر الطرفين لبعضهم زي ما انا شايفها و لا اتمنى الا الخير للمنتدى و ادارته

و اقعدوا بعافية جميعا :)

عليكم السلام ورحمة الله وبركاته ....

_______________________________

شهادة لوجه الله ودى من خلال موقف حصل مع الاخت سما انى لم أرى منها اى اى عنجهية او انحدار فى اسلوب الحوار حتى لما هى اعترضت على حاجة معينة كان بأسلوب محترم الصراحة وعايز اقول حاجة علشان بس الاخ صدام ميفكرش انى متعاطف مع الادارة ( او بالبلدى بطبلهم ) انا مشفتش حد فيهم ولا بينى وبينهم معرفة شخصية ,,,

اما الاخ كريم منير الحقيقة لم اجد منه الا خدمة الناس ايا كانوا ,,

لكن عايز اقول ان الموضوع اتحول بطريقة غريبة وكان ممكن يخلص بأسلوب افضل بكتير
ارجوا من الكل ان يراجع نفسه لوجه الله تعالى وأن ينسى الإساءة من اخيه وخيركم من يبدأ بالسلام

يا سيد صدام انا لسه شايف الحوار الأن بعد مكالمة سيادتك اليوم والاخوه الأفاضل وللأسف اسلوب الحوار من طرفك غير مقبول شكلأ وموضوعاً وانا اسف لمن تم توجيه حوارك لهم وراجع نفسك فى كل ما سبق ولا تعليق على اي تفاصيل مؤسفه لم اتوقع كل هذا.