لانسر طبعا توكل على الله ... بيجو تفتقر للاعتمادية وماتنفعش في مصر
لانسر طبعا توكل على الله ... بيجو تفتقر للاعتمادية وماتنفعش في مصر
ما تتقارنش مع الشارك ليس لعيب فيها انما لأنها فئة اقل وتنافس نظيراتها من الريو والأكسنت آر-بي وهكذا... اما الشارك المعروف انها نفس فئة الكورولا والمازدا3 والسيفيك وغيرهم... ولو دخلت اي موقع اجنبي متخصص وبحثت عن الشارك هتلاقيهم حاطين السيفيك والمازدا3 والكورولا والفوكاس كأقرب حاجة في الفئة السعرية، مين فيهم افضل من التانية بقى مش مهم لأنهم في رينج واحد...
نصحتك تاخد البيجو في حالة لو مفيش امكانية للتقسيط او الانتظار للدخول في فئة اعلى في الشارك... وده السبب الوحيد انك تسيب الشارك وتتجه للـ301...
وبعدين لو الشارك مكنتش بتنزل بفئة فاضية (يعني اقل فئة بـ155 مثلا) كان مستحيل هتدخل في مقارنة زي دي... وده معناه انها عربية افضل كأساسيات من الـ301 لولا ان الفئة الأولى منها متنفضة من الاوبشنز بحيث بقت تتقارن بيها عادي... فلو الأوبشنز مهمة يبقى بيجو، مش مهمة قوي يبقى الشارك طبيعي افضل!!
نزلت اتفرجت على البيجو 301 بصراحه تحفه واﻻوبشن هايل طبعا كنت راكب فيرنا على فكرة فلا وجه للمقارنه وانشاء الله انزل بكرة اتفرج على الشارك برضه طبعا انا عارف شكلها من بره بس مشوفتهاش من جوه قبل كده سؤال بقى واستحملونى شويه هو حجز الشارك برضه 3 شهور زى البيجو وﻻ اقل
ماهو نفس الكلام اللى انا قلته خليك فى الشارك الفئه التانيه ب 145000 ولو مش معاك استنى شويه وهات الفئه التانيه عشان الواحد مش هيجيب عربيه كل يوم
الله يبارك فيك.....كلك ذوق
إن شاء الله ربنا يرزقك الأنسب لك
و فكر كويس عشان العربية مش موبايل
لو زهقت منه هتغيره
أركب الأتنين في المعارض و لو أتيح لك أنك تجربهم مع اي زميل او صديق جربهم
بس لازم تكون مقتنع من الول إن مفيش عربية ملهاش عيوب
عشان لما تلاقي عيب متزعلش و متتافلش من العربية
كل العربيات فيها عيوب...بس الأفضل إنك تكون عارفه قبل متشتري و يكون مياثرش بشكل كبير على إستخدامك اليومي
لو بتاع سفر و بتحب الجري...يبقى موتور العربية مناسب لكده
لو جوه البلد و بتسوق فالزحمة كتير..يبقى عربية أوتو و تكييفها كويس
لو على طول العائلة معاك فالعربية...يبقى صالون واسع
لو شيلك كتير...يبقى شنطة كبيرة و إرتفاع مناسب عشان متاخدش المطبات
و هكذا
و عقبال منباركلك قريب إن شاء الله