كل لما اغسل العربية السنتر لوك بتجنن

**ahmedsehimy** · 04-03-2014 08:01 AM

السلام عليكم

انا عندي حاجة في عربيتي نوبيرا 2002 غريبة..كل لما اغسل العربية السنتر لوك بتجنن يقفل و يفتح لوحده و الاغرب ان الراجل اللي في المغسلة بيقولي ان الموضوع ده بيحصل معاه في كل العربيات الدايو.

انا لما بتعمل كدة بفصل فيوز الDoor Lock من علبة الفيوزات اللي في الكبوت و اسيب العربية ساعتين تنشف و اركبه تاني و بعد كدة كله بيرجع تمام.

حد عنده حل للموضوع ده

**a_arazik** · 04-03-2014 08:44 AM

انا عندي نفس المشكلة بالظبط وبكبر دماااااااااااااااااغي واسيبها تنشف وخلاص

**a7medsh3rawi** · 04-03-2014 08:53 AM

ايوه فعلا .. موضوع متعب وياريت على كدا بس مرتين اتحرق عندى مكنة الباب الخلفى يمين وروحت لكهربائى وغلف جهاز السنتر علشان يكون بعيد عن الميه وبرضه نفس المشكله ترجع يعلق وما يشتغلش كويس وبعد فتره ترجع زى ما كانت .

**a_mohamedsamir** · 04-03-2014 09:15 AM

كهربائي كويس يعزل اسلاك السنتر فى الابواب
لأنك حتلاقى طرف عريان بيلمس مع المياه

**engwael** · 04-03-2014 09:29 AM

كلنا هذا الرجل

**akmm** · 04-03-2014 09:55 AM

معلومه جديده دى خاصه انها في عربيات كتير منها ................... ولكن اكيد لها حل بان يتم فعلا عزل اسلاك السنتر يعنى النهايات الطرفيه بتاعته بمعرفه كهربائى عنده وقت .

**ضى القمر** · 04-03-2014 09:57 AM

راجع كهربة السنتر حتلاقى حاجة بتطلها الميه وبتاثر على ادائه

**محمد العقابي** · 04-03-2014 12:05 PM

+1111111111111111111

نوبيرا 2 برده ونفس العيب وانا افتكرت العيب بصراحه من نوع الانذار لانه مش الاصلي ومتغير بنوع فوما ....... وفعلا انا شايل الفيوز ومريح دماغي ومشغل العربيه بدون سنتر زي ايام الفيات بتاعة زمان ...... لاني بخاف اركنها في الشارع واقفلها ارجع الاقيها مفتوحه .....

لكن الاغرب انه الموضوع دوة بيحصل معايا برده كل لما اكون في اسكندريه في الصيف بسبب الهواء المملح وكمان علشان المكان اللي انا فيه جمب البحر .

وكمان لما اكون في العمل علشان المكان اللي انا فيه صحراوي وببقي راكن العربيه طول الليل وبتتشبع مياه من الندي ولا كانها مرشوشه بخرطوم .

طيب لو قلنا الغسيل بيخلي المياه تدخل للسلوك لكن هل الندي والهواء المملح يعمل نفس المشكله ...... حد عنده تفسير منطقي .....

**ViLMoS** · 04-03-2014 01:02 PM

الحل عزل اطراف الاسلاك وعزل جهاز السنتر بحيث يمنع وصول المية ليه وطبعا عزل علبة الفيوزات وطبعا الندي بيعمل نفس تاثير المية والرطوبة كمان عشان الندي لما بيكتر بيعمل توصيل ما بين السلك اللي مش معزول واللي هو الطرف الموجب مع جسم العربية اللي هوه الطرف الارضي ( او السالب ) فا بيحصل حاجة من 2
يا اما الدايرة تقفل وتفضل مقفولة فتعمل قفل وفتح للسنتر بطريقة مستمرة تحس بيها ان العربية اتجننت
او تعمل قفلة فالفيوز يضرب او السنتر يتحرق
طبعا المفروض ان اي حاجة ليها علاقة بالكهرباء مش السنتر بس يتعمله عزل عشان يكون بعيد عن المية وعن العوامل الجوية اللي ممكن تسبب بتلامس الاطراف فيحصل مشكلة
الكلام ده حسب معلوماتي الخاصة ولو فيه اي غلط ياريت حد يصححلي معلوماتي

**mostafa8085** · 04-03-2014 02:06 PM

بتحصل عندي نفس المشكلة و بوظتلي بطارية قبل كدة

الموضوع: كل لما اغسل العربية السنتر لوك بتجنن

LinkBack

أدوات الموضوع

عرض

-

-

-

-

-

المواضيع المتشابهه

عايز اغسل العربية من تحت

نفسى اغسل العربية واخليها فله

يا جماعة عايز اغسل العربية!

لاول مرة اغسل العربية بالنضافة دي

عايز اغسل العربية غسيل شامل-مصر الجديدة

الكلمات الدلالية لهذا الموضوع

المفضلات

المفضلات

ضوابط المشاركة