استشارة بروتونية

**amrseif** · 04-03-2014 10:50 AM

السلام عليكم وعلى كل اصحاب بروتون الكرام ....
أنا معايا ساجا بقالها سنتين وشهر تقريبا وأنا استخدامى قليل جدا ( العداد عامل 5600 كيلو فقط )
دلوقتى التوكيل بيقوللى لازم أعمل صيانة ال 40 الف !( تتكلف 2000 جنيه الا حاجة بسيطة ) عشان تفضل العربية فى الضمان .... السؤال دلوقتى هل انا محتاج فعلا أعمل الصيانة ديه عشان سلامة العربية اهم حاجة , وللا محتاج اعمل تشيك على حاجات معينة بس .. علما بانى لم اغير البوجيهات ولا زيت الفتيس الاوتوماتيك وللا استنى فترة كمان ... ارجوكم اللى عنده خبرة ومر بحاجة زى كدة يقوللى ...

**mo7a_mo7a** · 04-03-2014 01:30 PM

لا \طبعا الصيانة مهمة وخاصة تغيير زيت الفتيس الاوتوماتيك والا الفتيس ممكن يبوظ
لو الضمان مش مهم بالنسبة ليك
اعمل الصيانة دي برة التوكيل وحتكلفك حوالي 1100 جنيه انا عملت الصيانة دي لعربية ساجا بتاعت اخويا من سنة تقريبا

تحياتي

**mohamed hussei** · 04-03-2014 03:17 PM

لازم تتعمل في التوكيل او برة لو انت عاوز الضمان يبئا في توكيل ولو مش عاوزة خلاص برة ووفر الفلوس وخصوصا الزيوت و السيور علي الصلاحية بتاعتهم بتخلص

**amrseif** · 05-03-2014 10:37 AM

يعنى يا جماعة اغير زيت الفتيس والبوجيهات علطول حتى لو كانوا حالتهم كويسة .. وللا أكشف عليهم الأول ؟؟

**abdoumahros** · 05-03-2014 12:40 PM

المشاركة الأصلية كتبت بواسطة amrseif

يعنى يا جماعة اغير زيت الفتيس والبوجيهات علطول حتى لو كانوا حالتهم كويسة .. وللا أكشف عليهم الأول ؟؟

**abdoumahros** · 05-03-2014 12:52 PM

الزيوت بتتغير علي حسب الكيلو مترات او6 شهور ايهما اقرب ده بالنسبه لزيت الموتور
بالنسبه لزيت الفتيس الاوتوماتيك ممكن حضرتك ترجع للكتالوج وتعرف بيتغير كل كام الف كيلو او الفتره الزمنيه
بالنسبه للبوجيهات رايي انها تتغير لكن لو موش مضيقاك في تدوير العربيه والسحب او استهلاك البنزين ممكن تخليها ومافيش خطوره منها
بالنسبه لسير المجموعه وسير الكاتينه والبليه فدول بيتغيروا علي 60000او 3 سنوات
طبعا انت بعد3 سنوات وبمعدل استهلاكك ده موش هاتكون عملت 60000 فممكن تغير السيور فقط بدون البليه
وبالمناسبه انا معايا جين2 غيرت لها السيور والبليه بعد 6 سنوات والعربيه كانت عامله 57000 كيلو والسيور كانت طالع هيا والبليه كويسه

**amrseif** · 05-03-2014 02:38 PM

المشاركة الأصلية كتبت بواسطة abdoumahros

بالنسبه لزيت الفتيس الاوتوماتيك ممكن حضرتك ترجع للكتالوج وتعرف بيتغير كل كام الف كيلو او الفتره الزمنيه

للاسف الكتالوج مفيهوش المعلومة ديه ... أغير زيت الفتيس وخلاص ؟؟؟

**abdoumahros** · 06-03-2014 08:33 AM

المشاركة الأصلية كتبت بواسطة amrseif

للاسف الكتالوج مفيهوش المعلومة ديه ... أغير زيت الفتيس وخلاص ؟؟؟

حضرتك ممكن تراجع جدول الصيانه اللي في الكتالوج
الجدول موجود فيه ايه الصيانات اللي بتتعمل للعربيه حسب الكيلومترات او الفتره الزمنيه
اعتقد ان شاء الله هاتلاقيه في الجدول ده
لكن لو عاوز تغيره يبقا لازم حد من الزملاء اللي عندهم فتيس اتوماتيك ممكن يفيدك اكتر مني
في اي نوع زيت فتيس اتوماتيك افضل