بعد التحيه علي احلي جروب
لظروف السفر بعد شراء العربيه بفكر ابيعها هي كامله مانيوال مو 2012 ماشيه 2800 كم فقط وفبريكه اطلب فيها كام لو حبيت ابيعها ولكم جزيل الشكر .
عرض للطباعة
بعد التحيه علي احلي جروب
لظروف السفر بعد شراء العربيه بفكر ابيعها هي كامله مانيوال مو 2012 ماشيه 2800 كم فقط وفبريكه اطلب فيها كام لو حبيت ابيعها ولكم جزيل الشكر .
هل من مســــــــــــــــــــاعد ؟؟؟؟
أنا زيك بالظبط بس أنا عامل 9000 كيلو العرية أخرها 70 ألف ماتنزلش عن كده ممكن 72 ألف أو 73 الف لكن أكتر من كده لأ
مانصحكش تبيعها هاتخسر جامد
2012 و عامله 2800 كم بس و لا تقصد 28000 كم
عموما خساره تبيعها هتخسر كتير و للاسف السوق المصرى لا يعطى الرينو حقها الفعلى
اسأل استاذ شريف
http://www.nilemotors.net/Nile/249687-a.html
لو حضرتك من اسكندريه و ناوى على البيع انا مهتم و ناوى على الشراء بس نشوف سعرها الحقيقى و ربنا يعمل اللى فيه الخير
يا جماعة ايه الاسعار دي ... العربية سعرها دلوقتي 85 الف انا عربيتي اوتو و خبير شركة التأمين ثمنها على 80000 يعني اقل 15 الف من سعرها زيرو يبقى العربية دي ممكن تعملها من 70 الف الى 75 الف
السعر فى الوثيقة بيبقى عالي علشان سبوبة التامين يبقى قسطها عالي
ايوة حضرتك بس التأمين لو القدر الله حصل توتال لوس هيرجعلك قيمة العربية السوقية او القيمة اللي في الوثيقة ايهما اقل و في نفس الوقت خدلك لفة على العربيات اللي للبيع و شوف الرنج كام
أحب أكد على كلام الأستاذ جبريل لأن تسعير العربية و وضع سعر عالى لها مش من مصلحة شركة التأمين لأن ده بيفرق في قيمة التعويض لكن السوق له كلام تانى وزى ما أنا قلت العربية ما تجيبش أكتر من 70-72 ألف بالكثير أوى يعنى دى حاجة الحاجة التانية أنا واحد صاحبى راح سأل عليها من سنة تقريبا قاله المانيوال ب 89 ألف سعرها الرسمي كان 86500 + أوفر برايس لأن التوكيل عطش العربية المانيوال في السوق و راح منزل أوتوماتيك كتير العربية المانيوال فو أوبشن عاملة عند الطارق أمبارح 81 ألف و الناس اللى بتتكلم عن تأثير الشكل الجديد على تسعير العربية أما يزود سعر المستعمل من الشكل القديم لو طلع في مشاكل يا أما يخسف بيه الأرض لو طلع كويس و عموما أحسن حاجة الواحد مايبيعش دلوقتى يصبر شوية لن في كل الأحوال العربية قطع غيارها على مدى 9 سنوات من 2004 و أنتاجها في أكتر من كذا بلد حيحتفظ بقيمتها السعرية زى ما هي
طيب ما حضرتك رديت على نفسك اهوه ..........لعبة الوثيقة انه يامن على سعر عالي ولما الحادثة تحصل هاييجي الخبير يقدرهالك بسعر تاني منخفض وابقى روح اشتكي بقى دي حركة معروفة
اما الاسعار اللي بتتكلموا فيها دي مش موجودة الرينو فى الريسيل واقع واللي مش مصدق يعرض عربيته ويشوف التفطيس اللي هايحصلها
انا باتكلم على ارض الواقع لكن انك تربط سعر العربية بسعرها الزيرو الكلام دة فى الكوري والعربيات اللي عليها قوة شرائية كبيرة
حضرتك اللوجان دلوقتي بقت من العربيات اللي ليها وزن في سوق المستعمل و التجار بقم بيوقفوني يوم الجمعة زيي زي الانوس و الفيرنا، من الاخر اللي بيحدد العربية تبقى عاملة ازاي في الريسيل بتاعها هو انتشار العربية و رأي الناس فيها و العربية منتشرة و رأي معظم الناس على العربية انها كويسة فبالتالي بقت مطلوبة، الفكرة كلها عرض و طلب
اهما التجار دول بيقولوا لاي موديل تبيع ...........ولو قولتله بايع شوف هايتمنها بكام هتلاقيه بيتكلم فى ملاليم
الكليو حققت انتشار محترم جدا .........اتفرج على سعرها فى المستعمل عامل ايه مقارنة بماركات تانية نفس موديلها
من 68 الي 70
والله اعلم