تسجيل لأحد ملاك جيلي جراند دون ان يعرف (اعرف الحقيقة)

بسم الله الرحمن الرحيم
نزلت انا و اخوية انهاردة اتفرجنا على اكتر من عربية
من ضمنهم ال ام جراند الصيني , الفيرنا , اللوجان و اللانوس
طبعا زي زي غيري مقلق من الصيني وخايف من الاشاعات اللي بتتقال علية
لكن وانا راجع من المعرض لقيت بالصدفة عربية امجراند 7 راكنة قصاد محل كوتش (بيبيع كوتش جديد مش بيصلح كاوتش العربية وكدة )
دخلت وكلمت الراجل و سألتو عنها و طلع صاحبها ودار مابينا حوار لمدة 1/3 ساعة تقريبا
عموما مش هطول عليكم انا رفعتو على الساوند كلاود ودا اللينك
https://soundcloud.com/ali-abdelwahd...7-r2y-wa7d-bel
يريت الكل يشارك :) ويقول رأيو بموضوعية وعن تجربة بلاش تأليف
واخيرا شكرا لكل اعضاء المنتدى وان شاء الله امجرنداوي ;)

ان شاء اللة مبروك عليك
ماعلش النت عندى بطئ الايام دى لو ممكن هو قال اية
واضح انة شكر جدا اى ان كان ماقالة عن السيارة فهذا لايمنع العيوب بتاعة غبور و مسئوليتة عنها واصلاحها

اه هو شكر فيها جامد ونفى كل العيوب اللي كلمتو عنها و قالي مينفعش نقارنها بالفيرنا او اللانوس او او او ... من نفس الفئة السعرية ...
قالي كمان ان في ناس بتقارنها بالالنترا وبتشيد بالثبات بتاعها و نعومة العفشة وقوتها
الفرامل فوق الممتاز
و العربية جميلة بمعنى الكلمة :) ... و لو بتفكر و مقلق متقلقش :)

اقتباس:

---

المشاركة الأصلية كتبت بواسطة ali_saker_2010

اه هو شكر فيها جامد ونفى كل العيوب اللي كلمتو عنها و قالي مينفعش نقارنها بالفيرنا او اللانوس او او او ... من نفس الفئة السعرية ...
قالي كمان ان في ناس بتقارنها بالالنترا وبتشيد بالثبات بتاعها و نعومة العفشة وقوتها
الفرامل فوق الممتاز
و العربية جميلة بمعنى الكلمة :) ... و لو بتفكر و مقلق متقلقش :)

---

دة قرارك بس نفى العيوب التى الناس اتكلمت عليها دة شئ مبالغ فية اولا انا اخى معة العربية
ثانيا حضرتك ماشفتش الصور بتاعة الصدا ولا الناس مفبركاها
السيارة كويسة بس لو غبور اصلح مابها و اهتم بها

اقتباس:

---

المشاركة الأصلية كتبت بواسطة dedi

دة قرارك بس نفى العيوب التى الناس اتكلمت عليها دة شئ مبالغ فية اولا انا اخى معة العربية
ثانيا حضرتك ماشفتش الصور بتاعة الصدا ولا الناس مفبركاها
السيارة كويسة بس لو غبور اصلح مابها و اهتم بها

---

لا انا قولت العيوب اللي اتكلمت عنها انا ... مش كل العيوب .. يعني حضرتك لو تسمع التسجيل انا متكلمتش عن الصدا لأن مش هقولو عربيتك مصدية :d :d
خلاف كدة اتكلمت عن العفشة و الفتيس و الثبات و السحب و معاملة الصيانة في ابو رواش :)

بص محدش هيختلف عالقوة الفرامل و الاوبشن و الاداء الممتع و العفشه لكن يظل موضوع الصدا نقطه سودا هتخلى الناس ماتشوفش كل المميزات ديه ..

واضح من التسجيل ان الراجل زي كتير من الناس مايعرفش مشكله الصداء

هو عادى انك تسجل لحد كلام من غير ما يعرف وتحطه ع النت ؟

الموضوع كويس بس كان لازم تاخد راي صاحب السيارة انك هتسجلة وتحط التسجيل علي النت يا يوافق يا يرفض

انا متحفظ علي للتسجيل و علي وضعه علي الموقع دون موافقه صاحبه

اقتباس:

---

المشاركة الأصلية كتبت بواسطة m i d o

الموضوع كويس بس كان لازم تاخد راي صاحب السيارة انك هتسجلة وتحط التسجيل علي النت يا يوافق يا يرفض

---

حلو يا ميدو باشا لما تهتم بالحقوق الملكية و الفكرية :0002014a:

XD

بص ياباشا رأيي الشخصى ان " الحداية متحتدفش كتاكيت "
الصين لمل هتعملك حاجة حلوة هتبقى غالية أينعم ارخص من الاوروبى بس مش كتيرر مثلا فرق 15الف بالكتيير اكبر مثال عربيات mg
انما فرق 15 الف بيكون عشان عمالة رخيصة و رخص مصاريف تشغيل المصانع و الموارد و جمارك التصدير و الضرائب
فلازم يكون فيه "أنه"

خلاص ياجماعة لو هيبقى في مشكلة في الموضوع ... ياريت للمنسق انو يمسح الموضوع .. انا بس حبيت امحي كل الشكوك او اغلبها مش اكتر :)

اقتباس:

---

المشاركة الأصلية كتبت بواسطة ali_saker_2010

خلاص ياجماعة لو هيبقى في مشكلة في الموضوع ... ياريت للمنسق انو يمسح الموضوع .. انا بس حبيت امحي كل الشكوك او اغلبها مش اكتر :)

---

أولاً يا استاذ على لا يصح انك تسجل لحد وتعرض اللى سجلته ده بدون علمه لمجرد اثبات حاجة ... اترضاها لنفسك
ثانياً حضرتك عضويتك جديدة من خمسة ايام فقط ... ممكن دى تعتبر انها دعاية مستترة للعربية وبطريقة غير مقبولة

اقتباس:

---

المشاركة الأصلية كتبت بواسطة amrelsaqqa

هو عادى انك تسجل لحد كلام من غير ما يعرف وتحطه ع النت ؟

---

لأ مش عادى و أتفق معاك أن كان المفروض يقوله أنا حسجل أو مش حسجل هل أنت موافق حتى علشان الأخ اللى سجل ونشر ما تتحسبش عليه ده أولا
ثانيا أي حد ممكن يقوللك أن العربية كويسة لكن العربية خلاص أتعرفت مميزاتها و عيوبها و خلاص أي حد مش حيضيف جديد المشكلة هي أزاى نتغلب على العيوب و هو ده اللى بنتكلم فيه على فكرة انا بقى معاى ثلاث عربيات بأركبهم شبه يومى عربيتى الرينو لوجان و عربية الشغل الأمجراند و عربية أبن خالتى اللى في مقام أخويا الكبير نيسان صنى 2014 سوبر صالون الثلاثة يشتغلوننى ده غير عربية جارى كيا سيراتو خليجى أعلى فئة مو 2012 بأركبها كل سبوع أذن توليفة ما حصلتش لكن بعد ما أنزل من أي واحدة من دول و لا واحدة بتعلق معايا والله العظيم كل واحدة فيها مميززات و عيوب و كلهم تقريبا نفس المستوى ماعدا السيراتو أعلى شوية لكن مش أوى يعنى المهم الخلاصة أنك لأو سألت سواق تاكسى عن الفيرنا حيقوللك أشعار و حيحسسك أن العربيو مصنفة فئة أولى يا جماعة أحسن حاجة اللى بنعملها هنا بنتناول العيوب والمميزات مع بعض وشكرا

اقتباس:

---

المشاركة الأصلية كتبت بواسطة no comment

أولاً يا استاذ على لا يصح انك تسجل لحد وتعرض اللى سجلته ده بدون علمه لمجرد اثبات حاجة ... اترضاها لنفسك
ثانياً حضرتك عضويتك جديدة من خمسة ايام فقط ... ممكن دى تعتبر انها دعاية مستترة للعربية وبطريقة غير مقبولة

---

ولا دعايه ولا حاجة -_- .. يعني انت لما تجيبها ان هاخد اية !!
ثانيا انا معاك كان لازم اخد رأي اللي سجلتلو و عشان كدة قولت امسحو الموضوع .. اظن مغلطش :/
ثالثا بالنسبة للعضوية ايوة طبعا جديدة و عملتها عشان اسئل على العربية دي لأن والدي هيجيب لينا عربية فا دي شدة انتباهي
بقولها تاني اهو .. يا سيادة المنسج امسح الموضوع ,,, انا كنت بحاول اساعد و ازيل الشكوك عن معظم الشكوك الخيالية ..

اقتباس:

---

المشاركة الأصلية كتبت بواسطة adel_edrees

لأ مش عادى و أتفق معاك أن كان المفروض يقوله أنا حسجل أو مش حسجل هل أنت موافق حتى علشان الأخ اللى سجل ونشر ما تتحسبش عليه ده أولا
ثانيا أي حد ممكن يقوللك أن العربية كويسة لكن العربية خلاص أتعرفت مميزاتها و عيوبها و خلاص أي حد مش حيضيف جديد المشكلة هي أزاى نتغلب على العيوب و هو ده اللى بنتكلم فيه على فكرة انا بقى معاى ثلاث عربيات بأركبهم شبه يومى عربيتى الرينو لوجان و عربية الشغل الأمجراند و عربية أبن خالتى اللى في مقام أخويا الكبير نيسان صنى 2014 سوبر صالون الثلاثة يشتغلوننى ده غير عربية جارى كيا سيراتو خليجى أعلى فئة مو 2012 بأركبها كل سبوع أذن توليفة ما حصلتش لكن بعد ما أنزل من أي واحدة من دول و لا واحدة بتعلق معايا والله العظيم كل واحدة فيها مميززات و عيوب و كلهم تقريبا نفس المستوى ماعدا السيراتو أعلى شوية لكن مش أوى يعنى المهم الخلاصة أنك لأو سألت سواق تاكسى عن الفيرنا حيقوللك أشعار و حيحسسك أن العربيو مصنفة فئة أولى يا جماعة أحسن حاجة اللى بنعملها هنا بنتناول العيوب والمميزات مع بعض وشكرا

---

تمام اعترف كان لازم اخد رأي اللي سجلتلو .. وانا مسحت التسجيل ... بالنسبة لي باقى الكلام بتاعك انا مش فاهم حضرتك عاوز توصل لي اية :) .. في رعاية الله

اقتباس:

---

المشاركة الأصلية كتبت بواسطة akedwany

بص ياباشا رأيي الشخصى ان " الحداية متحتدفش كتاكيت "
الصين لمل هتعملك حاجة حلوة هتبقى غالية أينعم ارخص من الاوروبى بس مش كتيرر مثلا فرق 15الف بالكتيير اكبر مثال عربيات mg
انما فرق 15 الف بيكون عشان عمالة رخيصة و رخص مصاريف تشغيل المصانع و الموارد و جمارك التصدير و الضرائب
فلازم يكون فيه "أنه"

---

حضرتك راجل محترم .. ورأيك محترم .. بس لو عن تجربة كان يبقى افضل :)

اقتباس:

---

المشاركة الأصلية كتبت بواسطة ali_saker_2010

تمام اعترف كان لازم اخد رأي اللي سجلتلو .. وانا مسحت التسجيل ... بالنسبة لي باقى الكلام بتاعك انا مش فاهم حضرتك عاوز توصل لي اية :) .. في رعاية الله

---

اللى أنا عايز أقوله أن كل عربية و فيها مميزات و عيوب و ما فيش حاجة كاملة و خصوصا في المستوى السعرى ده لكن لو عليت شوية ممكن تلاقى المميزات أكتر من العيوب و كل ما تعلى في السعر حتلاقى المميزات تكتر و العيوب تقل و بعدين توصل في النهاية أن كل واحد بيشترى على قد فلوسه

اقتباس:

---

المشاركة الأصلية كتبت بواسطة adel_edrees

اللى أنا عاقاوله أن كل عربية و فيها مميزات و عيوب و ما فيش حاجة كاملة و خصوصا في المستوى السعرى ده لكن لو عليت شوية ممكن تلاقى المميزات أكتر من العيوب و كل ما تعلى في السعر حتلاقى المميزات تكتر و العيوب تقل و بعدين توصل في النهاية أن كل واحد بيشترى على قد فلوسه

---

اه تمام انا فهمت حضرتك كدة ... هو فعلا كل عربية ليها المميزات و:36_7_7[1]: العيوب بس بردو .. احنا لما نقارن العربية بتمنها وبالعربيات اللي في نفس الفئة السعرية نقدر نقول انها عربية ممتازة بالنسبة للسعر ... دا اللي انا بتكلم فيه وقصدي وغرضي من الموضوع دا ... لان سبحان الله الناس اتكلمت عن العربية بطريقة خلتي اقرف منها مع العلم ان اغلب الناس بتقول رأيها بتقول من غير تجربها لمجرد الرأي مش عن تجربة ... في حين لما سألت واحد صاحب عربية قاللي انها ممتازة كعفشة و كفرامل و كثبات و كمعاملة في الصيانة الخ ... انا بصراحة اطمنت و خلاص اقنعت والدي بيها و خصوصا انها من احسن العربيات في فئاتها السعرية :) :)