مشكلة محيراني في هوندا 93وعاوز حل عشان اشتغالة الصنايعية

**mohandelboshy** · 07-03-2014 01:05 AM

السلام عليكم ورحمه الله وبركاته
عندي مشكلة بقالها كام يوم
العربية هوندا 93 1500 كربراتير اوتو
المشكلة هي لما بكون ماشي سواء علي سرعة او ببطئ العربية بتبطل لما بهدي واطلع مطب وادوس فرامل
وبلاحظ ان عداد الار بي ام بينزل لتحت 500 ويقرب للصفر وبعدين لما اشعر بنزين الار بي ام يطلع تاني علي 900 في الطبيعي يعني
بس انهاردة الموضوع زاد شوية وبقت بتبطل كتير كل ما ادوس فرامل
الفلاتر كلها متغيرة
والبوجيهات متغيرة
وبحط بنزين 92
وجبت طقم سلوك بوجيهات ولسه مغيرتوش لاني عندي سلك عاوز يتغير فقلت اجيب طقم واستني شوية كده واغيره
بس العربية لما بتيجي تبطل بتترج مش عارف ليه
وكل الدنيا طبيعية
وانهارده لقيت التلات ابواب الازاز الكهربا فيهم فصل لوحده ومش شغال غير باب واحد بس
مش عارف ده ايه وعاوز اعرف قبل ما اروح ان شاء الله لحد يظبط الدنيا ومش عاوز صنايعي يشتغلني ويكلفني اني اشتري حاجة وهي سليمة وميطلعش العيب منها في الاخر
وبصراحة مرضيتش اكلم سامح لاني زهقته اتصالات ومش عاوز اتقل علي الراجل اكتر من كده مع انه مبيتأخرش الصراحة
فيا ريت تفيدوني
وجزاكم الله كل خير

**mishosss** · 07-03-2014 01:21 AM

مشكلتلك فى الغالب كاربيراتير روح مركز الصفا للكاربيرتير اللى فى جسر السويس وباذن الله مشكلتك هتتحل

**mohandelboshy** · 07-03-2014 03:25 PM

المشاركة الأصلية كتبت بواسطة mishosss

مشكلتلك فى الغالب كاربيراتير روح مركز الصفا للكاربيرتير اللى فى جسر السويس وباذن الله مشكلتك هتتحل

يعني عاوز يتنضف بس ولا ايه
لانه متفكش قبل كده وخايف حد يلعب فيه

**mohandelboshy** · 07-03-2014 04:41 PM

ايه يا اهل الخير مفيش حد عاوز يقول اي حاجة

**M_Nabil** · 07-03-2014 10:05 PM

غير سلوك البوجيهات وركب اللى اشتريتهم الأول وجرب بعدين ممكن تروح لحد يظبطلك الكهرباء بتاعت المكنه وتشوف الكربراتير لو محتاج تنظيف نظفة

**engmesk2** · 09-03-2014 11:45 AM

انا كان عندي المشكلة دي واتحلت لما ظبطت الهوا في الكاربيراتير .. غالبا انت محتاج تفتح مسمار الهوا شوية .. جرب كدا وان شاء الله المشكلة تتحل ...

**Sherifmt** · 10-03-2014 12:02 PM

السلام عليكم .... ياريت تتأكد كمان ان البطارية متثبتة كويس وان كابلاتها كمان متثبته علشان نتيجة الفرامل ان لو البطارية بتتحرك وكابلاتها بتتهز ممكن تعمل تلميس وتبرجل كهربة العربية لحظة الفرملة خصوصا زي ما حضرتك تفضلت انها بتظهر بس نتيجة الفرملة وياريت تراجع كمان لو في اي اسلاك مكشوفة او مفكوكة من مكانها في حوض السيارة ممكن تكون هي السبب......تحياتي من مكه (: