المشاركة الأصلية كتبت بواسطة مدام علا
يا ريت حد يفيدنى كنت محتاجه عربيه كويسه وقطع غيارها متوفره ناس رشحولى هوندا اكورد
بس من يومين شفت بيجو 405 عجبتنى جداااا فخمه وفعلا تحس انها عربيه زى المرسيدس كده
ودورت على اسعارها لقيت مو 98 تقريبا 40000 او اكتر شويه او اقل شويه
عايزة اسال هل موفره فى البنزين وقطع غيارها متوفره وسعرها معقول؟؟؟
وهل لو حبيت اشغلها تاكسى بس على خفيف يعنى بعد الضهر كده لزوم المعيشه
حتنفع ولا بتاكل بنزين وممكن الاقى حد بيبيعها قسط مستعمل ولا ايه لانى مش حاقدر اوفر غير 20000 بس وممكن اقسط الباقى
حاسه ان العربيه دى افضل من ال
فيرنا اللى مش مقتنعه بيها واللانوس ضيقه وكمان التقفيل كله بقى مصرى غير فوائد المعارض على الزيرو
وهل البيجو 405 فيها اتوماتيك
والافضل انى اشترى من سوق السيارات
ةلا اشوف كونتاكت ولا ايه
وجزاكم الله خيرا