النترا or ماتريكس

**esam_refaat** · 04-03-2014 09:47 PM

الافاضل المحترمين بقسم الهيونداى
وخاصة أ/ حسام
اطلعت على بعض موضوعاتكم القيمة جدا جدا وانا على وشك شراء اما النترا 2005 او ماتريكس لافيتا نفس الموديل تقريبا من بورسعيد
ياريت تساعدونى فى الاختيار
و خالص شكرى مقدما

انا حاليا معايا لانوس يعنى انا جاسوس من قسم الدايو!!!

**mummy_47** · 04-03-2014 10:17 PM

المشاركة الأصلية كتبت بواسطة esam_refaat

الافاضل المحترمين بقسم الهيونداى
وخاصة أ/ حسام
اطلعت على بعض موضوعاتكم القيمة جدا جدا وانا على وشك شراء اما النترا 2005 او ماتريكس لافيتا نفس الموديل تقريبا من بورسعيد
ياريت تساعدونى فى الاختيار
و خالص شكرى مقدما

انا حاليا معايا لانوس يعنى انا جاسوس من قسم الدايو!!!

مفيش النترا في بورسعيد هي اسمها افانتي في كوريا وماليزيا والاردن1500 سي سي ...الافيتا هي هي الماتريكس لكن 1500 سي سي والماتريكس 1600 انا كنت في نفس حيرتك.....لان الاثنين بنفس السعر تقريبا في بورسعيد ..الماتريكس زي الرز هناك والالنترا او الافانتي قليلة... ..الماتريكس قعدتها مريحة واوسع وشنطتها واسعة والكراسي فولدنج..لكن انا معجبنيش شكلها بحس انها حريمي وخفيفة شوية(راي شخصي)..ولو عايزذتعمل الصح لو معاك فلوس هات اوكتافيا افضل من الاثنين ولو مش معاك فلوس استلف وهاتها عشان متندمش ...وابقى بص كويس على البارومة ...وربنا يوفقك ان شاء الله

**Samir Elshahawy** · 04-03-2014 11:29 PM

حسب أحتياجاتك و متطلباتك

- الماتريكس : عربية واسعة و عائلية و تنفع لو بتسافر كتير و معاك شنط
- الالنترا : برضه عائلية و لكنها أقل في الوسع من الماتريكس و لكنها مريحة أكثر في السفر و القيادة لمسافات طويلة و تتميز بالثبات عن الماتريكس في السرعات العالية

**تامر راغب** · 05-03-2014 11:36 PM

كود:

  الماتريكس : عربية واسعة و عائلية و تنفع لو بتسافر كتير و معاك شنط 
- الالنترا : برضه عائلية و لكنها أقل في الوسع من الماتريكس و لكنها مريحة أكثر في السفر و القيادة لمسافات طويلة و تتميز بالثبات عن الماتريكس في السرعات العالية

صح ياباشمهندس كلامك

أنا بتخنق من عدم ثبات الماتريكس اللى معايا مع انها مريحانى قوى فى القاعدة والكراسى والوسع بتاعها ومناطق التخزين الكتيرة والجميلة
بس فعلا هى مشكلة عدم الثبات وانها واطية شوية حاجة تضايق

**J A G U A R** · 06-03-2014 02:45 AM

لو انا اللى بختار هايبقى النترا

**mummy_47** · 06-03-2014 09:41 PM

المشاركة الأصلية كتبت بواسطة esam_refaat

اولا اشكرك واشكر الجميع :b4_007::b4_007:
فعلا البارومة فى الكورى هناك كتيرة وتتعب عشان تلاقى عربية حالتها نظيفة
ولو عندك فكرة عن اسعار اوكتافيا هناك قولى ولو ليك تجربة كاملة فى الشراء اسمحلى اتواصل معاك

جزى الله الجميع خير الجزاء

انا تحت امرك..انا لسيه شاري من واحدة افانتي مو 2003 اللي هي النترا في مصر مو 2005-2006 العربية نظيفة جدا والصالون كانة متلمسش وحالة الماتور كويسة جدا ولما رحت عملت الصيانة عند مركز م.هاني اكدلي ان العربية نظيفة لكن متغيرش فيها حاجة من ساعة ما اتصنعت وعشان كده انا كنت بغير عفشة كاملة وطبعا سيرفيس كامل -وطبعا فيها اختلافات عن المصري مثل (مرايات ضم- توصيل تليفون -وسادة للسائق-تيل خلفي ديسكات مثل الامامي-حواجز شمس ومطر بتاعة الفابريكة-سبوت لايت خلفي- تحكم في اضائة التابلوه-abs ) اعتقد الباقي مثل المصري ....لكن اللي اكتشفته بعدها انه يوجد بعض بقع الصدا الخفيف جدا لم تصل لدرجة البارومة في الشنطة من كثرة الركنة والتخزين لكن القوايم-فرش الشنطة -الشاسية- الكراسي تحس انها لسيه خارجة من المعرض.. كله تمام والحالة العامة تمام. ...اسعارها في بورسعيد من 45 الى 67 من مو 2001 حتى 2006 ....طبعا قطع غيارها ارخص بمراحل من الاوكتافيا....اسعار الاوكتافيا من 57 حتى 120 الف من مو 98 الموتور الصغير حتى a5 ستبترونيك كنت هاموت عليها ...
ارجو اني اكون افدتك