-
انتوا كده قلقتوني خالص
الوقتي انا حاجز ال301 للمدام ...وكل ما ادخل الاقي موضوع عن حادثه بال 301 ....ايه الموضوع ؟؟!! هو العربيه محسوده ولا ايه يعني اجيب الاليزيه ولا اعمل ايه ...ممكن تركزوا شويه في السواقه يارجاله ..خدوا بالكوا من نفسكوا و من العربيه ...عايز يعدي يوم واحد من غير موضوع عن حوادث ال 301 ...ارجوكم
-
للأسف دي حقيقة مش للبيجو لوحدها دا نتيجه الدخلاء على السواقه واللي واخدنها عافيه. مرة واحد كان معترض اني واقفه في الإشارة بالرغم من عدم وجود ضابط او عسكري مرور و كان عايز يعدي فضل يخبط في العربيه علشان يزقني قدام و هو يعدي و العربيه كانت لسه جديدة. يعني بجاحه بجاحه
-
كل العربيات كدا بس انت بقيت تسمع عن حوادث كتييير و دا دليل على الانتشار بتاع العربية مش اكتر و مش عيب فيها مثلا
-
العربيه مش محسوده ولا حاجه هيا نصيبها كده انها بتتخبط ومش هيا لوحدها انا مخبوط امبارح واول امبارح .. المشكله من الاخر فى البهايم بتوع الميكروباص ويا سلام بقا لو تكاتك والله العظيم يكرهو الواحد فى نفسه حاجه اعوذ بالله .
-
سيبها على الله و كل شىء مقدر لا بيجو و لا غيرها الموضوع ببساطة ان فى نفسيات وحشة كتير و شعب غير مثقف و زى ما بيقولوا الكحكه فى ايد اليتيم عجبة و ما حدش بيسال نفسه الراجل اللى راكب عربيىة ده مستلف اد ايه او مديون بكام. الحمد لله على كل حال.
شغل الرقية الشرعية و توكل على الله و اعرف ان كل شىء مكتوب و مقدر و دايما قول الحمد لله و زى ما ربنا بيعطى بياخد. توكل على الله و خلى النية صادقة لله انها فى الخير و للخير و انشاء الله ربنا يباركلك فيها.
-
وضيف عليهم سواقين الموتوسيكلات الصيني .. ربنا يرحمنا
-
كلنا يعلم أن القيادة الآمنة تعتمد على عذة عوامل
1- قائد المركبة.
2- حالة المركبة.
3- حالة الطريق.
4- إدارة الطريق (المنوطة به شرطة المرور).
5- سلوك قائدى المركبات الأخرى.
6- سلوك المشاة (هل يتم العبور من الأماكن المخصصة لهم أم من أى مكان فى الطريق).
المركبة هنا هى مصطلح فى (نظم النقل) يقصد بها: سيارة ملاكى أو سيارة نقل ، أو حافلة ، أو وسيلة أخرى تستخدم لنقل الأفراد أو البضائع وتعمل من خلال احتراق الوقود)
أى قصور فى إحدى الأمور السابقة يؤدى إلى تصادم على الأقل أو حادثة جسيمة (لا قدَر الله)
إذن (حالة السيارة) ليست السبب الرئيسى فى التصادم، فهى تمثل نسبة أقل من 17% من حوادث السيارات و (حالة السيارة) لاتبلغ هذه النسبة إلا إذا كانت قليلة الكفاءة ولا تتوفر فيها شروط الأمن والمتانة.
حفظنا الله وإياكم من كل سوء
مع الشكر
-
خليها علي الله وماتحطش في بالك السواقه في بلدنا للأسف بالدراع الواحد لو مشي مركز في السواقه و وصل بالسلامه تلاقي العربيه تتخبط وهي راكنه!!!
كله مقدر ومكتوب وحبة حقد علي كمية جهل بعيد عنك وعنا
-
محسودة ايه بس يا باشا ,, دى 301 مش rcz
يعنى احنا بنتكلم عن عربية من ارخص عربيات بيجو
و طبعا دا مايقللش من العربية لكن الافضل ان كل حاجة تاخد وضعها المناسب
المهم السؤال اللى بيطرح نفسه خصوصا للجماعة اللى عملوا بيها حوادث
هل العربية متوفر ليها قطع غيار استهلاكية و معمرة و انصاص بره التوكيل ؟
-
اعتقد العربية مفيهاش حاجة
Content Relevant URLs by
vBSEO 3.6.0 PL2