ممكن يا جماعه الخير اعرف رأيكم فى افضل نوع كشاف طوارىء عشان انا زهقت من الانواع الصينى التعبانه و هل الافضل الكشاف اللمبات ام الليدات و لكم جزيل الشكر.
عرض للطباعة
ممكن يا جماعه الخير اعرف رأيكم فى افضل نوع كشاف طوارىء عشان انا زهقت من الانواع الصينى التعبانه و هل الافضل الكشاف اللمبات ام الليدات و لكم جزيل الشكر.
الليدات أفضل لأنه بيستهلك بطارية أقل فبيبنور وقت أطول إضائة أقوى
النوع مش عارف صراحة أنا عندى نوع صينى كنت جايبة ب 70 تقريبا 60سم
بيعيش قد إيه إنت و ظروفك
من 3 سنين تقريبا أنا كنت شارى واحد ماركة ((أمير)) ودى ماركة مشهورة فى الكشافات بالذات وكنت شاريه من محل من المحلات اللى تحت جراج الأوبرا وبيشتغل بلمبتين فلورسينت 60 سم .
وكان سعره ساعتها حوالى 130 جنيه والحمد لله شغال زى الفل وأرشحه لسيادتك .
هات حاجه ماركه زي فيليبس او انرجايزر او امير
اغلبهم بيبوظ واظن بسبب عدم علمنا بطريقه الشحن الصحيحه
وانه لازم له تفريغ شحن بعد مده معينه ثم اعاده الشحن كامل وتقريبا بيبوظ لتركه يشحن على طول
والليدات انجح بكثير من اللمبات
فيليبس - انيرجايزر - أمير .
وأعتقد ان أمير نزلت موديل جميل ليدات وتقفيلة حلو جدا زى فيليبس
من اسبوع بالضبط اشتريت واحد امير 60 سم , لمبتين فلورسينت ب 265 جنيه و ضمان سنة من محل اسواق عبد العزيز فى مدينة نصر - ش الطاقة
محبتش اجيب الليدات علشان مش هعرف اغيرها بعكس اللمبات العادية
انا اشتريت كشاف امير 60 ليدات
بسعر 160 جنيه من ارض شريف اخر شارع عبدالعزيز
وطبعا ده سعر ممتاز
الكشاف زى الفل وممتاز ولا يعلى عليه
البطاريات من عندهم ممتازه وبتعيش ومش غاليه
اما تغيير الليدات عادى عندهم قالولى انها بتتغير عادى ورخيصه بس هى نادرا اما تتحرق لانهم بيستخدموا نوعيات جيده
خدمه العملاء والصيانه لشركة امير ممتازين ولو غيرت عندهم بطاريه بيديك عليها ضمان
انا كان عندى كشاف امير 2 لمبه فلورسنت 60 سم وكان بايظ وكنت هرميه وقولت اجرب الصيانه عندهم كشفولى على البورده لاقوها سليمه لكن عايز بطارية وغيروها ب 55 جنيه وشغال تمام
نصيحة امير ممتاز
طيب يا جماعه جزاكم الله خير ممكن حد يدلنى على مكان مضمون اجيب منه كشاف امير يكون فى طنطا؟؟
متابع