موضوع جميل بجد تسلم ايدك ... مش عارف ازاى لسه فى عربيات زيرو و مبينزلش فيها امبوليزر
رقم العضوية : 149816
تاريخ التسجيل : 09Oct2013
المشاركات : 2,755
النوع : ذكر
الاقامة : مصر
السيارة: Cruze 11, Accent RB 12, Getz 08
السيارة[2]: Corolla 14, 11, Yaris HB 12
الحالة :
بسم الله الرحمن الرحيم
زملائي الاعزاء بالقسم, كثرت السرقات و كل واحد فينا خايف علي عربيته و دايما عاوزين نعرف ايه اللي بيميز عربية عن التانية من حيث الامان و مقاومتها للسرقة.
طبعا الايموبيليزر من الحاجات الاساسية دلوقتي في العربية , وده من العوامل اللي بتقلل السرقات و بتصعب المهمة علي الحرامي .
طب هل الايموبيليزر ده بيمنع السرقة نهائيا ؟ الاجابة اكيد لأ , و الحافظ هو الله , لأن بمنتهي البساطة الحرامي ممكن يسحب العربية علي ونش .
خلينا نجاوب علي شوية اسئلة و بعدين نرجع للنقطة المهمة اللي هي ازاي احمي عربيتي بقدر الامكان.
* ما هو الايموبيليزر ؟
هو نظام حماية الكتروني في السيارة يحميها من السرقة عن طريق انه بيستشعر كود معين من المفتاح الاصلي للسيارة و يقارنة بكود العربية عن طريق موجات راديو تسمي RFID او Radio Frequency IDentification زي بالضبط اللي موجود في المحلات للتنبيه ضد سرقة الملابس , ولو محصلش تطابق مع كود العربية بيبعت اشارة لوحدة ال ECU او كمبيوتر العربية بغلق وحدة الاشعال او الاحتراق و وحدة طلمبة البنزين فالعربية متدورش او تدور و تفصل فورا حسب تصميم الوحدة الكهربائية.
* طيب الايموبيليزر ده موجود في المفتاح الاصلي ولا في العربية ؟
هو وحدة الكترونية بتبقي موجودة في العربية و تحديدا في الدركسيون من تحت جنب مكان دخول المفتاح و هي اللي بتقرا كود المفتاح اللي بيدخل الكونتاكت.
* طيب لو الحرامي حاول يفك مفتاح الكونتاكت و يلمس الاسلاك ؟
العربية عمرها مهتدور معاه ابدا لو عمل ايه الا بالكوود الاصلي اللي في المفتاح.
* طيب ازاي اعرف عربيتي فيها ايموبيليزر ولا لأ؟
بسيطة جدا , رمزه عبارة عن عربية و جواها مفتاح بتنور اول لما بتحط مفتاح العربية و تدور الكونتاكت و في عربيات تانية زى كورولا قبل 2014 بيبقي لمبة حمرا جنب مفتاح التحكم في المرايات . وديه صورهم للتوضيح :
* طيب لو ضاع مني كل المفاتيح الاصلية بتاعة العربية اعمل ايه ؟
بكل بساطة , هتروح التوكيل و تقلهم علي كوود المفتاح عشان يطلعولك بادله !! طب اعرف الكود ده منين ؟
الكود ده بتستلمه مع مفاتيح العربية و هو عبارة عن قطعة معدنية محفور عليها رقم الكود. ولو ضاع منك ممكن برقم الشاسيه بس بيبقي اصعب.
* طيب هل الايموبيليزر ممكن يخترق ؟
بالفعل , حصلت بعض الاختراقات و لكنها قليلة جدا , و قدر بعض الاشخاص انهم يقلدو مفتاح مشفر لبعض الماركات المنتشرة و ذلك عن طريق رقم شاسيه العربية.
طيب الايموبيليزر و عرفناه, احمي عربيتي ازاي ؟
1. متركنش في مكان فاضي او مظلم.
2. خلي عربيتك قدر الامكان قريبة منك بحيث تقدر تطل عليها من حين الي اخر.
3. ركب جهاز انذار محترم.
4. ركب قفل للدركسيون , الحرامي لما بيشوفه بيفضل يسرق عربية تانية من غيره عشان اسرع.
5. متسيبش اي حاجة في العربية حتي لو كيس فاضي.
6. بعد متركن و تبطل العربية لف الدركسيون شوية لغاية ميعشق.
7. حاول تركب جهاز تتبع لو امكن .
8. اول متستلم العربية شيل من عليها اي ورقة ملزوقة تدي للحرامي اي معلومة زي رقم الشاسيه, و في عربيات رقم الشاسيه بيقي ظاهر من الزجاج الامامي حاول تخبيه بوضع كارت من جوة العربية.
9. اتاكد من قفل الزجاج جيدا و من قفل الابواب بصورة صحيحة .
10. وانت سايق متقفش لحد مهما كان السبب.
11. و انت سايق اقفل المسوجر و الزجاج .
12. لو حد خبطك لاقدر الله متنزلش الا للضرورة القصوى و قبليها بطل العربية و خد المفتاح فجيبك و موبايلك و اقفل العربية.
13. نفض لبتوع الكاوتش نايم ياكابتن , واركن بعديهم بمسافة كبيرة شويتين و انزل بص و المفتاح في جيبك برضو.
14. متسيبش مفتاح عربيتك لاي سايس ابدا مهما كنت مستعجل حتي لو هتركن اخر الدنيا.
15. لو بتشيل حاجات مهمة في شنطة عربيتك و محتاجها طلعها قبل متروح المشوار بتاعك و تجنب فتحها في المكان اللي هتركن فيه فتلفت انتباه حرامي او واحد شاف اي حاجة في الشنطة.
و الحافظ هو الله .
psycholain سابقا
رقم العضوية : 43763
تاريخ التسجيل : 21Jul2009
المشاركات : 417
النوع : ذكر
الاقامة : cairo
السيارة: CIVIC VTI 2009
السيارة[2]: COROLLA 2001/2013
الحالة :
موضوع جميل بجد تسلم ايدك ... مش عارف ازاى لسه فى عربيات زيرو و مبينزلش فيها امبوليزر
رقم العضوية : 149816
تاريخ التسجيل : 09Oct2013
المشاركات : 2,755
النوع : ذكر
الاقامة : مصر
السيارة: Cruze 11, Accent RB 12, Getz 08
السيارة[2]: Corolla 14, 11, Yaris HB 12
الحالة :
للاسف فعلا ، بس اعتقد التوكيلات بتاعتهم بدأت تراجع نفسها و تنزل في الموديلات الجديدة ايموبيليزر زي الكيا و الهيونداي .
انا مش عارف هل لما تنزل بدونهم كدة بيقلل في سعر العربية و يبقي المكسب اعلي ! طب استفاد ايه بعد مطلعت سمعة علي عربية مثلا زي الالنترا انها بتتسرق ؟ و هل الايموبيليزر اوبشن و لا المفروض تبقي حاجة استاندرد ؟
psycholain سابقا
رقم العضوية : 119967
تاريخ التسجيل : 03Feb2012
المشاركات : 219
النوع : ذكر
الاقامة : القاهرة
السيارة: رينو فلوانس 2013
السيارة[2]: رينو فلوانس 2013
دراجة بخارية: no
الحالة :
رقم العضوية : 131111
تاريخ التسجيل : 09Nov2012
المشاركات : 5,961
النوع : ذكر
الاقامة : طنطا
السيارة: Fiat 132
السيارة[2]: Geely Emgrand EC 7
دراجة بخارية: I.S.A BMW.s.1000.rr
الحالة :
موضوع ممتاز يا ريس تسلم علية
. . . . . . . . . . . . . . . . . . . . . . . .
. . . . . . . أة يــا تــيــشــيــرت الـــعـــمـــر يـــا أبــيـــض ... انـــا الـــزمـــالـــك انـــتـــو مـــيـــن ؟؟ . . . . . . .
و ارجــع روحــك عــالــيــة لـلـجـمـاهـيـر الـغـالـيـة و انـسـى كــل مــا فــاتــك و قــدم كــورة تـانـيـة ♥♥ ZAMALEK ♥♥
رقم العضوية : 145421
تاريخ التسجيل : 18Jun2013
المشاركات : 2,007
النوع : ذكر
الاقامة : Egypt
السيارة: ..........
السيارة[2]: ............
دراجة بخارية: .......
الحالة :
مجهود رائع جدا و معلومات قيمه و مهمه لابعد الحدود للحد من السرقات تسلم ايدك الى بجد بستغرب ليه هو ان لسه فيه عربيات ال immobolizer مش موجود اساسا او مش standard فى كل الفئات و مش موجود غير فى الفئات العاليه الى هما اصلا حوالى 20 فئه ههههههههه
رقم العضوية : 149816
تاريخ التسجيل : 09Oct2013
المشاركات : 2,755
النوع : ذكر
الاقامة : مصر
السيارة: Cruze 11, Accent RB 12, Getz 08
السيارة[2]: Corolla 14, 11, Yaris HB 12
الحالة :
الفلواتس فيها ايموبيليزر، و لمبته بتختلف من شركة الي اخري فممكن ميظهرش عندك بنفس الشكل ممكن يكون شكل تاني. و ياريت حد من رجالة الفلوانس يصورلنا شكل لمبة تنبيه الايموبيليزر عاملة ازاي فيها
اشكرك.
فعلا المفروض ده مش اوبشن ده وسيلة امان للعربية اساسية
psycholain سابقا
رقم العضوية : 149487
تاريخ التسجيل : 02Oct2013
المشاركات : 10,977
النوع : ذكر
الاقامة : DAMANHOUR , ALEX
السيارة: ♥-♥-♥-♥-♥-♥-♥-♥
السيارة[2]: O---P---T---R---A
دراجة بخارية: ♥♥♥-._.-♥♥♥
الحالة :
تسلم ايدك على النصائح المفيده والجميله دى
رقم العضوية : 149997
تاريخ التسجيل : 13Oct2013
المشاركات : 1,235
النوع : ذكر
الاقامة : الهرم
السيارة: Toyota corolla 2013 A/T
السيارة[2]: Nissan sunny 2003 A/T
الحالة :
م / محمد كل يوم بتبهرنا بموضوع شيق يمس تفكير كل منا هذه اﻻيام شكرا
george yousef سابقا
رقم العضوية : 146992
تاريخ التسجيل : 06Aug2013
المشاركات : 61
النوع : ذكر
الاقامة : caiiro
السيارة: -
السيارة[2]: toyota corolla 2009
الحالة :
تسلم على الموضوع الحيوى ده
المفضلات