المشاركة الأصلية كتبت بواسطة amoor89
عندى مشكلة عجيبه احترت فيها وصرفت فلوس كتير ومش لاقى حل
الطارة بتتحرك يمين وشمال بطريقة غبية جدا مع تفاصيل الطريق لو الطريق متعرج ( يعنى عالى وواطى مكان مشى النقل التقيل) لازم امسك الطارة باديا الاتنين جامد والا هلبس فى اى حاجة لكن لو الطريق سليم بسيب الطارة وبتمشى مسطرة ولا يمين ولا شمال ومحدش يقولى ده عادى عشان ركبت عربيتين اكسيل وسافرت بيهم فى نفس الطريق ومفيش الكلام ده
اللى غيرته كالاتى
طقم مساعدين امامى kyb غاز من شهرين بالظبط
طقم بارات داخلية وخارجية وبيض المقصات ctr كورى من اسبوع بالظبط
العربية بعد تغير البارات قعدت 3 ايام بالظبط تمام ورجعت زى ماكانت
الكاوتش حالته 70% ومرصص ومظبط زوايا وظابط ضغط الكاوتش على 30 psi
المساعدين الخلفى غاز برده المانى من 6 شهور وتمام
الاسكترا كشفت عليها عند كذا عفشجى ومفيهاش اى حاجة ولا بوش ولا تخبيط