للاسف العقار مينفعش يتباع لان واحد من اخواتى الورثة معاند جدا ومش عايز يبيبع نهائيا!!
الا بعد ما ياخد ضعفنا حميعا !!!!
ربنا يفرجها عليك
ان شاء الله مفيش ازاله ولا حاجه الازاله بتكون للجديد بس لو فى سكان وكدا بيكون الموضوع صعب بس انت لازم تتابع القضه كويس مش تنام فى السكه ولو تابعت القضيه كويس اعتقد هتاخد سنين طويله وكمان لو اثبت ان الشقه ال انت فيها بقالها سنين طويله جدا والاثبات سهل عن طريق وصلات نور او غاز وخلافه
بس طبعا لازم محامى صايع ومتابعه على طول
حضرتك بترفع قضية امام محكمة القضاء الاداري تطلب فيها
وقف تنفيذ والغاء قرار الازالة
وتطلب من المحكمة ندب خبير في الدعوي
مفيش مانع انك تخلي مكتب استشاري محترم يعملك دراسة عن حالة المبني ويقول انها جيدة ،، هي صحيح الدراسة مش هتاخد بيها المحكمة لكن مش هتخسر
هيجيك الخبير ،، اتفاهم معاه
وتأكد ان المحكمة بتمشي وراء تقرير الخبير لان دي عملية فنية بحته ،، القول الفصل فيها للخبير
لا تلتفت عنه المحكمة الا اذا تلاحظ لها غش او تلاعب او تواطؤ في التقرير من اي نوع
وبالتوفيق
بص يا ياباشا انزل شوف محامى من المنطقة وهو يخلصلك القصة دى مع الحى انت مش هتعرف تتعامل معاهم وممكن يشوف مكتب استشارى يعمل تقرير بان المبنى صالح مع بعض الترميمات اللى بيسموها تنكيس وتقدم التقرير ده مع معارضة القرار --ياعم انا حميا كان عنده بيت ورث قديم ودايب يعنى تقدر تقول منهار اصلا من بيوت الجيزة القديم وكل مايطلع قرار ازالة السكان تعارض القرار وعلى كده بقالها سنين طويلة وفى الاخر نسى الموضوع ---هو حضرتك تبع حى ايه