غليان فى قطاع النقل بالإسكندرية بعد رفع رسوم عبور الطرق بنسبة 800%

**Car's Sniper** · 04-03-2014 04:18 PM

المشاركة الأصلية كتبت بواسطة kazamodia

الناس اللي قاعدى تفتي وتتكلم وتتريق وخلاص تعالى شوف اي دولة محترمة في العالم تعالى شوف ماليزيا انا رحتها بنفسي وشفت كل طريق سريع داخل المدينة عليه كارته يعني تمشي في صلاح سالم او الاوتوستراد تدفع والطرق السريعة فيها 6 و 7 كارتات ده غير سعر البنزين اللي اضعاف اضعاف السعر هنا وعادي محدش اشتكى يعني نفس الكلام في الهند وفي اوروبا وفي دبي وفي اي دولة محترمة
تعالى شوف هنا السولار ب 110 قروش والبنزين ب 185 قرش والله العظيم استهبال سعر مش موجود في اي حته في العالم في دولة فقيرة مش بتنتج اصلا زيينا ده محصلش ربع ولار تعالى شوف تركيا اللي قاعدين تحكوا وتتحالفوا بيها اغلى دولة في العالم في سعر البنزين اللتر ب 2.6 دولار يعني اللتر ب 18 جنية مش ب 185 قرش والسولار ب 2.4 دولار يعني ب 17 جنية لا وايه تلاقي واحد راكب مرسيدس 2013 رايح ياخد بنزين مدعم حاجة مفيش عاقل يتخيلها
ايه يعني لما يرفعوا سعر الكارته ويعوضوا سعر السولار اللي الدولة متكلفة فيه قد كده يعني بيدفع 200 جنية في الكارته وبياخد سولار ب 50 جنية يعني كله 250 جنية تعالى شوف هو بياخد في النقلة الواحدة 3 و 4 الاف جنية

للاسف مقارنة غير عادلة
شوف دخل المواطن فى الدول اللى حضرتك ذكرتها كام ودخل المواطن المصرى كام قبل اى حاجة
غير كدة انا مش مقتنع بنظام كارتة الطرق دا لان الفلوس بتتاخد والطرق مابيتعملهاش اى صيانة
طب بندفع ليه فى الشهر 10% من المرتب كارتة؟؟

**lanos2004** · 04-03-2014 04:30 PM

المشاركة الأصلية كتبت بواسطة car's sniper

للاسف مقارنة غير عادلة
شوف دخل المواطن فى الدول اللى حضرتك ذكرتها كام ودخل المواطن المصرى كام قبل اى حاجة
غير كدة انا مش مقتنع بنظام كارتة الطرق دا لان الفلوس بتتاخد والطرق مابيتعملهاش اى صيانة
طب بندفع ليه فى الشهر 10% من المرتب كارتة؟؟

دخل المواطن المصرى بالسنت مش بالدولار--طبعا مش الشعب كله دة المواطن مش حكومه المواطن

**midnightman_74** · 04-03-2014 05:42 PM

المشاركة الأصلية كتبت بواسطة moh_rag_abd

رأيك يحترم
بس استفزني جدا
حتي لو النقل هو اللي بيدمر الاسفلت فهل الحكومة حطت بدائل علشان ينقل اي بضاعه ؟؟؟؟؟؟؟؟
والرسوم اللي زادت دية معاناها غلاء في الاسعار من غير اي كلام وافتكر ازمات البنزين ووقت ما غلي الاسعار بقت الضعف
وفي الاخر الفقير بيزداد فقر وهو اللي بيتمس من الكلام ده
وحسبي الله ونعم الوكيل في كل واحد بياخد قرار من غير ما يدرسة كويس ويكون فيه مصلحة للبلد

اى قرار الحكومة بتعملة لة سلبيات وإيجابيات .. لازم هيبقى فية ناس هتتضر وناس تيجى فى مصلحتها
المهم فى الاخر المحصلة تبقى إيجابية فى الصالح العام

شوف طريق دمياط الإسكندرية الساحلي كان من عشر سنين تحفة فنية ... شوف اللوقتى عمل أزاى من عربيات النقل ... مين اللى هيدفع تمن تصليح الطريق ؟؟؟

مش كل قرار يطلع نعد نكلم فى الناحية السلبية بس والناس اللى هتتضر
روح شوف فى أوروبا الضرائب بتوصل ٤٥ ٪ يعنى الناس بتدفع نص دخلها تقريبا والناس هناك بتهرب وتروح فى بلاد تانية عشان ميدفوعوش ضرائب

**SoFiMaN** · 04-03-2014 06:25 PM

المشاركة الأصلية كتبت بواسطة car's sniper

للاسف مقارنة غير عادلة
شوف دخل المواطن فى الدول اللى حضرتك ذكرتها كام ودخل المواطن المصرى كام قبل اى حاجة
غير كدة انا مش مقتنع بنظام كارتة الطرق دا لان الفلوس بتتاخد والطرق مابيتعملهاش اى صيانة
طب بندفع ليه فى الشهر 10% من المرتب كارتة؟؟

طيب لو حضرتك سافرت اندونيسيا اللي اعتقد انها زينا فقراء و تتفرج على عدد الكارتات اللي بتعدي عليه و تدفعلهم اد ايه :) ممكن في مسافة ساعة واحدة ادفع في 5 كارتات عادي مش احنا كارتة واحدة للنقل التقيل اللي مبهدلنا حوادث و لامبالاة و بهدلة طرق و نتحجج بالفقير ! ده على اساس ان شركات النقل بتكسب كام؟ طب المستورد بيكسب كام؟ طب المصنع بيكسب كام؟ يا فندم صدقني كل اللي ذكرته مما سبق بيكسب اكتر مما حضرتك تتوقعه و نسبة الكارتة ولا شئ بس طبعا هي المشكلة انهم اتعودوا على سعر متدني فبيقولك اصل كده الفقير اللي هيشيلها على اساس انهم مساكين!

اللي موافق حضرتك فيه هو جزئية ان فعلا اسوا ما في بلدنا ان احنا بندفع ضرايب و بندفع كل حاجة مطلوبة و مش بنحس ان في اي مقابل للفلوس دي للاسف الشديد و في رأيي ان ده بيرجع لسوء تخطيط شديد ده طبعا بجانب الفساد اللي في مصر من زمااااان , يمكن من بعد الملك فاروق
ربنا يهدينا جميعا..

**lanos2004** · 04-03-2014 07:32 PM

ادفع فلوس واموت على طرق غير ادميه

**hossam_elwani** · 04-03-2014 08:03 PM

المشاركة الأصلية كتبت بواسطة midnightman_74

يعنى النقل اللى مدمر كل الاسفلت اللى فى الطرق كان بيدفع ٣٥ جنية بس ؟؟؟ يعنى ٥ دولار؟؟

35 جنيه دول يا باشا كارته فقط لكن هو بيحمل اقصى من حمولته الضعف فبيدفع ميزانه على كل طن زياده حسب الحموله

يعنى الحكومه بتدفعه تمن الطريق الى بيبوظه مقداما قيل مايمشى عليه والطريق فى الاصل اصلا غير مطابق للمواصفات عشان يتحمل النقل حتى بحمولته المقرره الطبيعيه يعنى منظومه قذره ونصب حكومى

**hossam_elwani** · 04-03-2014 08:12 PM

المشاركة الأصلية كتبت بواسطة lanos2004

فعلا النقل مدمر اسفلت شوارع اروبا كلها
مش اصلا لما الطريق ميتسرقش رصفه ويتعمل بضمير ومواصفات تتحمل وزن عربيات النقل

طبقة الاسفلت الى بنتزل بيها بتتعمل عندنا من نوع الاسفلت الصلصالى عشان السبوبه تدوم صنفره اول وش بكذ صنفره تانى وش بكذا ودمتم للفساد

**Samir Elshahawy** · 05-03-2014 12:19 AM

الحل هو :
مقاطعة السير علي الطريق الصحراوي و أي طريق تتم ادارته بواسطة الخيش
يعني النقل يسيب لهم الطريق الصحراوي و يتجه للطريق الزراعي طبعا ده سيؤدي الي الاتي :
1- ضغط رهييييب علي الطريق الزراعي
2- الخيش هايشرب الطريق الصحراوي و ممكن يخلله بعد كده

أنا شخصيا بافكر في الفكرة دي و بدأت بالفعل تنفيذها في سفري الي العين السخنة حيث ذهبت عن طريق السويس و منه للطريق الدائري حول السويس و منها الي ميناء السخنة تجنبا للتعامل مع الخيش لأننا لسنا عبيد لهم و لن اسمح لهم بان يضعوا أيديهم في جيبي أكثر من ذلك

**Samir Elshahawy** · 05-03-2014 12:24 AM

المشاركة الأصلية كتبت بواسطة midnightman_74

روح شوف فى أوروبا الضرائب بتوصل ٤٥ ٪ يعنى الناس بتدفع نص دخلها تقريبا والناس هناك بتهرب وتروح فى بلاد تانية عشان ميدفوعوش ضرائب

- بس في اوروبا و الدول المتقدمة المواطن اللي بيدفع الضرائب بيأخد خدمة عاملة أزاي ؟
- في أوروبا و الدول المتقدمة المواطن بيدفع ضرائب و مافيش حد يجرؤ أنه يقفل له طريق أو يضع فيه حديد و سلاسل علشان مسئول أو أي حد معدي أو عايز يركن عربيته

هناك أنا بادفع ثمن الشارع علشان أمشي فيه مش علشان تيجي الحكومة تقفله بأسمنت و حديد و تمنعني من المرور فيه و أدور حول الكرة الارضية

**AlGazar2** · 05-03-2014 05:08 AM

من الاخر كده احنا دوله بنت )*&)*(*&^_)*&إ_*&^_*&)

الموضوع: غليان فى قطاع النقل بالإسكندرية بعد رفع رسوم عبور الطرق بنسبة 800%

LinkBack

أدوات الموضوع

عرض

-

-

-

-

المواضيع المتشابهه

الى اهل الشرقيه احذروا قطاع الطرق

قطاع الطرق وعصابه الاربعين حرامى (رجال المرور)

وزير النقل‏:‏ الطرق الحرة تدخل مصر

الكلمات الدلالية لهذا الموضوع

المفضلات

المفضلات

ضوابط المشاركة