العربية فعلا زى الرز فى الشارع
عرض للطباعة
العربية فعلا زى الرز فى الشارع
خليك مع حمايه المستهلك للاخر واعمل شكوي و لجنه فحص ولو طلع فيها حاجه هيرجعوها طبعا
محدش داخل يهدم في العربيه طبعا هو عيب صناعه و مش منتشر يعني ماسمعناش الشكوي دي كتير و وارد تحصل بس ساعتها العميل اللي اشتراها مايلبسهاش و ياخد حقه بكل ذوق واحترام و ده بيعلي قيمه السياره في السوق ويزيد قيمتها و يزيد الثقه في الوكيل
ان شاء الله خير
بص انا هقولك على حاجه
اولا انت صعد الموضوع على قد ما تقدر وخد تقرير من التوكيل باللى حصل وانهم بيضمنوا ان ده مش هيتكرر تانى او ان مفيش مشاكل هتحصل بسبب الموضوع ده ده اولا -
ثانيا صعد الموضوع لنيسان مصر وطبعا حماية المستهلك فى النص - وكل ده هييجى فى صالحك لانك هتلاقيهم عايزين يراضوك بأى طريقه وهتكون عميل معروف عندهم - هتاخد صيانات مجانيه ده بالاضافة ان اى هفوه فى عربيتك هيتتصلح على طول وهتكون vip
بس اهم حاجه خد تقرير منهم بالكلام ده مكتوب
شكرا على ذوق حضرتك أحنا في منتدى حوارى كل واحد بيعبر عن طريقة تفكيره و بعدين أنا بالفعل قلت له أن مافيش ترجيع يعنى اللى أشترى أشترى و كلامى بعد كده عن العربية بصفة عامة يعنى أنا مثلا بأتحفظ شوية على كل ما هو جديد و مابأحبش أخد المخاطرة علشان كده أنا أول ما أي عربية جديدة تنزل السوق أبص بحذر زى الجيلى لما نزلت السوق كتبت و قلت ياجماعة نستنى شوية ونشوف مشاكلها , و بعدين يعنى أيه ناس غريبة والله ده مش أسلوب نقاش ثم أن الوحيد صاحب الحق أن يوجه لى الكلام بالطريقة دى هو صاحب الموضوع نفسه و لو كان قال أي حاجة أنا كنت حأتقبلها بصدر رحب لكن مش من حق حضرتك انك تقول ناس غريبة والله أنا لو لقيت الموضوع في كلام مش عاجبنى بأطنشه ألا لو كان الكلام موجه ألى شخصى و عموما متشكرين و على فكرة أنت قلت لو العربية مش عاجباك أنت حر طيب فين المشكلة بقى ما أنا قلت أنها مش عاجبانى , سألت لأيه الناس بتشتريها رغم أن في مشاكل و على فكرة أنا أخوى الكبير لسه جايب و احدة 2014 و بعد ما جبها سألته جبتها ليه قاللى ما أعرفش نصيب ممكن ما فيش حاجة تانى مكانها ممكن أشتريها قطع غيارها رخيصة مش عارف ليه علشان كده أنا بأسال ليه بس وم تشكرين جدا على كلام حضرتك ناس غريبة والله بقيت غريب علشان بأقول راى بصراحة عموما ياريت حضرتك لو ما عجبكش كلامى بعد كده ماتردش و طنشنى و أعمل نفسك كأنك ما شفتش الكلام أصل أنا غريب بنى أدم غريب مختلف عن البنى أدمين العاديين الأخريين ............................................... و دى نهاية الكلام
يا جدعان استهدوا بالله شوية انا مش مضايق خالص من اختيارى مع العلم انى جبت السوبر صالون و كنت فاكر انه هيبقى دلع و الصراحة لولا العيب دة كنت هقول لاى حد هيشترى عربية يفكر فى الصنى الشكل الجديد بس انا حظى اسود زى لون العربية
انا كان سؤالى اعمل اية بالضبط و اصعد الامر لمين تانى و اطلب اية تعويض منهم لما يكلمونى
وللامانة توكيل اوتو ايجبت زى الفل فى التعامل مع العملاء ماعدا كام هفوة بسيطة
انت خلاص أشتريت العربية حيبقى صعب جدا أنك ترجعها والعربية زى ما أنت قلت كويسة و على فكرة كمان أنا اسمع أنهم صادقين في وعودهم للعميل شوف هما حيدولك أيه علشان متبانش في صورة الأنسان المستغل لا سمح الله قوللهم أنا بأقول أنك تأخد منهم ضمان مدى الحياة للعيب اللى حصل عندك ده و كمان في واحد صاحبى قاللى أنهم بيدوا خصومات صيانة برقم شاسيه العربية بس أنت الأول شوف هما حيعرضوا عليك أيه
و الله لما يكون واحد دافع دم قلبه فى عربية زيرو و اكيد قبل ما يجيبها سأل كتير و شاف كتير و استخار ربنا و بعد ما يجيبها تحصله مشكله و يطلب المساعده و انت بدل ما تقوله حاجة تصبره او نصيحة تقعد تقطم فيه و تحرق دمه و تسأل سؤال مستفز مش ده وقته خالص كما لو ان كل الناس اللى بالهبل اللى جابوها متخلفين و سيادتك العاقل الوحيد اللى فاهم كل حاجه تبقى فعلا غريب
و تبقى اغرب لو مش شايف انك غريب
وحدش طلب رأيك و لا حد هيمنعك انك تقوله بس لكل مقام مقال و ده مش وقته خالص
و على فكرة العربية اللى حارقه دمك دى ب 110 انت شايف ان فيه بدايل تانية ازاى و متقنعنيش ان البيرسونا و الأفيو احسن منهم
شكرا و ربنا يهديك
ان شاء الله المشكلة تتحل يا ريس
العربية جميلة جدا جدا جدا ومريحاني جدا وسالت ناس بقى بتوع مكاتب إيجار الراجل حلفلي إنها أحسن من الإلنترا كعربية (موتور- إرتفاع - سحب - عفشة-.....) قاللي أنا عندي الإتنين إللي بيفهم يركب صني إللي غاوي منظرة وكماليات يركب أي حاجة تانية بقى
المهم ياريت أي حد مش عاجب جنابه العربية يقول العيب إللي مش عاجبه إيه يا إما يسكت ميقعدش ينتقد وخلاص ويقول كلام ملوش لازمة
وأنا بقول كده لأني متغاظ اوي من إللي بينتقد وهو مركبش أنا واحد صاحبي معاه الشكل القديم وبيبيعها عشان ضيقة جدا أنا صراحة معرفتش أقعد فيها ورغم ذلك هو مصمم وبيقنعني إن عربيتي نفس وسع عربيته وإن عربيتي أقل ثبات من عربيته وتحداني أجيب بها 140 جبت بها 160 وهي فاضية والحمد لله كانت تمام وهو بردو مصمم فياريت إللي مركبش ميتكلمش لو سمحتم عشان نفضل هاديين وماسكين أعصابنا
لو انت شايف العربي معيوبة ... ولسة خلال 14 يوم هما ملزمين اما بالإصلاح واعادة الشيء الي اصله او استبداله فوراً ... طيب في حال عدم الإستبدال خلال 14 يوم انذار علي يد محضر للشركة برفضهم استبدال السيارة خلال المدة القانونية وانك حتاخد الإجراءات القانوينة وتغمز المحضر ب 50 جنيه يعملهولك في نفس اليوم ، وحترفع دعوي قضائية بطلب استرداد المبلغ وتعويض مثل قيم السيارة المحكمة حتندب خبير لفني ولو ثبت فيها العيب حتكسب القضية ... بس القضية حتاخد حد ادني سنتين