تسجيل لأحد ملاك جيلي جراند دون ان يعرف (اعرف الحقيقة)

**Ahmed_m7md_A5** · 07-03-2014 03:30 PM

المشاركة الأصلية كتبت بواسطة m i d o

الموضوع كويس بس كان لازم تاخد راي صاحب السيارة انك هتسجلة وتحط التسجيل علي النت يا يوافق يا يرفض

حلو يا ميدو باشا لما تهتم بالحقوق الملكية و الفكرية :0002014a:

XD

**Ahmed_m7md_A5** · 07-03-2014 03:33 PM

بص ياباشا رأيي الشخصى ان " الحداية متحتدفش كتاكيت "
الصين لمل هتعملك حاجة حلوة هتبقى غالية أينعم ارخص من الاوروبى بس مش كتيرر مثلا فرق 15الف بالكتيير اكبر مثال عربيات mg
انما فرق 15 الف بيكون عشان عمالة رخيصة و رخص مصاريف تشغيل المصانع و الموارد و جمارك التصدير و الضرائب
فلازم يكون فيه "أنه"

**ali_saker_2010** · 07-03-2014 05:45 PM

خلاص ياجماعة لو هيبقى في مشكلة في الموضوع ... ياريت للمنسق انو يمسح الموضوع .. انا بس حبيت امحي كل الشكوك او اغلبها مش اكتر :)

**No Comment** · 07-03-2014 06:02 PM

المشاركة الأصلية كتبت بواسطة ali_saker_2010

خلاص ياجماعة لو هيبقى في مشكلة في الموضوع ... ياريت للمنسق انو يمسح الموضوع .. انا بس حبيت امحي كل الشكوك او اغلبها مش اكتر :)

أولاً يا استاذ على لا يصح انك تسجل لحد وتعرض اللى سجلته ده بدون علمه لمجرد اثبات حاجة ... اترضاها لنفسك
ثانياً حضرتك عضويتك جديدة من خمسة ايام فقط ... ممكن دى تعتبر انها دعاية مستترة للعربية وبطريقة غير مقبولة

**adel_edrees** · 07-03-2014 10:17 PM

المشاركة الأصلية كتبت بواسطة amrelsaqqa

هو عادى انك تسجل لحد كلام من غير ما يعرف وتحطه ع النت ؟

لأ مش عادى و أتفق معاك أن كان المفروض يقوله أنا حسجل أو مش حسجل هل أنت موافق حتى علشان الأخ اللى سجل ونشر ما تتحسبش عليه ده أولا
ثانيا أي حد ممكن يقوللك أن العربية كويسة لكن العربية خلاص أتعرفت مميزاتها و عيوبها و خلاص أي حد مش حيضيف جديد المشكلة هي أزاى نتغلب على العيوب و هو ده اللى بنتكلم فيه على فكرة انا بقى معاى ثلاث عربيات بأركبهم شبه يومى عربيتى الرينو لوجان و عربية الشغل الأمجراند و عربية أبن خالتى اللى في مقام أخويا الكبير نيسان صنى 2014 سوبر صالون الثلاثة يشتغلوننى ده غير عربية جارى كيا سيراتو خليجى أعلى فئة مو 2012 بأركبها كل سبوع أذن توليفة ما حصلتش لكن بعد ما أنزل من أي واحدة من دول و لا واحدة بتعلق معايا والله العظيم كل واحدة فيها مميززات و عيوب و كلهم تقريبا نفس المستوى ماعدا السيراتو أعلى شوية لكن مش أوى يعنى المهم الخلاصة أنك لأو سألت سواق تاكسى عن الفيرنا حيقوللك أشعار و حيحسسك أن العربيو مصنفة فئة أولى يا جماعة أحسن حاجة اللى بنعملها هنا بنتناول العيوب والمميزات مع بعض وشكرا

**ali_saker_2010** · 07-03-2014 10:30 PM

المشاركة الأصلية كتبت بواسطة akedwany

بص ياباشا رأيي الشخصى ان " الحداية متحتدفش كتاكيت "
الصين لمل هتعملك حاجة حلوة هتبقى غالية أينعم ارخص من الاوروبى بس مش كتيرر مثلا فرق 15الف بالكتيير اكبر مثال عربيات mg
انما فرق 15 الف بيكون عشان عمالة رخيصة و رخص مصاريف تشغيل المصانع و الموارد و جمارك التصدير و الضرائب
فلازم يكون فيه "أنه"

حضرتك راجل محترم .. ورأيك محترم .. بس لو عن تجربة كان يبقى افضل :)

**adel_edrees** · 08-03-2014 09:19 AM

المشاركة الأصلية كتبت بواسطة ali_saker_2010

تمام اعترف كان لازم اخد رأي اللي سجلتلو .. وانا مسحت التسجيل ... بالنسبة لي باقى الكلام بتاعك انا مش فاهم حضرتك عاوز توصل لي اية :) .. في رعاية الله

اللى أنا عايز أقوله أن كل عربية و فيها مميزات و عيوب و ما فيش حاجة كاملة و خصوصا في المستوى السعرى ده لكن لو عليت شوية ممكن تلاقى المميزات أكتر من العيوب و كل ما تعلى في السعر حتلاقى المميزات تكتر و العيوب تقل و بعدين توصل في النهاية أن كل واحد بيشترى على قد فلوسه