تقرير عن صيانة فلوينس 5000 فيس ليفت
اليوم كان ميعاد أول صيانة ليا مع عالم رينو فلوينس صيانة 5000 كم
http://imagizer.imageshack.us/v2/102...0/833/jwry.jpg
مع الأسف انا دي أول خبرة ليا مع صيانات توكيلات لأن كان عندي قبلها كيا سيفيا شاريها مستعملة عشان كده مش عندي ملكة المقارنة لأنها خبرة جديدة
اتصلت امبارح بالخط الساخن لتحديد موعد وكان اليوم الساعة 11 ونص صباحا وصلت قبل الموعد تقريبا بحوالي ربع ساعة
أدخلوا السيارة إلى مكان الصيانة وقام المهندس بملئ النموذج الخاص سألني إذا كان عندي حاجة محتاج أعملها غير الصيانة قلت له ان عندي مشكلة مع الكاسيت المفروض انه يتم عمل resetting ليه عشان لما أطفي المحرك التراك يبدأ من حيث انتهى وليس من البداية
انطباعي عن المكان
- مكان فخم يتناسب مع ملاك فلوينس
- به "كوستا كافيه" للي بيحبوا يضربوا كافيه لاتيه وأبل باي والجو ده
-اهتمام جيد بالنظافة
انطباعي عن العمالة
- مش فريندلي اوي والسؤال على اد الإجابة وحاسس ان الإدارة غير حازمة
- مش منصف اني اتكلم عن الكفاءة الفنية لأني لسه في الواقع ما جربتش حاجة يظهر فيها الكفاءة
- عملية الصيانة ليس بها أي نوع من تغيير الأجزاء أو السوائل وإنما هي مجرد check out فقط مع تربيط لبعض الأجزاء كمسامير إطارات السيارة
-تم استلام السيارة بعد غسلها من الداخل والخارج
عملية الصيانة أخدت حوالي أربع ساعات وربع لحد ما استلمت السيارة وكان المفروض انها تتم في خلال 3 ساعات فقط
للأسف أيضا مكانش فيه وقت اني أجرب الكاسيت نظرا لأني كنت راجع الفيوم ومستعجل وأصابني الملل وللأسف برضه اكتشفت انه زي ما هو مفيش جديد وده أثار استيائي مع اني سألت المهندس وانا خارج اذا كانت المشكلة اتعالجت وهو اكد لي ان "هما ظبطوه" وأنا كمهندس ميكانيكا أقدر أزعم ان المفروض أن المهندس يراجع شخصيا على شغل الفنيين
لكن بصراحة كإجمالي أنا ذكرت ملاحظات أكتر من التركيز على المميزات اللي برضه مازلت أزعم انها تلاشي تأثير العيوب من حيث التعامل مع جهة ملتزمة بتقديم مستوى معين ومضمون من الخدمة
أرجو أن التقرير مايكونش طويل ممل ولا قصير مخل
أشوفكم دايما على خير