سؤال للنقاش العوامل المؤثرة في الاحساس بالسرعة

السلام عليكم ورحمة الله وبركاته

الواحد بقي محتار الفترة الاخيرة من حكاية الاحساس بالسرعة وانتا سايق العربية
في ناس تقولك ده مرتبط بثبات العربية
وفي ناس تقول مرتبط بال Aerodynamic للعربية
وناس بتقول ممكن العفشة؟
انا
جربت تجارب واقعية والنتائج كالاتي وده هيكون علي سرعة 120
1-مرسيدس c موديل 2003 الاحساس بالسرعة عادي يعني مش بتحس انك طاير او ماشي بالراحة وسط :embarrassed:

2-اودي a4 2006 حاجة غريبة تمشي 120 تحس انك ماشي 160 ولا حاجة بس! تيجي تمشي 180-220
تحس انك ماشي بالراحة ودي حاجة غريبة مش فادر الاقي ليها تفسير :36_1_2[1]:

3-تويوتا كورورلا 2013 ودي بقي تمشي 120 ولا كانك ماشي 60 ونفس الكلام علي السرعات العالية 160 180 ازاي معرفش والمفروض انها الاقل ثبات فيهم :no1:

4-مرسيدس s 1996 او ماتعرف بالشبح دي تمشي 200 مش 120 وتحسن انك ماشي 60 بلا مبالغة@ :first:

5-bmw 745i 2006 نفس الشبح


ياتري ايه الاسباب العلمية الي سببت دا :majd(4):

لأ انا اقول لك عن تجربة سواقة عربيات لفترات طويلة احساسك بسرعة العربية بسببين

الاول بسبب سعة الطريق وحجمه وطوله يعني الطريق بعيد ومفتوح ولا لأ
وجرب على الصحراوي الشرقي وقول لي هتلاقي الـ120 حاجة بطيئة جداً عليه وهتحس انك واقف مش ماشي !!!!!!!!!!!

الثاني بسبب راحتك النفسية في السيارة !!!!!!!! يعني انت مثلاً كنت مرتاح اوي في المرسيدس الـs والـbmw وكنت برضه مرتاح نفسياً في الكورولا كل دي عوامل نفسية غير حقيقية ولا علاقة لها بالسيارة حتى انت بنفسك قولت مع ان الكورولا اقل ثبات لكن بحس فيها بعدم السرعة

فده برضه سببه عوامل نفسية وليست ميكانيكية بالسيارة ولكن العوامل الميكانيكية لا تحس بها الا في المواقف الحرجة يعني لما العربية تنفذك من حادثة موت لا قدر الله تعرف قيمة المرسيدس s او الـbmw اللي حضرتك كنت راكبها

فكده هي دي الاسباب احساسك بطول الطريق ومثال الطريق الصحراوي الشرقي وثانياً راحتك النفسية في العربية

والله اعلم !!!!!!!!!!!!!

دور على عزل كل عربية وهتلاقي إن في اختلاف جوهري وهو ده السبب الرئيسي مع الثبات بتاع العربية
لكن وزن العريبه ملوش دعوة - لأن الثبات بتاع العربيه معتمد على حاجات كتير زي نوع العفشه وتصميم الشكل الخارجي . وده الي خلاك تستغرب لما جربت التويوتا

اقتباس:

---

المشاركة الأصلية كتبت بواسطة 2code

لأ انا اقول لك عن تجربة سواقة عربيات لفترات طويلة احساسك بسرعة العربية بسببين

الاول بسبب سعة الطريق وحجمه وطوله يعني الطريق بعيد ومفتوح ولا لأ
وجرب على الصحراوي الشرقي وقول لي هتلاقي الـ120 حاجة بطيئة جداً عليه وهتحس انك واقف مش ماشي !!!!!!!!!!!

الثاني بسبب راحتك النفسية في السيارة !!!!!!!! يعني انت مثلاً كنت مرتاح اوي في المرسيدس الـs والـbmw وكنت برضه مرتاح نفسياً في الكورولا كل دي عوامل نفسية غير حقيقية ولا علاقة لها بالسيارة حتى انت بنفسك قولت مع ان الكورولا اقل ثبات لكن بحس فيها بعدم السرعة

فده برضه سببه عوامل نفسية وليست ميكانيكية بالسيارة ولكن العوامل الميكانيكية لا تحس بها الا في المواقف الحرجة يعني لما العربية تنفذك من حادثة موت لا قدر الله تعرف قيمة المرسيدس s او الـbmw اللي حضرتك كنت راكبها

فكده هي دي الاسباب احساسك بطول الطريق ومثال الطريق الصحراوي الشرقي وثانياً راحتك النفسية في العربية

والله اعلم !!!!!!!!!!!!!

---

تمام السبب الاول ممكن يعني المرسيدس جربتها هنا وفي السعودية ونفس الاحساس برضه بس اتفق معاك اكيد ف حجم الطريقة وحتي جودته تفرق كثير والاودي والمرسيدس s وال c والتويوتا جربتهم علي نفس الطريق

اما سبب الثاني اقرب واقعية من تجاربي بس معرفش حله ايه هههههه
بس هقول حاجة هوا ممكن زاوية ميل الزجاج الامامي للعربية تفرق في الاحساس ده ؟ انا عارف انها فكرة غبية بس انا بدور علي اسباب
وشكرا علي النقاش ^^:16:

اقتباس:

---

المشاركة الأصلية كتبت بواسطة markoky

دور على عزل كل عربية وهتلاقي إن في اختلاف جوهري وهو ده السبب الرئيسي مع الثبات بتاع العربية
لكن وزن العريبه ملوش دعوة - لأن الثبات بتاع العربيه معتمد على حاجات كتير زي نوع العفشه وتصميم الشكل الخارجي . وده الي خلاك تستغرب لما جربت التويوتا

---

من ناحية العزل معروف التفوق لمين! ههههههه يعني لو جبنا الاسباب الي حضرتك قولت عليها العزل وثبات العربية هنلاقي التويوتا اقلهم في الاثنين !
احنا كمان ممكن نحط الشكل الخارجي ونوع العفشة كاسباب مقنعة
هو دايما معروف ان الفئات الصغيرة بيبقي فيها العزل سيء مش زي العربيات الفارهة المصممة لكدة بس اكيد عزل الاودي a4 والمرسيدس c احسن من التويوتا الي هيا احسن منهم في الاحساس بالسرعة فحاجة تحير الحقيقة
وشكرا علي الرد^^:16:

انا ركبت 127 والحمد لله ماكنش فيها ثبات كانت ريشة
ركبت فيرنا 2006 وجيبت بيها 200 علي طريق السخنة و كنت متخوف جدا وذلك بسبب السمعة السيئة لثبات الفيرنا
معايا حاليا اسبرانزا 620 الكبيرة
وحدث ولا حرج
عن ثباتها وانا علي طريق السخنة جايب 170 ومش حاسس انا بجري
قولت اجرب ازود 200 حاسس ان الحمد لله واثق في العربية


استنتاجي ان الثقه بثبات العربية مهم جدا
عرض العربية والكاوتش المستخدم يعني مثلا ال 16 اعتقد بيفرش علي الطريق كويس اوى وبيديك ثقه في العربية اكثر واكثر

والطريق بيحكم

كلما كان الطريق اكثرا تمهيدا ومش فيه مطبات هواء

بيكون افضل وافضل وافضل

كل دول مع بعض واي حاجة لو قلت في العوامل اللى اتقالت على طول تزود في الاحساس بالسرعة

اقتباس:

---

المشاركة الأصلية كتبت بواسطة rabet007

انا ركبت 127 والحمد لله ماكنش فيها ثبات كانت ريشة
ركبت فيرنا 2006 وجيبت بيها 200 علي طريق السخنة و كنت متخوف جدا وذلك بسبب السمعة السيئة لثبات الفيرنا
معايا حاليا اسبرانزا 620 الكبيرة
وحدث ولا حرج
عن ثباتها وانا علي طريق السخنة جايب 170 ومش حاسس انا بجري
قولت اجرب ازود 200 حاسس ان الحمد لله واثق في العربية


استنتاجي ان الثقه بثبات العربية مهم جدا
عرض العربية والكاوتش المستخدم يعني مثلا ال 16 اعتقد بيفرش علي الطريق كويس اوى وبيديك ثقه في العربية اكثر واكثر

والطريق بيحكم

كلما كان الطريق اكثرا تمهيدا ومش فيه مطبات هواء

بيكون افضل وافضل وافضل

---

اكيد الثبات ليه تاثير بس الثبات دوره اكثر في الملفات مثلا
واكيد عرض الكاوتش مؤثر برضوا والثقة في الثبات بتتناسب مع الثبات الفعلي للعربية اكيد محدش هيثق في عربية وهيا مفهاش ثبات
شكرا علي المشاركة

اقتباس:

---

المشاركة الأصلية كتبت بواسطة amrelsaqqa

كل دول مع بعض واي حاجة لو قلت في العوامل اللى اتقالت على طول تزود في الاحساس بالسرعة

---

تمام طيب ما انت لو جمعت كل حاجة وطبقتهم علي تجاربي الي فوق هتلاقي الوضع اختلف
شكرا علي الرد

هى راحة نفسية من العربية فى الاول والاخر

انك تركب هيونداى تحس انك 160 وتلاقى العداد 120

هي عوامل كتير من وجهة نظري
- جودة رصف الطريق وانه يكون واسع ومغتوح ولا ضيق
- نعومه عشفة العربيه وخلوها من الاصوات
- صالون العربيه يكون تمام مش فيه تكتكه ولا صوصوه ولا تزييق
- طبعا ثبات العربيه وارتفعها عن الارض بيفرق كتير
- جوده عزل العربيه بتفرق كتييير
-نوع كاوتوتش العربيه بيفرق كتير اوي (في كاوتشات ناشفه وصوتها عالي زي الدانلوب مثلا في حجات صامته زي البريدجستون)
- صوت المحرك على السرعات العاليه واطي ولا عالي
- الفتيس واحساسك بالنقلات
- استجابة العربه لدواسة البنزين وقوه محركها بتوصلك لسرعه كبيره في وقت قصير متسدأش انك ماشي 200 وتقول جابتهم امتى دي
- قفتك في فرامل العربيه بتفرق كتير اوي وبتجمد قلبك
- واخيرا راحه نفسيه للعربيه
ويمكن في حجات تانيه انا نستها

بص احساسك بالسرعه كا سرعه مش ثبات سببه عزل صوت المتور وده اول عامل متحسش المتور بينعر
تانى عامل نعومه الطريق يعنى لو طريق طوالى وناعمالسيات زى المرسيدس مش هتفرق طالما العجل مترصص

عزل الصوت ليه عامل
المود بتاعك ممكن برضه يبقى ليه عامل
حجم العربية و ده حسيت بيه فعلا بين الاوبل و الفيرنا
اقتراب العربية من الارض
و بصراحة في الفيرنا كنت ماشي 20 نفس الاحساس السرعة في الوبل بس عند 60 70 وكذلك في اللانسر في الطريق المفتوح 60 بحس نفس الاحساس في الاوبل عند 120
و برضه اختلاف حجم الطريق واسع و لا ديق ، في مساحة كبيرة للعين زي الفرق بين الصحراوي و الدائري
وثبات العربية عموما ممكن يحسسك بالسرعة في عربية و عربية تانية اقل

اقتباس:

---

المشاركة الأصلية كتبت بواسطة ضى القمر

هى راحة نفسية من العربية فى الاول والاخر

---

ده عامل بس اكيد ميأثرش بالدرجة المتفاوتة بين العربيات الي جربتها

اقتباس:

---

المشاركة الأصلية كتبت بواسطة lanos2004

انك تركب هيونداى تحس انك 160 وتلاقى العداد 120

---

لا سيبك من هيونداي معروف الاحساس بتاعها:coool:

اقتباس:

---

المشاركة الأصلية كتبت بواسطة amr_8800

هي عوامل كتير من وجهة نظري
- جودة رصف الطريق وانه يكون واسع ومغتوح ولا ضيق تقريبا كل العربيات جربتها علي نفس الطريق
- نعومه عشفة العربيه وخلوها من الاصوات تمام دي ممكن الي تخلي الكورولا منعدمة الاحساس بالسرعة
- صالون العربيه يكون تمام مش فيه تكتكه ولا صوصوه ولا تزييق وده برضوا سبب مقنع لان الكورولا كانت لسه تعتبر جديدة والباقي مستعمل
- طبعا ثبات العربيه وارتفعها عن الارض بيفرق كتير يعني لما يزيد ارتفاع العربية ايه الي بيحصل ؟ بيزود الاحساس بالسرعة ؟
- جوده عزل العربيه بتفرق كتييير طبعا تعبان في الكورولا وكويس في الاخرين
-نوع كاوتوتش العربيه بيفرق كتير اوي (في كاوتشات ناشفه وصوتها عالي زي الدانلوب مثلا في حجات صامته زي البريدجستون) الي يحير فعلا ان الكورولا كان فيها دانلوب اما المرسيدس والاودي ميشيلان من انعم الكوتشات
- صوت المحرك على السرعات العاليه واطي ولا عالي طبعا الكورولا هنا صامته ويمكن ده الي مخليها معدومة الاحساس بالسرعة
- الفتيس واحساسك بالنقلات معدوم في الكورولا برضوا @
- استجابة العربه لدواسة البنزين وقوه محركها بتوصلك لسرعه كبيره في وقت قصير متسدأش انك ماشي 200 وتقول جابتهم امتى دي امم معتقدش ان ده مؤثر
- قفتك في فرامل العربيه بتفرق كتير اوي وبتجمد قلبك برضوا الكرورلا ضعيفه فيه
- واخيرا راحه نفسيه للعربيه برضوا يبقي المشكلة من هنا هههههه
ويمكن في حجات تانيه انا نستها

---

+ لو جمعنا كل الي فوق يبقي التفوق للكورولا في العوامل ديه هتبقي منطقية شوية
شكرا للمشاركة ^

اقتباس:

---

المشاركة الأصلية كتبت بواسطة Hmatchy

بص احساسك بالسرعه كا سرعه مش ثبات سببه عزل صوت المتور وده اول عامل متحسش المتور بينعر
تانى عامل نعومه الطريق يعنى لو طريق طوالى وناعمالسيات زى المرسيدس مش هتفرق طالما العجل مترصص

---

تمام سبب مقنع اويي وفعلا الكورولا زي ماقلت فوق شبه صامته
والمرسيدس لما جربتها كانت عايزة ترصيص وكانت بتحدف كمان
شكرا عالمشاركة

اقتباس:

---

المشاركة الأصلية كتبت بواسطة Abdo Taha

عزل الصوت ليه عامل
المود بتاعك ممكن برضه يبقى ليه عامل
حجم العربية و ده حسيت بيه فعلا بين الاوبل و الفيرنا
اقتراب العربية من الارض
و بصراحة في الفيرنا كنت ماشي 20 نفس الاحساس السرعة في الوبل بس عند 60 70 وكذلك في اللانسر في الطريق المفتوح 60 بحس نفس الاحساس في الاوبل عند 120
و برضه اختلاف حجم الطريق واسع و لا ديق ، في مساحة كبيرة للعين زي الفرق بين الصحراوي و الدائري
وثبات العربية عموما ممكن يحسسك بالسرعة في عربية و عربية تانية اقل

---

يبقي عزل صوت المتور هو السبب الاقوي وكمان برضوا ارتفاع العربية
شكرا عالمشاركة



تقريبا كده انا جمعت عدد كويس من الاسباب من مشاركات الاعضاء وانا بقيت مقتنع بكذا سبب الف شكر ياجماعة علي النقاش المفيد ده^^:first:

باستبعاد الراحة النفسية لان دى مش مقياس ..يعنى ماينفعش ارتاح نفسيا لل128 فاقول عليها ثابتة ولما اركب بى ام مارتحلهاش نفسيا فاقول ثباتها مش عاجبنى
فالطريق يبقى رقم واحد ..جرب تمشى فى طريق العين السخنة او الاسكندرية الصحراوى مقابل الاسكندرية الزراعى
هاتلاقى العربية هنا طيارة وهنا مرجيحة
ثانيا ثبات الموتور فى جسم العربية ودا عن تجربة اكتر حاجة ممكن تحسسك انك بتجرى ...لو ماتور سلس وثابت صح فى العربية عمرك ماهتحس بيه اما لو ماتور دبابة والقواعد بتاعته اى كلام هانحس باهنزاز جامد فى العربية ومنها تحس انك ماشى على سرعة 300 مش 100
ثالثا عفشة العربية سوست مظبوطة ومساعدين سبور وكاوتشات عريضة وعربية واطية وانسى الدنيا :)

الأحساس بالسرعة = عدم ثبات السياره
عدم الاحساس بالسرعة = ثبات عالي للسيارة
ثبات اي سيارة له عوامل كتير جدا بتتحكم فيه
* الايروديناميك بتاع العربية ( شكل حركة الهوا ء حول السياره ) كل ما كان الهوا اللي بيمر تحت العربية قليل كل ما ساعد على تحسن الثبات ( احسن عربية جيب ثباتها ااقل من اي عربية سيدان ) والنقطة ده بتنقلنا لنقطة التانية
* ارتفاع السيارة عن الارض من العوامل المهمة في ثبات العربية
* العفشة جوده مكونات العفشة وخامتها المستخدمة بتفرق في ثبات السياره يعني اللي مركب عفشة كوني غير اللي مركب مونرو غير الللي سايب عفشة عربية مشخلله وبتزيق والمعروف هنا ان كل ما كانت العفشة ناشفة كل ما كان احسن لأن العفشة الناشفة بتقلل من تأثير حركة جسم السيار ة وانتقال الاوزان من طرف لطرف سواء من الامام للخلف او من جهه لأخرى وهنا على سبيل المثال في سيارات بتتمتع بعفشة بيختلف درجة صلابتها حسب السرعة كل ما تزيد سرعة العربية كل ما العفشة تزداد نشوفية
* الكاوتش ونوعة ونقشته ومقاسه من العوامل اللي بتفرق في الثبات
* الزوايا والاتزان والترصيص
* الطريق وشكله ونوع الاسفلت المستخدم فيه وده من اسباب تحديد السرعة القصوى على الطريق مصر اسكندرية الزراعي (90 كم ) الاتوباهان في المانيا ملوش سرعة محدده عليه
عوامل كتير بتفرق في ثبات السيارة لكن لو توفرت في سيارة معينة مش حتلاقي اي احساس بالسرعة وانت راكبها
اسف على الرغي
شكرا

ما شاء الله الاعضاء وضحوا كل حاجة ,, مش هضيف حاجة على كلامهم