الموضوع: فيرنا 1600 وسحبتها ضعيفة

المشاركة الأصلية كتبت بواسطة tantawy13

سلام عليكم ازيك يا شباب يارب دايما بخير انا عندي مشكلة في عربيتي فيرنا 1600 من حوالي اسبوع كدة لقيت العربية سحبها ضعف وطلعت دخنة سودة من الشكمان 5 دقايق وبعدين الدخنة راحت بس حاسس العربية مخنوقة كان حد بيشدها لورا تاني يوم لقيت العربية بنتتش وانا ماشي زي وساخة البنزين بالظبط عملت كدة حوالي 30 كيلو وبعدين اتظبطط بعدها بيومين رجعت تنتش تاني روحت رايح عملت طقم سيرفيس غيرت سيور وبيجوهات ان جي ك وغيرت فلتر هو وبنزين وسلوك بوجيهات مشيت العربية زي الفل لمدة ساعتين تقريبا وركنت العربية مفيهاش اي مشكلة وقعد ساعة على القهوة بدور العربية بتحرك بيها لقيت الماتور بيترج جامد جدا والعربية مفيهاش عزم نهائي تفضل كدة كام ثانية بعدين تظبط وتمشي عادي بعدين تنتش تاني زي وساخة البنزين وبعدين تتخنق وفجاة تجري روحت رايح على موبيل الرماية كان فيها نص التانك تقريبا حطيت منظف رشاشات وفولت التانك ومشيت عليها حوالي 20 كيلو الرزعة راحت لكن التنتيشة لسة موجودة تفتكرو دية موبينة باظت ولو هي كدة اعرف ازاي ؟ ولا رشاشات ؟ ولا البوجيهات اللي ركبتها جديدة مرطبة ولا دي حاجة في سلوك الوجيهات الجديدة واتعبك معايا معلش لو تقولي اعرف ازاي او اجرب الحاجات دي ازاي ؟ انا اسف على الإطالة

السيد المحترم
كل المشكله هي طلمبه بنزين ( القلب بتاعها ) لا اي شيء اخرررررررررررر

يا باشا الف شكر دايما تاعبك معايا والله

الاخ الحبيب محمد ممدوح
ارجو الرد
ياجماعه الله يكرمكوا ياريت حد يرد عليا علشان انا معايا عربيه لانوس2 موديل 2007 وفيها هزه فى السلانسيه وهيا واقفه وعملت حاجات كتير ومفيش فايده
السؤال التانى الله يكرمكوا بحس وانا ماشى اثناء الملف على الشمال ان العربيه بتعلا من اليمين مش عارف المساعدين ولا ايه

المشاركة الأصلية كتبت بواسطة mohamed azzazy

الاخ الحبيب محمد ممدوح
ارجو الرد
ياجماعه الله يكرمكوا ياريت حد يرد عليا علشان انا معايا عربيه لانوس2 موديل 2007 وفيها هزه فى السلانسيه وهيا واقفه وعملت حاجات كتير ومفيش فايده
السؤال التانى الله يكرمكوا بحس وانا ماشى اثناء الملف على الشمال ان العربيه بتعلا من اليمين مش عارف المساعدين ولا ايه

السيد . محمد .

مشكلة حضرتك ديه تتعلق بكهرباء الماكينه. وحلها فى ايد فنى ميكانيكا محترم . المشكله تتلخص فى مراجعة كهرباء السياره . سواءا من موبينه او من حساس . ويجب مراجعة التقسيمه
كل ما نحتاجه من حضرتك ارسال قبل حدوث هذه المشكله . واخر صيانه قبلها
هل تم فك وش السلندر
هل تم تغيير كاتينه
هل تمت مراجعة كهرباء موبينه . تغيير حساس كرنك او كامه.
هل تم فك كوعة المياه ( بسيارة حضرتك لفك الكوعه يجب فك الكاتينه)

شكرا للاهتمام ياهندسه
والله انا غيرت سير الكاتينه وطلمبه المياه والزيوت كلها وكشفت على الكمبيوتر
مفيش حاجه
فاضل اغير الموبينه لان اللى راكبه صينى بس علشان غاليه

لو حضرتك من القاهره ممكن تاخد الموبينه بتاعتى تجرب بيها الاول قبل ما تغير

المشاركة الأصلية كتبت بواسطة moe gawad

لو حضرتك من القاهره ممكن تاخد الموبينه بتاعتى تجرب بيها الاول قبل ما تغير

ربنا يكرمك ياهندسه وشكرا على شعورك النبيل
لكن ممكن تكون هى السبب ؟