كنت بفكر اعمل مشروع لتجاره الملابس و هبدأ بكميه صغيره نسبيا و كنت محتاج حد يقولى ايه رايه فى المشروع ده و كنت محتاج عنوان او رقم مصانع او ورش تصنيع تيشيرت و ياريت لو فى الجيزه او القاهره .
ارجو اللي يقدر يفيدنى باى معلومه ميبخلش عليا :shine[1]:
عرض للطباعة
كنت بفكر اعمل مشروع لتجاره الملابس و هبدأ بكميه صغيره نسبيا و كنت محتاج حد يقولى ايه رايه فى المشروع ده و كنت محتاج عنوان او رقم مصانع او ورش تصنيع تيشيرت و ياريت لو فى الجيزه او القاهره .
ارجو اللي يقدر يفيدنى باى معلومه ميبخلش عليا :shine[1]:
حضرتك هتاجر ملابس ايه بظبط؟؟
قميص .تى شيرت. رجالى ولا حريمى ولا اطفالى؟؟
حدد انت عايز ايه و انا ممكن افيدك لو اقدر
اولا الف شكر لاهتمام حضرتك ربنا يجعل فى ميزان حسناتكاقتباس:
المشاركة الأصلية كتبت بواسطة el tanna
ثانيا ان شاء الله ناوى على تيشيرت رجالي
انا شايف افضلك تجيب مكنه طباعه التشرتات احسن بدل انت مركز على التشرت
وفى ناس بتطبع تشرتات هاى كوبى من الثرى دى الامريكى ممكن يمشى معاك برضه وحاجه مميزه
هيا الفكره كويسه بس انا اسمع ان البرنتر دى غاليه جدا ... فى عند حضرتك معلومات عن سعرها ؟!!اقتباس:
المشاركة الأصلية كتبت بواسطة Secret-Man
و شكرا لاهتمام حضرتك :shine[1]:
محدش عنده معلومه او فكره يفيدنى بيها ؟!
بص يا معلم موضوع التى شيرت الرجالى ده بسيط ان شاء الله
اى معلومه محتاجها انا تحت امرك..انا بصنع تى شيرتات رجالى برده
بالنسبه لمصانع التصنيع فى دى مفيش اكتر منها فى البلد
فى منطقه اسمها البراجيل من ارض اللواء لو جاى من شاء السودان او نزله البراجيل من الدائرى دى لو نزلت سءات هناك هتلاقى بدل المصنع 100
بالنسبه للمطابع فى دى برده موجوده فى المنطقه
شوف حضرتك عايز تعمل ايه و الميزانيه ايه وانا تحت امرك ان شاء الله
ربنا يخليك يا باشا حضرتك انا عامل حسابي على ميزانيه صغيره من 1000 ل 1500 و ناوى ان شاء الله ابتدى بكميه صغيره بس عشان مخاطرش بفلوسي كلها و ناوى ابتدى بتيشيرتات مطبوعه و جزء صغير ساده... لو امكن حضرتك تقول اسعار تقريبيه للتيشيرت الساده و تكلفه الطباعه حتى على الخاص اكون شاكر جدااقتباس:
المشاركة الأصلية كتبت بواسطة el tanna
بص فى مصنعين فى المحله من اكبر مصانع تصدير التشرتات والقمصان باعلى جوده وخامات لاوربااقتباس:
المشاركة الأصلية كتبت بواسطة omarsami2009
واحد اسمه المسيرى والتانى اسمه فوكس
ممكن تتشغل معاهم ويعملولك تصميمات وشغل ليك وتعرضه فىا لقاهره هيعمل معاك سوق قوى جدا
اما بالنسبه للثرى دى انا معرفش سعرها فى الصين لكن هى موجوده ومش غاليه وتعملك شغل كويس
الاوريجنال منها ممنوع بيعه الا لشركه ماونتن الامريكيه وسعر المكنه فقط على المعلومه الى وصلتنى 28 مليون دولار لانها مكنه مصنع مش طباعه وورق حرارى والجو ده
وده موقع الشركه فى امريكا صاحبه التصيمات الفريده من نوعها فى العالم خد فكره برضه
The Mountain T-Shirts home of Big Face Tees