كل لما اغسل العربية السنتر لوك بتجنن

**محمد العقابي** · 04-03-2014 09:13 PM

ممكن اعرف ايه بالظبط اللي يتعزل .

الجهاز ودوة تحت الفبره اللي تحت رجل السواق يعني لا يمكن الميه توصله اصلا ولو وصلتله ميه من الغسيل استحاله الندي يكون واصله .....

ممكن شرح للي مطلوب عزله يعني افك الابواب مثلا واعزل الاطراف اللي داخله علي كل مكنة سنتر . ولا ايه بالظبط نرجو التوضيح اكثر .......

**ahmedsehimy** · 05-03-2014 07:47 AM

انا نفسي اعرف اعزل ايه بالضبط علشان الكهربائي قاللى الكتاوت بتاعت السنتر هية اللي بتعمل كدة و ده تحت رجل السواق و اكييد مفيش مية بتروح هناك...

اصل انا علشان امشي على كل كهربة الابواب و ااكد عليها هيتخرب بيتي. وشكرا لتفاعلكم

**casper9114** · 05-03-2014 01:02 PM

بالنسبة للانوس الكتاوت بتاعت السنتر موجودة تحت الرجل الشمال للراكب الامامى جمب ال ecu, انا كنت متعود اغسيل العربية شهريا و متعرضش للموضوع دة بدا يحصل عندى بعد معملت سمكرة و دوكو للعربية و اللى كنت بعملة انى بفصل الكتاوت و اسبها فى الشمس و بعدين اركبها بس المشكلة الواحد بيبقا مقلق لاحسن العربية تفتح لوحدها بليل انا غطيت المنطقة دية بكيس بلاستك و هجرب اغسا و اشوف و لو حد عندوا حل متجرب ياريت يساعدنا بي

**محمد العقابي** · 06-03-2014 06:08 AM

طب والنوبيرا ايه اللي يتعزل فيها بالظبط فين الكتاوت ده مكانه فين في النوبيرا .

**Hany Bek** · 14-03-2014 10:17 PM

[justify]

نوبيرا 1 [ موديل 97 ] : مشكلة برجلة السنتر بعد غسيل العربية حصلت معايا حوالي 5 سنين وفي الآخر تسببت في طيران كتاوت السنتر واستبداله بآخر استيراد ،، وسبب المشكلة ـ في رأي المتواضع ـ عيب تصنيع ، والسبب أن كتاوت السنتر مكانه جوه الفبره اللي عند رجل السائق الشمال يعني تحت القايم الأمامي الشمال ، وللأسف مثبت بمسمارين في مكانه المخصص له وعند غسيل العربية فيه بعض المياه اللي علي البربيز الأمامي بتتجمع عند الطرفين والمكان المخصص لتصريف المياه ما بيتحملش هذا الكم من المياه ففي جزء بيتسرب الي الداخل وينزل مباشرة علي كتاوت السنتر وده اللي بيخليه [ كده يفتح ... وكده يقفل ] علي رأي توفيق الدقن ـ الله يرحمه .
وعلي فكرة الكتاوت مالوش أطراف سلك علشان تعزلها دي فيشة ، وكمان مش حل أنك تفصل فيوز السنتر لأن المشكلة هي هي أن فيه مياه بتنزل علي الكتاوت ومرة بعد مرة ترميه وتدور علي واحد استيراد علشان الجديد نوعية تعبانة وكمان بفيشة مختلفة عن الفيشة الأصلية اللي في العربية فهيحتاج تعديل لفيشة العربية . أتمني أون وضحت الموضوع كويس عن تجربة شخصية .

[/justify]

**midooo_119** · 15-03-2014 05:11 PM

كان عندى نفس المشكله و فعلا مش بتظهر غير مع الغسيل لكن بعد 5 سنين من شراء العربيه روحت لكهربائى و طلع العيب من الفيشه الى فالقائم شمال السواق و قالى الاحسن تجيب واحده استيراد بس انا كبرت دماغى لكنه اكدلى ان ده عيب شائع فالنوبيرا