كيا سبورتاج : ايقاف تشغيل خاصية Defogging Logic

السلام عليكم جميعا...

انا معايا سبورتاج تكييف تاتش ... موضوع ان لما تطفى التكييف بينقل اوتوماتيك على وضع الهواء الخارجى.

دى خاصية اسمها Defogging Logic او بالعربى "التحكم المنطقى فى إزالة الضباب" عشان متخليش الازاز يشبر بعد لما تطفى التكييف او لو مثلا على وضع الـ Defrost للازاز الامامى

محتاج الغى الخاصية دية , فلو حد عندة فكرة يا ريت يقلنا مع العلم جربت ما يلى :
اول حاجة نشغل العربية طبعا وندوس على زرار الشبورة بتاع الازاز الامامى Front Defrost
وبعد كدا ندوس على زرار الـ A/C نطفيه
بعد كدا ندوس على زرار الـ A/C بس المرادى تفضل دايس وفى نفس الوقت هتدوس على زرار إعادة تدوير الهواء خمس مرات بسرعة فى وقت اقل من 3 ثوانى.

للاسف مفيش حاجة اتغيرت

يا ريت الى عارف يبلغنا ولة جزيل الشكر

انا عندى نفس الموضوع فى الكروز

Kia Cerato / Forte Defogging Logic Deactivation - YouTube

دا كان شغال فى السيراتو تماما

فى الالنترا الهاى لاين بالتكييف التاتش مكنتش بتحتاج تفضل دايس على زرار الـ AC .. كنت تدوس زرار الـ Front Defrost وبعدين تدوس كذا مرة بسرعة على زرار الـ recirculated air وهتلاقى لمبة الزرار تنور وتطفى كذا مرة وكدا يبقى السيستم disabled

اقتباس:

---

المشاركة الأصلية كتبت بواسطة yasserelsayad

kia cerato / forte defogging logic deactivation - youtube

دا كان شغال فى السيراتو تماما

فى الالنترا الهاى لاين بالتكييف التاتش مكنتش بتحتاج تفضل دايس على زرار الـ ac .. كنت تدوس زرار الـ front defrost وبعدين تدوس كذا مرة بسرعة على زرار الـ recirculated air وهتلاقى لمبة الزرار تنور وتطفى كذا مرة وكدا يبقى السيستم disabled

---

كلام حضرتك مظبوط , دة شغال فى السيراتو وحاولت اعملة بس للاسف الوضع لم يتغير.

هجرب الخطوات الى حضرتك قلت عليها فى الالنترا , لعل وعسى ينفع.

شكرا

باشا الموضوع ابسط من كده ، حضرتك عندك 3 زراير تغيير اتجاه الهواء ، وعندك زراير فتح وفقل البوابة ، اللي فهمته ان حضرتك عايز تخلي البوابة بتاعت العريية مقفولة على طول اوتوماتيك مش مفتوحة ، صح؟؟؟؟
لو عايز تعمل كده خلي وضع اتجاه الهواء على اللي جاي من تحت مش اللي على الوجة مباشرة ، ودوس على زرار قفل البوابة ، هيثبت علي كده على طول وهتفضل البوابة مقفولة اوتوماتيك ، انما لو خليت الهواء على وضع انه يجيب الهواء على الوجة مباشرة هيفضل يفتح البوابة اوتوماتيك كل ما تدور العربية ، وطمني نفعت معاك ولا لأ ، لانها كانت بتعمل معايا كده في الكارينز وظبطت وبقت البوابة مقفولة اوتوماتيك

اقتباس:

---

المشاركة الأصلية كتبت بواسطة houseiny

باشا الموضوع ابسط من كده ، حضرتك عندك 3 زراير تغيير اتجاه الهواء ، وعندك زراير فتح وفقل البوابة ، اللي فهمته ان حضرتك عايز تخلي البوابة بتاعت العريية مقفولة على طول اوتوماتيك مش مفتوحة ، صح؟؟؟؟
لو عايز تعمل كده خلي وضع اتجاه الهواء على اللي جاي من تحت مش اللي على الوجة مباشرة ، ودوس على زرار قفل البوابة ، هيثبت علي كده على طول وهتفضل البوابة مقفولة اوتوماتيك ، انما لو خليت الهواء على وضع انه يجيب الهواء على الوجة مباشرة هيفضل يفتح البوابة اوتوماتيك كل ما تدور العربية ، وطمني نفعت معاك ولا لأ ، لانها كانت بتعمل معايا كده في الكارينز وظبطت وبقت البوابة مقفولة اوتوماتيك

---

حضرتك فهمت صح انا فعلاً عايز البوابة مقفولة على طول.

للاسف جربت الى حضرتك قلت علية الساعة 2 صباحا ومنفعش... عايز اوضح كمان ان البوابة بتفتح اول ما اقفل التكيف مش لما ادور العريية. بجد موضوع رخم:banzai:

شكر لحضرتك

اقتباس:

---

المشاركة الأصلية كتبت بواسطة eng_abdou

حضرتك فهمت صح انا فعلاً عايز البوابة مقفولة على طول.

للاسف جربت الى حضرتك قلت علية الساعة 2 صباحا ومنفعش... عايز اوضح كمان ان البوابة بتفتح اول ما اقفل التكيف مش لما ادور العريية. بجد موضوع رخم:banzai:

شكر لحضرتك

---

فعلا مابتفتحش الا لما تقفل التكييف لو دورت العربيه والتكيف شغال بتفضل مقفوله ... وده حل كويس اننا نسيب التكييف شغال ليه ؟؟ لان الكباس مابيشتغلش اصلا الا بعد مرور تقريبا 30 ثانيه من تشغيل العربيه

اقتباس:

---

المشاركة الأصلية كتبت بواسطة hossam_elwani

فعلا مابتفتحش الا لما تقفل التكييف لو دورت العربيه والتكيف شغال بتفضل مقفوله ... وده حل كويس اننا نسيب التكييف شغال ليه ؟؟ لان الكباس مابيشتغلش اصلا الا بعد مرور تقريبا 30 ثانيه من تشغيل العربيه

---

بس لما تقفل التكيف هتفضل البوابة مفتوحة على طول وهى دة المشكلة ... ولو مقفلتهاش قابل تراب ودخنة ميكروباصات ودخنة موتسيكلات واتوبيسات ... والزحمة حدث ولا حرج

هو كل رجالة الاسبورتاج متعايشين مع الموضوع دة ... ولا هو مش فارق ان البوابة مفتوحة ولا مقفولة.

هحاول اعدى على مركز الخدمة بكرة ان شاء الله. انا لسة عامل صيانة ال 1000
السلام عليكم ورحمة الله وبركاته. ..

بصراحه متعايشين معاها بس لو وصلت لحل ابقى قولنا يا باشا

اقتباس:

---

المشاركة الأصلية كتبت بواسطة Mohamed said

بصراحه متعايشين معاها بس لو وصلت لحل ابقى قولنا يا باشا

---

باشا ملهاش حل ... دة كلام مركز الخدمة :dontudear:

هتعود بعد كدة ادوس OFF على التكيف واقفل زرار وضع الهواء الخارجى. :banzai:

شكرا للجميع ...