اعجاب وتقدير للمبدع يحيي الفخراني

**Eng.Mina** · 30-09-2008 03:09 PM

انا لسه يا جماعة سامع الحلقة الاخيرة من مسلسل شرف فتح الباب و بصراحة ماقدرتش امنع نفسي من اني اسجل اعجابي بالمتألق يحيي الفخراني اللي علي مدار 30 حلقة من عمر مسلسل شرف فتح الباب امتعنا بالاداء الصادق والمقنع واخيرا وصلت قمة الاداء والاحترافية في الحلقة الاخيرة علي غرار مسلسل حمادة عزو برده كان اخر حلقتين مؤثرين جدا وانتهي مسلسل شرف فتح الباب بدخوله السجن مرة اخري وخروجه ليصبح شحات بعد ضياع اسرته اللي حاول يشتري سعادتها بالفلوس
وحتي النهاية جميلة اوي بالمزج بين صورة شرف بعد مابقي شحات واغنية النهاية وعجبني اوي المقطع اللي في الاغنية (ولا اللي عمله اتعرف ولا اللي قبضه انصرف) واخيرا اتمني ان العام القادم ان شاء الله يتحفنا يحيي الفخراني بعمل قوي زي المسلسل ده وانا في انتظار رأيكوا بعد ماتشوفوا الحلقة دي
وكل عام وانتم بخير

**OlaOsman** · 30-09-2008 03:22 PM

طبعا أداء يحيى الفخراني لا جدال عليه.. انما اللي مهم برضه جدا في رأيي هو السيناريو و الحوار للمبدع محمد جلال عبد القوي صاحب المال و البنون و أولاد آدم و نصف ربيع الآخر و الليل و آخره و أديب و حضرة المتهم أبي.. صاحب أقوى و أعمق سيناريو و حوار لأقوى مسلسلات.

انا كمان شفت آخر حلقة من شوية و من ساعتها و انا مبلمة.. باتأمل كم العبر و العظات اللي خرجت بيها المسلسل.. هو ده الفن.. هي دي الرسالة.

**Nile_Storm** · 30-09-2008 03:24 PM

مع اني مكنتش بحب المسلسل ده و حسيت ان فيه حاجات مش راكبه علي بعض

بس فعلا اخر حلقه تحفه اداء الكل فيها فظيع

**Eng.Mina** · 30-09-2008 03:33 PM

عندك حق يا علا فعلا محمد جلال عبد القوي يستحق نفس التقدير انا بس من روعة اداء يحيي الفخراني وهالة فاخر والوجوه الجديدة اللي عاملين ادوار اولاده ممكن اكون نسيت اذكر المؤلف العبقري محمد جلال عبد القوي وعلي فكرة انا برده مبلم من ساعة مشفتها والحمد لله اني كنت مسجل الحلقة دي علي الكومبيوتر وحاسمعها تاني وتالت ورابع

**OlaOsman** · 30-09-2008 03:38 PM

المشاركة الأصلية كتبت بواسطة mina87

عندك حق يا علا فعلا محمد جلال عبد القوي يستحق نفس التقدير انا بس من روعة اداء يحيي الفخراني وهالة فاخر والوجوه الجديدة اللي عاملين ادوار اولاده ممكن اكون نسيت اذكر المؤلف العبقري محمد جلال عبد القوي وعلي فكرة انا برده مبلم من ساعة مشفتها والحمد لله اني كنت مسجل الحلقة دي علي الكومبيوتر وحاسمعها تاني وتالت ورابع

هالة فاخر أصلا مفاجأة المسلسل هي و ولاد شرف فتح الباب و خصوصا عبد الرحمن و طه

**AhmedGen2** · 30-09-2008 03:41 PM

شوقتونى ، طب المسلسل بتدور أحداثه عن ايه؟ وياريت يا مينا لو ترفع الحلقة على رابيد شير.

**Eng.Mina** · 30-09-2008 03:44 PM

تحت امرك يا اسلام ححاول ارفعها علي الرابيد شير بس هي عموما حاتيجي تاني علي قناة الحياة ( اللي شعارها احمر ) الساعة 9 مساء او 9.30 يعني في الحدود دي

**OlaOsman** · 30-09-2008 03:47 PM

المشاركة الأصلية كتبت بواسطة IslamGen2

شوقتونى ، طب المسلسل بتدور أحداثه عن ايه؟ وياريت يا مينا لو ترفع الحلقة على رابيد شير.

ما انصحكش يا إسلام تشوف الحلقة الأخيرة بس.. دي لازم تتشاف من أول حلقة لآخر حلقة عشان الرسالة توصل لك صح. هي عموما أكيد هاتتعاد على القنوات التانية بعد العيد، ابقى حاول تتابعها.

ما انصحكش كمان تشوفها على قناة الحياة، فواصلها كتيرة و طويلة بطريقة مثيرة للأعصاب

**Eng.Mina** · 30-09-2008 03:48 PM

انا عاجبني اوي اداء عبد الرحمن حسيت انه ممثل متمكن جدا وقدر يوصل لنا احساس الصدمة في ابوه الشريف وانهيار صورة الاب المثالي اللي كان راسمها في خياله بشكل
مذهل واحساس صادق

**Eng.Mina** · 30-09-2008 03:55 PM

معلش يا اسلام انا مش حاقدر ارفعها اصل بعيد عنك لقيت مساحتها 1.88 جيجا ومابعرفش اضغط مساحة الفيديو وهي علا عندها حق قناة الحياة مملة جدا في الفواصل اللي بتعملها (اكتر حاجة بتنقطني الفاصل اللي بيعمله ويجيبوا بعده موسيقي النهاية ببقي حاتشل ساعتها) بس الحلقة دي تستاهل نستحمل غتاتة القناة دي عموما ياريت ياعلا لو تعرفي مواعيد تانية تقوليها لاني ماعرفش غير قناة الحياة اللي بتذيع المسلسل

الموضوع: اعجاب وتقدير للمبدع يحيي الفخراني

LinkBack

أدوات الموضوع

عرض

اعجاب وتقدير للمبدع يحيي الفخراني - انشر الموضوع فى :

-

-

-

-

المواضيع المتشابهه

نغمات للموبايل للمبدع ماهر زين ( بدون موسيقى )

شكر و اعجاب برجاله المنتدي ....

كاركاتير عن انفلونزا الخنازير فى مصر ( للمبدع احمد خالد توفيق)

دعوه لمشاهدة فن راقي... يحيي الفخراني والابداع في الملك لير ...

الكلمات الدلالية لهذا الموضوع

المفضلات

المفضلات

ضوابط المشاركة