سؤال للنقاش العوامل المؤثرة في الاحساس بالسرعة

**amr_8800** · 04-03-2014 10:27 AM

هي عوامل كتير من وجهة نظري
- جودة رصف الطريق وانه يكون واسع ومغتوح ولا ضيق
- نعومه عشفة العربيه وخلوها من الاصوات
- صالون العربيه يكون تمام مش فيه تكتكه ولا صوصوه ولا تزييق
- طبعا ثبات العربيه وارتفعها عن الارض بيفرق كتير
- جوده عزل العربيه بتفرق كتييير
-نوع كاوتوتش العربيه بيفرق كتير اوي (في كاوتشات ناشفه وصوتها عالي زي الدانلوب مثلا في حجات صامته زي البريدجستون)
- صوت المحرك على السرعات العاليه واطي ولا عالي
- الفتيس واحساسك بالنقلات
- استجابة العربه لدواسة البنزين وقوه محركها بتوصلك لسرعه كبيره في وقت قصير متسدأش انك ماشي 200 وتقول جابتهم امتى دي
- قفتك في فرامل العربيه بتفرق كتير اوي وبتجمد قلبك
- واخيرا راحه نفسيه للعربيه
ويمكن في حجات تانيه انا نستها

**Hmatchy** · 04-03-2014 10:38 AM

بص احساسك بالسرعه كا سرعه مش ثبات سببه عزل صوت المتور وده اول عامل متحسش المتور بينعر
تانى عامل نعومه الطريق يعنى لو طريق طوالى وناعمالسيات زى المرسيدس مش هتفرق طالما العجل مترصص

**Abdo Taha** · 04-03-2014 11:23 AM

عزل الصوت ليه عامل
المود بتاعك ممكن برضه يبقى ليه عامل
حجم العربية و ده حسيت بيه فعلا بين الاوبل و الفيرنا
اقتراب العربية من الارض
و بصراحة في الفيرنا كنت ماشي 20 نفس الاحساس السرعة في الوبل بس عند 60 70 وكذلك في اللانسر في الطريق المفتوح 60 بحس نفس الاحساس في الاوبل عند 120
و برضه اختلاف حجم الطريق واسع و لا ديق ، في مساحة كبيرة للعين زي الفرق بين الصحراوي و الدائري
وثبات العربية عموما ممكن يحسسك بالسرعة في عربية و عربية تانية اقل

**MOSTAFA . AHMED** · 05-03-2014 10:48 AM

الأحساس بالسرعة = عدم ثبات السياره
عدم الاحساس بالسرعة = ثبات عالي للسيارة
ثبات اي سيارة له عوامل كتير جدا بتتحكم فيه
* الايروديناميك بتاع العربية ( شكل حركة الهوا ء حول السياره ) كل ما كان الهوا اللي بيمر تحت العربية قليل كل ما ساعد على تحسن الثبات ( احسن عربية جيب ثباتها ااقل من اي عربية سيدان ) والنقطة ده بتنقلنا لنقطة التانية
* ارتفاع السيارة عن الارض من العوامل المهمة في ثبات العربية
* العفشة جوده مكونات العفشة وخامتها المستخدمة بتفرق في ثبات السياره يعني اللي مركب عفشة كوني غير اللي مركب مونرو غير الللي سايب عفشة عربية مشخلله وبتزيق والمعروف هنا ان كل ما كانت العفشة ناشفة كل ما كان احسن لأن العفشة الناشفة بتقلل من تأثير حركة جسم السيار ة وانتقال الاوزان من طرف لطرف سواء من الامام للخلف او من جهه لأخرى وهنا على سبيل المثال في سيارات بتتمتع بعفشة بيختلف درجة صلابتها حسب السرعة كل ما تزيد سرعة العربية كل ما العفشة تزداد نشوفية
* الكاوتش ونوعة ونقشته ومقاسه من العوامل اللي بتفرق في الثبات
* الزوايا والاتزان والترصيص
* الطريق وشكله ونوع الاسفلت المستخدم فيه وده من اسباب تحديد السرعة القصوى على الطريق مصر اسكندرية الزراعي (90 كم ) الاتوباهان في المانيا ملوش سرعة محدده عليه
عوامل كتير بتفرق في ثبات السيارة لكن لو توفرت في سيارة معينة مش حتلاقي اي احساس بالسرعة وانت راكبها
اسف على الرغي
شكرا