عجباني سياره بي واي دي وعاوز اشتريها الشهر الحالي بس خايف من كونها صيني وبعدين قريت ف المنتدي تقارير بتتكلم كتير عن الصدا ومشاكل كتير افيدوني الرجاء الافاده
عرض للطباعة
عجباني سياره بي واي دي وعاوز اشتريها الشهر الحالي بس خايف من كونها صيني وبعدين قريت ف المنتدي تقارير بتتكلم كتير عن الصدا ومشاكل كتير افيدوني الرجاء الافاده
مشكلة الصدأ ظهرت في جيلي امجراند مسمعتش من حد ان الصدأ موجود في البي واي دي
حضرتك رايك ايه في السياره بوجه عام
انا شايف حضرتك ان البي واي دي من اكتر العربيات الصيني اعتمادية وعملية وقطع غيارها موجودة
وسمعت سواق تاكسي قبل كده راكب بي واي دي انها ثابتة على الطريق وسواقتها حلوة
وكون انها موجودة تاكسيات كتير يدل على انها عربية حمالة أسية وبتستحمل ما شاء الله لان ده اول حاجة بيدور عليها سواق التاكسي
بس في الاخر ده يرجع لاختيار حضرتك لان انا مجربتهاش
وياريت تستنى رد ملاك العربية لانهم هيفيدوا حضرتك اكتر مني بكتير ان شاء الله :)
دوس يا معلم ...
BYD f3 عربيه جميلة جدا
انا اخت فترة لحد ما قررت اشتريها وعامله معايا دلوقتي 600 كيلو
امكانيتها بالنسبة لسعرها جميلة جدا مقارنة بباقي العربيات في نفس الفئة السعريه
(اعتمادية عاليه - قطع غيار متوفرة - موتور متسبيوشي -الصنايعيه اللي شغالين فيها كتير-امان فرامل ABS وايرباج-ثبات علي الطريق)
العيوب : الفتيس فيه عضه وموجودة المشكلة تقريبا في كل عربيات BYD وحصلت مناقشات فيها كتير لحلها والموضوع بتاعها سهل
تاني عيب التوكيل سئ جدا (وده رأي معظم الاعضاء اللي في المنتدي هنا انا لسه متعملتش معاهم بس الاخبار الحلوة كلهم اجمعو علي فرع الاسكندرية فرع ممتاز -وبعض الزملاء بيكتبو تقارير انه فيه تحسن في فرع القطامية وربنا يهديهم ويظبطو ملاك العربية شوية)
ووبالنسبة لموضوع الصدا ده ظهر في الايمجراند حتي موديل 2014 (انا لحد دلوقتي مش متخيل اني اجيب عربية وادفع فيها دم قلبي) فابعد عنها
وانصحك انك تختار كذا عربية في الفئة السعريه اللي تقدر عليها
وتدخل في المنتدي هنا وتقرأ مواضيع الاعضاء عن العربية
وفي الاخر ربنا يوفقك وتختار الاحسن ليك
تحياتي
اخوك محمد رجب
توكل على الله وياريت لو اوتوماتيك
الbyd من رأيي افضل عربيه صينى دلوقتى
البي واي دي عربيه ممتازه .. لو هتجيب أوتوماتيك تبقى هيا المناسبه .. لو هتجيب مانيوال ممكن تبص بصه ع الإسبرانزا إنفي .. عربيه تحفه ومستورده وفول أوبشن ... وربنا ييسرلك الحال إن شاء الله .
متابع