عربية فى السعودية تحتاج نصيحتكم (ضئرة فى الفتيس وحركته صعبة ومبقاش سهل زى الاول)؟
لاهل الخبرة فى الفتيس (فتيس مانول وحركته ليست سلسلة؟ وكان شئ يعترضه)
السلام عليكم اخوانى الاعزاء
انا مصرى مقيم فى السعودية واشترتيب عربية هونداى اكسنت 2010 مانوال
وصف المشكلة
الفتيس كان تمام ويمشى بسلاسة وكان فى تسريب فى صوفة الفتيس ورحت للميكانيكى وغيرتها والميكانيكى قالى انه مانزل منه نقطة زيت وضرورى تحط زيت.
اخذت السيارة من الورشة والفتيس كان تمام ومشيت بها شوية لغاية ما لقيت محل زيت وتقريبا مشيت بها مسافة 2-3 كيلومتر والفتيس كان تمام وحطلى زيت اسمه سوبر جير 140 ولما شاف الزيت قالى مفيش ولا نقطة وفى رايش حديد.
بعد ما حطيت الزيت مشيت بالعربية تقريبا لمسافة 30 كيلو ولكن فى نهاية الطريق بدأت اشعر بشبه ضئرة فى الفتيس اثناء الغيارات يعنى مفيش السلاسة اللى كنت متعود عليها وكانه يحك فى شئ يمنع حركته مباشرة وذلك فى كل الغيارات
اليوم التالى للمشكلة (اللى هو امبارح)
روحت الشغل بالعربية الصبح وبدأت الاحظ اشياء غريبة والعربية واقفة حركة الفتيس سلسلة جدا ولكن عند تحرك واحاول اجيب الاول او التانى مش بيجوا بسهولة زى الاول ولكن اشعر بشئ يعترضه وعند توقف السيارة ترجع تمام
المهم عديت على ميكانيكى جربها وقالى مافيها شئ تحتاج منك حنية ولى صديق سائق جربها هو ايضا وقالى الجير ممتاز.
كل بتوع الزيت قالى لازم زيت 90 ولما كلمت الميكانيكى اللى صلحها لى قالى مشيت ليه من غير زيت انا قولتلك حط زيت علطول الزيت ال 140 عادى مش بيعمل حاجة واستنى كده كام يوم ونشوف الفتيس
الاسئلة التى تحتاج ردكم
1. هل المشى بالسيارة لمسافة 2 كيلوا او 3 كيلوا فى عدم وجود زيت رغم ان الفتيس كانت حركته سليمة جدا قد يكون هو السبب فى بوظان الفتيس
2. هل الزيت ال 140 هو السبب فى حدوث تلك المشكلة وتحتاج السيارة الى زيت 90
3. هل الصوت او الحكة الظاهرة ده من عصا الفتيس نفسها وليست من الجيربوكس ولو شحمت العصاية هتتحل رغم ان هنا مفيش حد بيعمل كده
4. هل رايش الحديد اللى شافه بتاع الزيت دليل على ان التروس اتاكلت (على فكرة قبل ما اغير الزيت من نعومة الفتيس زى الاول كنت ناوى اروح السكن واغير الزيت تانى يوم بس قولت احتياطى)
ارجوكم جوابونى باستفاضة لانى اتنصب عليا فى العربية ده جامد غيرت فيها حاجات كتير وصرفت كتير قوى وهل عادى ان الفتيس يبقى ناشف فى حركته انا بخاف احركة اكسر حاجة
وشكرا
