مكنسه ب 17 الف جنيه ده العرض الى جالى

شركه كلمتنى اسمه Filter Queen وقالتلى يافندم احنا وكلاء لجهاز مكنسه ومجفف للفرش واستخراج حشره الفراش وووووو ممكن حد يعمل ديمو لحضرتك فى البيت يفرجك فقط على المنتج
قولتلها اوك مفيش مشكله

جالى شاب ابن ناس اوى محترم وشيك ومعاه مكنسه وفضل يجرب فيها ساعه على السجاد والسرير ووو

وفى الاخر بكام ياعم المكنسه ديه كانت الصدمه الكبرى 17450 جنيه مصرى

انا قولت سمعت غلط بعديها بقوله بكام ؟ قالى نفس الرقم الى ذكرته فوق لا وكمان فى قسط بنفس المبلغ بدون فوائد


حد عدى عليه الموضوع ده قبل كده ؟ وايه رايكم فى سعر المكنسه ؟



بالمناسبه على كلامه المكنسه امريكى وبتيجى من امريكا وده الموقع الرسمى بتاعها بره


FilterQueen Indoor Air Quality System - Majestic, Defender

أيوه عدو عليه لكن مش فاكر نوعها و كانت أمريكي بردو لكن قالي 3000 دولار مع امكانية التقسيط.

لا حبيبي عادي مش تقلق
انا قريبتي كانت جايبه مكنسه من الامارات
بحوالي 10الاف درهم

يانهاار ابيض ؟؟!!!!!
انا لما بشوف المكنسة الباناسونيك الى ب1700 بس بقول دى غالية جدا
واضح انى لسة نايم فى ايام الجاهلية بقى

هات سبع حبات كل الالوان

انا جايب مكنسه دايو من سبينيس مول العرب فى عرض عيد الام اللى فات ب 350 و بتقول بابا و ماما

الواحد كل ما سجادة تحتاج غسيل يرميها ويجيب غيرها اوفر

اقتباس:

---

المشاركة الأصلية كتبت بواسطة نور القمر

الواحد كل ما سجادة تحتاج غسيل يرميها ويجيب غيرها اوفر

---

ان كيدهن عظيم هههههههههه:grin21::grin21:

ليييييييه بتكنس لوحدها

اقتباس:

---

المشاركة الأصلية كتبت بواسطة hossam_elwani

ليييييييه بتكنس لوحدها

---

ده فعلا

والمشكله انها بتطلع كميه تراب مخيفه.

يعني لو انت مثلا لسه شافط سجاده بالمكنسه العاديه بتاعتنا

وجيت وراها علي طول بالمكنسه الأعجوبة ديه

حتزهل من كميه الاتربه اللي مطلعاها

اقتباس:

---

المشاركة الأصلية كتبت بواسطة abou-yahia

ده فعلا

والمشكله انها بتطلع كميه تراب مخيفه.

يعني لو انت مثلا لسه شافط سجاده بالمكنسه العاديه بتاعتنا

وجيت وراها علي طول بالمكنسه الأعجوبة ديه

حتزهل من كميه الاتربه اللي مطلعاها

---

بيسموها مكنسه برميل الموتور بيبقى فى راس المكنسه مباشراً؟؟

هو طبعا شرح اكتر من استخدام للمكنسه فوق 15 وظيفه بصراحه وجرب اغلبهم وفعاله جدا وبتطلع حشره الفراش من السراير وبتعمل اعصار هواء داخل السجاجيد وبتطلع تراب رهيب من كل حته وفعلا مكنسه جامده جدا وخاماتها قويه جدا


لكن انا سبت كل ده وسالته سوال غريب

قولتله انت ازاى شغال فى شركه وبتسوق لمنتج بالسعر ده فى مجتمعنا ده ؟ لانى كنت هتجنن ازاى ينزل منتج واسمه مكنسه ب 17 الف جنيه ده يشترى عربيه بالرقم ده

اقتباس:

---

المشاركة الأصلية كتبت بواسطة Secret-Man

هو طبعا شرح اكتر من استخدام للمكنسه فوق 15 وظيفه بصراحه وجرب اغلبهم وفعاله جدا وبتطلع حشره الفراش من السراير وبتعمل اعصار هواء داخل السجاجيد وبتطلع تراب رهيب من كل حته وفعلا مكنسه جامده جدا وخاماتها قويه جدا


لكن انا سبت كل ده وسالته سوال غريب

قولتله انت ازاى شغال فى شركه وبتسوق لمنتج بالسعر ده فى مجتمعنا ده ؟ لانى كنت هتجنن ازاى ينزل منتج واسمه مكنسه ب 17 الف جنيه ده يشترى عربيه بالرقم ده

---

والرد كان ايه؟؟

ومالها حشرة الفراش علشان اروح اجيبلها مكنسة ب 17000 جنيه ده الواحد يروح يجيبلها اكل ويرميهولها على السرير ارخص .

اقتباس:

---

المشاركة الأصلية كتبت بواسطة hossam_elwani

والرد كان ايه؟؟

---

للاسف هرب من السوال وانا فهمت انه مش عايز يحرج نفسه

ومالهم اهالينا زمان لما كانوا بيحطو الفرش في البلكونة في الشمس ده افضل حاجة لمواجهة حشرة الفراش وغيرها... والسجاد يبقى يروح المغسلة

هي ممكن تكون مكنسه جباره و امكانياتها عاليه و تستاهل الرقم ده

لكن طبعا اسلوب التسويق بالمنظر ده غلط جدا , ماينفعش يعدي على بيوت و يعرض عليهم مكنسه ب 17 الف

دي عايزه فنادق كبيره و منتجعات و كلام من ده , او يخاطب فئة معينه اللي ممكن تدفع المبلغ ده في مكنسه يعني اسلوب التسويق غلط

حشرة الفراش أمرها سهل : طلع الفرش فى الشمس مرة فى الأسبوع و غسيل السجاد أنا جايب المكنة البيزل الأمريكى بحوالى 2500 جنية و بتغسل السجاد آخر حلاوة كل شهرين تلاتة لإن محدش بيغسل سجاد كل يوم أو كل أسبوع حتى . يتفضل التنظيف مكنسة سامسونج 1600 وات بتعمل أحلى شغل

اكيد باور وتكييف و4 زجاج كهرباء :)

بس فعلا اكيد مكنسه جباره على المواصفات دى

ليه هي بي ام

المشكلة في الجمارك وانخفاض قيمة الجنية وفي شركات زيها كتير في مصر...الحاجة غالية عن الطبيعي لكن فعلا تستاهل زي شركة Zepter بتبيع حلل واداوت مطبخ يكفي ان تعرف ان الحلة الاساسية في طقم الحلل حاليا ب4500 ج بس بحث صغير عالنت تعرف ليه الحاجة ديه علي الاقل مش نصب وتستاهل اما عن السعر دي مسألة نسبية من شخص لشخص لكن الطبيعي لمصر اكيد مش ده الطبيعي لاغلب الناس

اقتباس:

---

المشاركة الأصلية كتبت بواسطة windofchange

المشكلة في الجمارك وانخفاض قيمة الجنية وفي شركات زيها كتير في مصر...الحاجة غالية عن الطبيعي لكن فعلا تستاهل زي شركة zepter بتبيع حلل واداوت مطبخ يكفي ان تعرف ان الحلة الاساسية في طقم الحلل حاليا ب4500 ج بس بحث صغير عالنت تعرف ليه الحاجة ديه علي الاقل مش نصب وتستاهل اما عن السعر دي مسألة نسبية من شخص لشخص لكن الطبيعي لمصر اكيد مش ده الطبيعي لاغلب الناس

---

أختى جابت حلة من zepter وبعد شهرين قشرت وباظت وراحت ترجعهالهم

اشتغالة يا باشا......جم للحاج وبالعافية على ما مشيتهم