الموضوع: ما تحترم الجامع الي بتصلي فيه يا بني أدم !!! ( واتس اب في الجامع ) هل يجوز

ما تحترموا الجامع الي بتصلوا فيه !



حاجة غريبة عجيبة. وصل بينا الاستهتار. بان نستهتر بدور العبادة .... يجي الامام مثلاً قبل الصلاة يقول برجاء اغلاق المحمول ومفيش يجي يكبر من هنا. يلاقي الي ورى منو. موبايلوا عمال يرن ودقي يا مزيكااااا ... وكأن الامام. مقلش اقفلوا الموبيلات او كأن الامام بيكلم الجيران والكلام مش موجه ليه. يعني محدش يقولي والله نسيت. طيب ماهو قال. والله العظيم قال يا بني ادددددددمين استحضروا عظمت الله وبرجاء اغلاق المحمول والا هو المحمول غير الموبايل !!

@@@@@@@@@

وتستمر. مهازل المحمول في المساجد. تبص تلاقي الامام واقف. يخطب ساعة الجمعة. وعيل تافه قاعد ساند على العمود. وماسكلي المحمول وشغال وتس اب. هتقولي وعرفت ازاي انوا وتس اب هقولك كل ما تجيلوا. رسالة باسمع صوت العصفورة بتاعت موبايلوا والامام عمال يخطب. .

@@@@@@@@@@

وتستمر المهزلة اكثر واكثر الامام شغال وعمال يخطب. ويجيلك. راجل قد الشحططططططط تجيلوا مكالمه. قال ايه يطلع يرد عليها. على باب المسجد وتشوفوا وهو واقف على باب الجامع وعمال يتكلم في المحمول. لا وبعد ما يخلص مش يجي. يترزع. ويسكت بقه. لا تبص تلاقي بعد ما يقعد. يميل على ودان الي جمبوا ويقلوا احمد اتصل. وبيقلك. بعد ما تخلص. الجمعة عدي عليهم في البيت. يقوم زميلوا. مش يقلوا طيب ويسكت. لا. يقلوا. عاوز. ايه يعني ؟ التاني يقولوا انا عارف. تلاقيه عازمنا على الغدى وعاوز يفاتحك في موضوع الدكان !!! كل ده والامام عمال يقول الخطبة

@@@@@@@@@@@

وتستمر المهازل. في لعبة كده. الي هيا كتكوت. براس حمرة تقوم. ساحب الكتكوووت. زي. النبلة كده فيقوم يوقع حجات وكل ما توقع. اكتر كل ما تتنقل مرحلة تانية هتقولي وعرفت منين. هقولك ماهو كان وااااد جمبي كان قاعد يلعبها. والامام عمال يخطب . طبعاً وانا ساكت حتى لا الغوا واطلع من جمعتي او من صلاتي. رغم انهم بجد. بيغيظوا الواحد

@@@@@@@@@@@@@



وتستمر المهازل بعد كل صلاة. .... والمسجد. ساكت والدنيا هس هس. ... لانوا دور عبادة المفروض الواحد بعد اي صلاة يقعد يسبح ربوا او يمسك مصحف يقرى حاجة. وتلاقي المسجد كلوووو فاضي. والاقي واد جه قعد جمبي. ومش يسكت لا. ويجي زميلوا يرغي معاه كمان جمبي ببقى نفسي اقوم واقول صدق الله العظيم. ... ياد يا ابن اللزينة امنوا المسجد كبير وفاضي. سيبتوا الجامع كلوووو وجاين تقرفوني هنا. ما تطلعوا تقعدوا على القهوة بره ترغوا ولا حبكت جمب مني !!

@@@@@@@@@@@@

الكوميدية. بقه في صلاة الظهر واحنا بنصلي. اسمعلك واحد بيتكلم في الموبايل. الووووووو يا حج. ايووووووه. لا انا في المسجد دلوقتي داخل اصلي. .... وعمال يتكلم. تقولش واقف الاخ في سوق العبور مش في جامع استغفر الله العظيم المهم الامام كبر. وكلنا ركعنا واسمعلك الجحش ده بيقول. بصوت عالي. طيب بص. يا حج اقفل وهكلمك بعد الصلاة يالله. علشان الحق الررررررركعة. !!!!

اقسم. بالله زي ما بقلوكم كددددددددة ... ومش عارف افسر التصرفات دي عدم وعي ولا استهتار بالمكان ولا الناس بقت سايقه الهبل على الشيطنة. .... ده حتى يا راجل يا مؤمن احياناً الامام في جامع الحصري يحب يلقي كلمة بعد صلاة العشا. ومسجد الحصري زي مانتوا عارفين كبيررررررررررررررررررررر .... وتقعد تسمع الكلمة دي. وتقول. لعلى فيها افادة لكن الي بتفاجئ منوا. ان تبص تلاقي بعض الناس حبكييييييييييييت يصلي السنة في وش الامام او وفي وشك. طيب يا اخي. يا اخي. ارجع ورى الدنيا فاضية في الجامع ورى. الجامع كبير بسم الله مشاء الله روح في اي حته صلي محبكيتش يعني تيجي تصلي سنة او نافلة هنا في وش الناس وفي درس او كلمة بتتقال !!

@@@@@@@@@

حتى. دحكني واد سوري وانا بصلي في الاسكندرية في احد المرات . وانتوا عارفين اغلب مساجد اسكندرية البدروم بيعملوه جامع المهم. الامام قاعد بيخطب والاقيلك واد سوري. داخل واول ما دخل الجامع والامام بيخطب بينا لقيت الواد قال بصوت عالي ( سلالالالالالالالالالالالا م عليكممممممم ) ههههههه بس قالها بطريقة. كنت هفطس على نفسي من الدحك حسيتوا طالع من مسلسل بابا الحارة وداخل على الزعيم. وبيسلم على كل رجالة الحته. وكأن مفيش خطبة جمعة ولا في امام قاعد بيخطب. . كنت عاوز اقولوا. هلا هلا ... اهلين. ابو مهند. .... شرف أخي كاسة شاي على الماشي .

تفسر بايه بالي بيحصل ده ومحدش يقلي. اصلهم مش عارفين ان ده بيت ربنا وليه احتراموا. او ميعرفوش. مثلاً من مس الحصى في اثناء الجمعه فقد لغى ومن لغى فلا جمعة له . معقول. في ناس لاتدرك الف باء الدين او الف باء احترام دور العبادة معقول مش عارف ان ده بيت رب العالمييييين وليه حرمه وقداسة .... طيب يا اخي ده انتا لو كنت في جامعة ولا مدرسة والابله بتاعتك ولا المس. بتاعك قاعد بيشرح. معتقدش هتطلع موبايل وتقعد تلعب بيه في اثناء الخطبة او الدرس او الحصة .... ده انتا. لو امام او في بيت مدير ولا وزير ولا سفير معتقدش هتستعبط. وتقول بعلو صوووتك هاتشووووووو. وتخلي العطسه صدى صوت. يخرم ودان كل المصليين ومش ناقص غير تطلع تقولها في الميكرفون او على المأذنة فوق وبره وتعطس يا راجل ده انا حاسس ان رئتك هتطلع من مناخيرك في. عطستك دي .... ده انتا لو في بيت. ملك او حاكم معتقدش هتمسك موبايل قدام الملك وتقعد تتكلم فيه فما بالك. انك واقف في بيت مالك الملللللللللللللللللللللل لك. ربك وربي ورب كل الملوووووك . فازاي. فهمني. ازااااااااااااااااااي. متخفش وانتا عمال تدردش في بيتوا بصوت عالي وتزعج الناس الي بينها وبين ربنا اجتماع مهم . ولا هو الاحساس. انعدم عندك خلالالاص ... وصابك نوع من العته والبلاهااااااا

ايه الي بيحصل. بجد يا جماعه. ايه الي بيحصل فهموني. وان قلنا عدم وعي
طب ماهو الامام بيقول. اقفلوا الزفت المحمول قبل الصلاة وقبل ما يكبر وبرضوا مفيش فايدة كأن خلاص حبكت المكالمة في اثناء الصلاة. .... او. اسهم البورصة خلاص. هتطيررررر ولازم يعرف الاسعار لحظة بلحظة وركعة بركعة. !!!
بس الحق مش عليهم. الحق على الامام. الي المفروض يكلمهم انجليزي علشان يفهموا يقلوهم بليز. كلوز يور موبايل بليززز. او. حطوا على السايلانت. يمكن يفهموا .... او يكلمهم بالاوندي. او مثلاً ممكن يعدي على واحد واحد من المصلين ويقلوا ها قفلت المحمول يا حبيبي. لو مش عارف تقفلوا هاتوا وانا هقفلهولك ... بجد. انا مشوفتش تناحة. اكتر من كده .... ليه يا جماعه طيب لو مفيش احترام. للناس الي عندها اجتماع مهم مع ربنا. احترم. المكان يا اخي واعرف ان للمكان حرمة ... حد يصححلي. يا جماعه لو كنت غلطان . هل الموضوع ده طبيعي وانا مكبر الموضوع. ولا الموضوع ده غلط ! والناس دي بتتصرف كده ليه. !

@@@@@@@@@@

وتحياتي