الموضوع: ايه هو اجمد مطب اكلته وعلي سرعه كام

مطب عزبة مظهر ابو العز الخرافي (ايام عزه) طريق رأس البر - المنصورة

السرعة 90 -100
بولو 99
اول ما شوفته مالحقتش ادوس فرامل خدت شمال قوي و طلعت المطب بزاوية ناحية اليمين بدون فرامل

تجربة ناجحة

لا خسائر وقتية نهائي ..العربية قفزت في الهواء تماما و نزلت على الأرض و نطت مرة و فضلت ماشية :)

بس اللي جنبه راسه خبطت في القزاز أو السقف مش فاكر و قعد يشتم فيا (لحد النهاردة) هههههههه

فكرة لذيذة لأن دايما بيكون ليها ذكرى لا تنسى

اعتقد اجمد مطب كان على طريق راس البر امام الميناء مباشرة كان سنة 2006 الساعة 12 ليلا وكنت على 100 بس المشكلة ان العربية كانت محملة 7 أشخاص (كلهم بالغين وزن اقل واحد فيهم لا يقل عن 70 ) والحمد لله العربية طارت بدون مبالغة
ومشفتش خسائر لحظتها بس بعد كده غيرت شوية حاجات كثير في العفشة والحمد لله على كل حال.......

المشاركة الأصلية كتبت بواسطة hazem_khidr

هو انا مطب علي طريق راس البر المنصوره برضه و عالي و مش باين
اخدته مره بالسويفت
و مره التانيه بالياريس:)
و الاتنين علي سرعه 100
و ما وقفتش ولا ضربت فرمله
زي ما كنت ماشي لطشت فيه
و الحمد لله مكنش فيه خساير ابدا

يبقى هو يا حازم

مطب بعد ملف
و الشرع مش منور معظم الأيام

و مافيش علامة مطب قدامة (بس مكتوب بدالها عزبة مظهر ابو العز )

مطب بس اييه كوبري ناقصه درابزين و الناس تعدي من فوقه ههههههه

لسبب ما كانوا حاطين مطب حديد لمدة يوم (مفاجأة) للناس اللي داخلة أكتوبر .. كان مكانه قدام دار الفؤاد بالضبط بس في إتجاه 6 أكتوبر .. الكلام ده من 6 شهور تقريباَ

و طبعا لأن الناس عارفة إن مفيش مطبات في الحتة دي و ده مين العبيط اللي يحط مطب علي طريق سريع من غير تحذيرات .. فا كله كان بيلبسه بثقة .. تلاقي 4 عربيات طايرين مع بعض في الهوا كدة في عرض فني جميل .. انا جي من بعيد علي 100 تقريباَ لقيت العربيات قدامي بتطير .. فرملت لحد 60 و لبسته بالباقي .. مكنش فيه خساير غير في الأعصاب الحمد لله ، و لأنه حديد فا كان عنيف شوية .