عملت شغل في العفشة.وفي طقة بتظهر في المطبات

**mahmoudysf** · 06-03-2014 06:15 PM

السلام عليكم
انا غيرت اربع مساعدين منرو
و2 بطاحة اصلي.
و2مسمار ميزان.
2 بيض طرف.
2 بارات دركسيون
يعني اللي متغيرش في العفشة الكوبايات وجلب المقصات.وكاوتش الميزان لان العفشجي قالي حلتهم كويسة
في طقة بدات تظهر عندي بسمعها في الجنب اليمين بتظهر في المطبات اللي فيها حتتة واطية زي حفر.
رحت للعفشجي قالي كل حاجة تمام وقلي اكشف على قواعد المتور عند الميكانيكي
هل ممكن قاعدة متور تعمل الطقة دي؟؟؟؟؟؟؟
انا شاكك في الكوبايات عشان مغيرنهاش لكن هو قالي كويسة
العربية نوبيرا 1 م 97

**hany essa** · 06-03-2014 06:44 PM

هى فعلا الكوبيات اللى عامله الطقه وده مش علشان حالتها دى علشان كده راكبه غلط اتعرضت لنفس المشكله والعيب كان ان الكوبيا عايزه تتلف سنه صغيره

**MMamdouh** · 06-03-2014 07:30 PM

غالبا جلب الميزان اما مش كويسة او مش متركبة كويس

MMamdouh

**MMamdouh** · 07-03-2014 12:52 AM

انا قصدى دة... و لو محلوش يبقى الجلب مبوشة و بتخللى الميزان يخبط فى المطبات

MMamdouh

**zendo** · 21-03-2014 04:04 PM

كنت هقولك شوف مسمار الميزان لانها حصلت معايا قبل كده وغيرتة والطقة دى راحت بس كانت فى عربيتى الاوبل وبعدين غير العفشجى ده علشان شكلة مش فاهم

**sniper_ktm** · 04-04-2014 06:47 AM

حضرتك بتقول أنك غيرت بيض طرف تمام لو هوة البيض الى موجود فى أخر المقص يبأة أكيد المقص أتفك يبأة الصوت دة جاى من أن المسمار الى ماسك المقص بجسم العربية من تحت لأن أنا كان عندى نفس المشكلة فى النوبيرا صوت فى الجنب الشمال من قدام كل ما أطلع مطب أو أمشى على حتة عاليو وحتة واطية وكل الحكاية أن العفشجى نزل وربك كويس على المسمار دة وخلاص حاجة تانى لو البيض دة ممسوك بمسامير بدل البرشام الى أتفك أتأكد أن المسمار الى أتمسكت بية نفس قطر الخرمين الى فى البيض والمقص وكل مسمار يكون علية وردة سوستة ومربوط بصمولتين مش صامولة واحدة لضمان الربط وياريت يكون مسمار صلابة عالية وسن ناعم يكون أفضل

**mahmoudysf** · 04-04-2014 07:20 PM

المشاركة الأصلية كتبت بواسطة sniper_ktm

حضرتك بتقول أنك غيرت بيض طرف تمام لو هوة البيض الى موجود فى أخر المقص يبأة أكيد المقص أتفك يبأة الصوت دة جاى من أن المسمار الى ماسك المقص بجسم العربية من تحت لأن أنا كان عندى نفس المشكلة فى النوبيرا صوت فى الجنب الشمال من قدام كل ما أطلع مطب أو أمشى على حتة عاليو وحتة واطية وكل الحكاية أن العفشجى نزل وربك كويس على المسمار دة وخلاص حاجة تانى لو البيض دة ممسوك بمسامير بدل البرشام الى أتفك أتأكد أن المسمار الى أتمسكت بية نفس قطر الخرمين الى فى البيض والمقص وكل مسمار يكون علية وردة سوستة ومربوط بصمولتين مش صامولة واحدة لضمان الربط وياريت يكون مسمار صلابة عالية وسن ناعم يكون أفضل

انا مغيرتش بيض المقص انا مغير بيض الطرف او بيض البارات زي ما بيسموه
وانا اكتشف السبب وهو مسمار الميزان