عرض للطباعة
انا لسه مشترى دايو لانوس 2003 والمهم الانذار بتاعها ضعيف جدا لدرجة انك ممكن تفتح الشنطة ومبيعملش اى صوت ومش عارف اعليه ازاى وبعدين الشكل بتاع التابلوه فى حتة منه كده متاشرة عايز اغيرها وعايز اظبط العربية كده ويريت كلوه ينصحنى اظبطها ب والاسعار وياريت الصور وموضوع الانذار ده ملقتلوش اى علبة تحت اعليه منه او اوطيه فا انا عايز اتصرف ضرورى
ياجدعان حد يرد انا عايز احل المشكلة ديه باسرع وقت
بص يا باشا انا هاقولك حل بس لازم كهربائى اولا ممكن تجرب سرينة مستعملة من عند اى كهربائى و تشوف الصوت هيعلى و لا لا و لو ما عليش خليه يبص على الوصلات.
للاسف مش بفهم الا فى لانوس 2004 ربنا معاك
ياباشا غير الانزار كلو مش هيكلفك 150 جنيه
وعايز تظبط عربيتك انا في رأيي لو لسه شاريها وعايز تصرف روح اطمن علي الشكمان بتاع العربيه من الاول للاخر
تاني حاجه روح لميكانيكي ينضفلك الحساسات ويغيرلك كرسي الفتيس وخد بالك من الموضوع ده ويربطلك علي العفش
انت كده تمام وبعدها روح اغسل الريداتير وكل الكلام ده مش هيكلفك 200 جنيه وتخلي العربيه لوووووووووووز
بعد كده ركب معطر وعيش حياتك
انما موضوع الطابلوه ده صور صوره وانا اؤلك يا مان
اه نسيت اؤلك زيت الفتيس غيره
بص يا باشا هتلاقى عند الدوسات بتاعه الفرامل والدبرياج تحت حاجه كده عباره عن علبه فى حجم علبه الكبريت لونها اسود وفيها لمبه حمرا وفيها بكره صغيره وهتلاقى علامتين علامه السالب وعلامه الموجب لفها على الاخر ناحيه الموجب ده السنسور بتاع الجهاز وهتلاقى اللى قبلك كان مخفضه للسالب علشان الازعاج جرب كده وقولنا عملت ايه