قبل الصيف - مولد كهرباء منزلى

**mr_hide** · 07-03-2014 10:45 PM

المشاركة الأصلية كتبت بواسطة sword00

عندك المولد الصينى ال 5 كيلو وهوه فى الحقيقه 2.3 كيلوا ده عامل 1500 مع اختلاق المخلات والاماكن يعنى يزيد 100 يقل 100 من مكان لمكان وفى منه مارش ب 1900 جنبه
فى بقى مكن الدويتس اللى بيتركب عليه دينمو وبيشتغل بيكون افضل كثير من الصينى اعطال قليله جدا واستهلاك الجاز فى المعقول جدااااااا نصف تكلفه المكته الصينى فى البنزين ودى سعرها ممكن يوصل ل 3500 او 4000 هجيب لك السعر يالظبط وارد عليك
فى بقى مشكله تانيه خالص هيا هل هنلاقى بنزين وجاز نشغل بيه المكن ده فى الصيف فهيبقى الحل فى الطاقه الشمسيه وتوربينات الرياح لو انت بره المديته
السنه اللى فاتت كانت تكلفه لوح طاقه شمسى 150 وات 2000 جنيه وده ممكن نشعل منه الاضاءه وتستغنى عن الدنيا كلها
لو تعرف حد عنده توربينات رياح يا ريت تقولى عليه هههههه

طيب بالنسبة للطاقة الشمسية تكلفتها ايه ؟

اعتقد هيا احسن من المولدات و وجع القلب بتاع البنزين و السولار

**abokoko** · 07-03-2014 11:22 PM

المشاركة الأصلية كتبت بواسطة sword00

عندك المولد الصينى ال 5 كيلو وهوه فى الحقيقه 2.3 كيلوا ده عامل 1500 مع اختلاق المخلات والاماكن يعنى يزيد 100 يقل 100 من مكان لمكان وفى منه مارش ب 1900 جنبه
فى بقى مكن الدويتس اللى بيتركب عليه دينمو وبيشتغل بيكون افضل كثير من الصينى اعطال قليله جدا واستهلاك الجاز فى المعقول جدااااااا نصف تكلفه المكته الصينى فى البنزين ودى سعرها ممكن يوصل ل 3500 او 4000 هجيب لك السعر يالظبط وارد عليك
فى بقى مشكله تانيه خالص هيا هل هنلاقى بنزين وجاز نشغل بيه المكن ده فى الصيف فهيبقى الحل فى الطاقه الشمسيه وتوربينات الرياح لو انت بره المديته
السنه اللى فاتت كانت تكلفه لوح طاقه شمسى 150 وات 2000 جنيه وده ممكن نشعل منه الاضاءه وتستغنى عن الدنيا كلها
لو تعرف حد عنده توربينات رياح يا ريت تقولى عليه هههههه

اللى فهمته الى الان
مكنه دويتس = نوع من مكاينات الري
الدينمو = مولد الكهرباء من حركة موتور مكنه الري

مين اللى هيربط الاتنين مع بعض ؟
نادر من يملك المعرفه والخبره فى ذلك

الا لو المكنه والدينمو بيتباعوا جاهزين

؟؟

فى انتظار رد حضرتك

**aliabutaleb** · 19-03-2014 01:01 PM

المشاركة الأصلية كتبت بواسطة MTAK

طب معلش و استحملونى و بلاش تتريقوا على

ممكن مهندس كهربا و يشرح لى فكره تركيب دينامو و كيفيه توصيل الكهربا بتاعته و لو على لمبه

انا شفتها فى ناشينوال جيوجرافيك (للناس اللى هاتتريق ) و لو شغلت به حتى لمبه وناسه انا اللى كسبان

تقصد الطريقة دي ؟
https://www.google.com.eg/url?sa=t&r...62922401,d.bGE

**tito29** · 19-03-2014 03:25 PM

المولد الكهربائي له عيوب كثيرة مثل الصوت و العادم و الرائحة و طبعا الموضوع مش مجرد المولد ده لازم شوية تعديلات في الكهرباء بتاعة الشقة زائد شوية مفاتيح و حاجة أسمها ats و المولد لازم يكون مزود بريموت ستارت
يعني من الأخر موضوع كبير و مزعج و أعتقد أنه مناسب أكتر لسكان الفيلات أما ساكني الشقق سوف يواجهون مشاكل لا حصر لها
بداءا من مكان المولد سواء في البلكونة و لا السطوح و لا الجراج
و بعدها الكابلات الكهربائية و مفاتيح التحويل ما بين كهرباء الحكومة أو المولد
و تروح تيحث عن العصابات أللي بتبيع البنزين ال 80 في الشارع بأكتر من سعره الرسمي
و في الأخر تخش علي مشاكل الصيانة و الأعطال
يعني من الأخر وجع قلب لا نهاية له

الحل الأمثل و الأوفر هو شوية لمبات بالشحن مع مروحة بالشحن و خلصت الحكاية و بلا وجع قلب المولدات.

**abokoko** · 19-03-2014 10:01 PM

كلام منطقي
وانا ابتديت اتردد من فكرة وضع المولد فى البلكونه
وانه ممكن العادم يدخل الشقة بالذات مع حركه الهواء لو فى اتجاه الدخول للشقه
وطبعا لو فى المنور هيسترق

**elhelwany188** · 20-03-2014 02:33 PM

السلام عليكم ورحمة الله وبركاته ...
حيرتونا معاكم ياخونا ...
يعنى المولد احسن ولا الدينمو ولا الطاقة الشمسية ولا الانفرتر ...
انا اقولكم انا هاريح دماغى واطلع البلكونة اول ما يقطع النور انا والمدام والعيال واعمل شاى وارجع لايام زمان وولع شمعتين

**hossamsmsm** · 20-03-2014 06:35 PM

يا جماعه انا دلوقتى اعمل ايه ؟؟؟
واشترى ايه ؟؟ زنزع ايه وبكام ؟؟
انا من طنطا وعندنا ناس كتير عند المحكمه فى شارع المديريه

**rotanamasoud** · 20-03-2014 08:00 PM

راجع الموضوع دهhttp://www.nilemotors.net/Nile/411407-a.html
انا جربت الانفرتر سنه وخسرت بطاريه ب400 جنيه دمرها+ انه يدوب بيشغل مروحه وتلفزيون
اما الطاقه الشمسيه فدرست الموضوع
خلاصته انك ممكن تجيب الخلايا وتقفلها الواح حتوفر300%
1كيلو واط شمسى يتكلف 1000 جنيه لاكن عايز انفرتر ب2000 كل ده مقدور لاكن عشان تشتغل بالليل حتحتاج محطه بطاريات لن تقل عن5000 جنيه وتتغير كل 5 سنين(بطاريات غاليه جدا مصنعه بتقنيه ديب سايكل) اقصى تقدير يعنى موضوع غير عملى ومحتاج فلوس كتير8000 لكل كيلو واط
يعنى الدينمو اللى جبته بيطلع 2.5 كيلو ب1100عشان تبقى شمسى تحتاج حوالى20000 جنيهوما لا يقل عن 30 متر مربع من سطح يكون الشمس ضارب فيه بقوه

**rotanamasoud** · 20-03-2014 09:02 PM

المشاركة الأصلية كتبت بواسطة new_reg

ازاى الكلام ده
ازاى يعنى دمرها ؟ هى بطاريه عربيه ولا ديب سيكل ولو كانت عربيه سايله ولا جافه

بطاريه عربيه جافه 55 امبير
الجهاز 300 واط بيسحب 25 امبير تقدر البطاريه تشغله ساعتين متواصل لاكنه دمر خلاياها ورميتها لان تصميم بطاريه العربيه امبير عالى لاكن متتفرغش للاخر تتدمر والديب سايكل بتقبل تتفرغ للاخر بدون ما تدمر خلايها بس غاليه جدا
الخلاصه سيظل توليد الكهرباء بالدينمو الارخص رغم عيوبه

**rotanamasoud** · 20-03-2014 10:50 PM

المشاركة الأصلية كتبت بواسطة new_reg

لله ينور عليك...طيب ما حضرتك فاهم اهو....بالضبط برافو عليك بطاريه العربيه مصممه بالكتير تستهلك نص قوتها متفضيهاش للاخر يعنى لو ناوى تركب بطاريه عربيه تجيب امبير عالى عشان متفضيهاش للاخر.
نقطه 2 ...300 واط يا راجل ياطيب وعايز تشغل اكتر من مروحه وتلفزيون.
نقطه 3....اراهن ان الانفرتر ده لا به شاحن داخلى او فيه شاحن لكن مش سمارت اللى هو بيفصل بعد تمام الشحن يعنى ممكن تكون البطاريه خدت اوفر تشارج.
نقطه 4....الانفرترات دى عالم وموديلات وخواص .

معاك وعشان تشغل محرك على انفيرتر لازم يطلع موجه جيبيه نقيه (ساين وايف)والا الموتور مش حيعيش معاك
وفيه شاحن داخلى وسمارت (انا غاوى اليكترونيات ومتعمق كهوايه)
كل نظام له مميزات وعيوب
مميزات الانفرتر
لاضجيج لا عادم تشغيل اوتوماتك بالكامل بدون فصل الكهرباء
تنحصر عيوبه فى قدرته المحدوده البطاريات وثمنها وعمرها الافتراضى وعيب التفريغ لو قطع النور طول
المولدات
مميزاتها شد ودور قدرات زى ما انت عايز زمن تشغيل طويل يصل ل12 ساعه متواصل
عيوبها ضجيج(يمكن تخفيفه بكاتم)زيت بنزين مكان مناسب وجع دماغ
وكل واحد بيختار النظام المناسب له مختلفناش

الموضوع: قبل الصيف - مولد كهرباء منزلى

LinkBack

أدوات الموضوع

عرض

-

-

-

-

-

-

-

المواضيع المتشابهه

مولد كهرباء هوندا

مولد كهرباء للبيع

مولد كهرباء أحتياطي للمنزل

ساعدوني ابحث عن مولد كهرباء صغير

مولد كهرباء محترم

الكلمات الدلالية لهذا الموضوع

المفضلات

المفضلات

ضوابط المشاركة