فيدونى يا جماعة حراااام انا قربت ابيع عربيتى الاوبترا بسبب الزفت البنزين

**الملك النعمان** · 05-03-2014 02:27 PM

يا جماعة لو سمحتو فيدونى علشان انا قربت اتخنق مع انها عربية جميلة اوى اوى اوى اوى وحمالة أسية بمعنى الكلمة ولكن بتحرق معايا بنزين بطريقة رهيبة واحيانا تمشى معايا 180 كيلو بـــ 11 لتر بس واحيانا تزيد اوى ده بالنسبة للسفر على الطرق السريعة اما بفا جوة البلد حريييييييقة فى البنزين المهم كنت فى القاهرة من كام يوم لانى انا من المنيا فا كنت على الاوتوستراد فا لقيت توكيل هناك فا ركنت ودخلت لقيت واحد اسمه المهندس وجيه المهم حكيتله الحكاية فا قالى موديل ايه قولتله 2007 اوتوماتيك قالى طيب فيه اى لمبة غريبة منورة عندك فى التابلوه
قولتله اه لمبة التشيك ( الاعطال ) قاله ااااااااااااه طيب ماهو لازم نكشف عليها على الكمبيوتر ونشوف
فا قولتله انا كشفت برا وطلع حساس شكمان قالى طيب ماهو فعلا حساس الشكمان لازم يرمى بنزين زيادة عن الطبيعى فا انا مش عارف اركب الحساس ده ايه علشان فيه ناس بتقولى ركبه جديد والكهربائى بتاعى قالى لا ابعد عن الجديد وهاته استيراد احسن
ده رقم واحد

رقم اتنين بقا
ان فيه كمان حد قالى غير الرشاشات فى التوكيل والعربية هتلاقى استهلاكها رجع زي الزيرو
فا انا محتاااااار مش عارف اعمل ايه والمشكلة انى مش عاوز افرط فيها علشان عربية جميلة اووى بمعنى الكلمة ولكن الموضوع بتاع النزين ده انا ممكن ابيعها بسببه فا انا اعمل ايه

**أسامه طياره** · 05-03-2014 02:34 PM

ابتدي بالمشكله ياريس وغير حساس الشكمان ولما لمبة التشيك عندك تطفي ابقى شوف البنزين بيعمل معاك ايه

**mr_green** · 05-03-2014 02:35 PM

بتعمل كام كيلو فى الصفيحة جوة البلد ؟
هل المعدل إختلف عنما كانت جديدة معاك ؟

**amr011111** · 05-03-2014 02:37 PM

للتر بيعمل كام كيلو جوه البلد

**abou-yahia** · 05-03-2014 02:45 PM

بقه العربيه تعمل 180 كيلو في الصفيحه وزعلان

يا راجل حرام عليك

طيب ومعدل الاستهلاك كام جوه البلد

عموما

غير الحساس ما دام مدي قرايه غلط

والاصلي الجديد في الحاجات ديه ارخص من اي حاجه

ونوع البنزين اللي بتستخدمه ايه