ألف شكر يا باشا
طيب ده فى حالة لو لسه في تسريب ..
لو مفيش بقى أعمل ايه ؟
معلش تعبتك معايا
عرض للطباعة
مفيش تعب ولا حاجة كلنا بنساعد بعض... لو مفيش تسريب ومتأكد من كدا، يبقى المياه العادية دى تنزل والدورة تتغسل تمام وتحط بعد كدا مياه خضراء محترمة... بس كدا.
انما مياه حنفيه دى غلط جداً وهتملى الدورة كلها صداء... وبرضوا لو مش مقتنع بكلامى استنى رأى زملائنا وخبرائنا اللى معانا فى المنتدى هيفيدوك اكتر واكتر...
اول حاجة لازم تعملها انك تروح لواحد بيفهم لان الراجل دة كفتجى...
لا المية الخضراء بتاكل مواسير ولا السيليكون علاج للرادياتير... بالتالى اى حاجة الراجل دة قالها مش مضمونة على الاطلاق
ممكن يبقى الرادياتير سليم و الشرخ فى الفبرة فقط.. ممكن يبقى الرادياتير اصلى و هو عايزك تغيرة عشان ياخدة هو... و اللى ينصح واحد يحط مية حنفية فى عربيتة يبقى عايز يلبسة فى الحيط
MMamdouh
متشكر جدا يا باشمهندس
وأنا طبعا مش هروح للراجل ده تانى أنا إن شاء لله هنزل المياه العادية بكرة وأحط مياه خضراء
ولو حصل حاجة تانى - لا قدر الله - أشوف بقى حد كويس
بس سؤال معلش : المياه الخضراء بتاعت موبيل دي كويسة ولا ايه النظام ؟
اللى هى Ready mixed الجركن الأبيض الـ 4 لتر ؟؟
بص يا سيدي
انا ماعرفش ايه نوع الميه المناسبة لكن دي سهل تلاقيها في مانيوال الاستخدام بتاع العربية ( نزله من على النت) و اعرف نوعية الخليط المناسب للعربية لان ده مش بياثر على الريداتير وبس و انما على باقي دورة التبريد خصوصا الخراطيم و سربنتينة السخن
ميه الحنفية ما تنفعش علشان كمية الشوائب اللي موجودة فيها و اللي ممكن تسد الريداتير الميه المقطرة احسن منها كتير
في معلومة جايز حضرتك تستغربلها و هي ان اداء المية المقطرة في الاجواء الحارة زي مصر اكثر كفاءة في التبريد عن الميه الخضراء و لذلك المخلوط في المناطق الحارة نسبة الميه الخضراء فيه اللي الميه المقطرة اقل من نسبة المخلوط في المناطق البارده وظيفة الميه الخضراء تكمن في
١ اللون و ده مهم علشان تعرف في تسريب و لا لاء و مكانه فين
٢ منع تجمد مياه التبريد في المناطق شديدة البرودة
٣ يضاف اليه احيانا مواد مانعة للصدأ و دي مشكلتها ان لو تركيز الميه الخضراء اعلى من الازم ممكن تؤثر على مكونات دورة التبريد و تؤدي الى مشاكل
على العموم مفروض ان في الاجواء الحارة زي مصر نسبة الخلط تبقى بين ٤٠- ٥٠٪ مية خضراء مركزة و الباقي مية مقطرة ( يفضل الخلط ب٤٠٪)
اخر حاجة الصح انك تغير الريداتير بواحد اصلي علشان كفاءة التبريد ( و ده بياثر بعد كده في كفاءة و طول عمر الماتور) و علشان تريح دماغك من المشاكل
السؤال ال محتاج اجابه هل مياه موبيل كويسه ولا وحشه لان السمعه ال وخداها انها بتاكل فى المواسير هل الكلام دا صح ولا غلط
اللى اعرفة واللى حصل معايا بعد ما غيرت ميةالحنفية بمية خضراء (سعودى) معفنه طبعا من ساعتها وانا بلف مرة طرمبة مية مرة طبب موتور مرة خرطوم مرة ماسورة.
خلاصه القول مية الحنفية بتعمل صدا ولما تحط ميةخضرا الصدا دة بينزل وبالتالى بتبان الشقوق اللى كانت الصدا مغطيها فانا شايف انسب حل مية مقطرة
ولو على المية ممكن ايديا اسبانى تركيزها قليل ومش وحشة انما موبيل تركيزها جامد على مواسير اصلا متأكلة