المشاركة الأصلية كتبت بواسطة أبو صلاح
العربية دي ما ترجعش - خلص الكلام
وسبه يخبط راسه في الحيطة
وهو اللي محتاجك علشان التوكيل
حصل معايا موقف مع تاجر بس روقته
رحت بعت سيارة والدي في سوق الجمعة واشتراها مني تاجر وفحصها كويس وجربها والدنيا تمام
وبقينا مبلغ لخين استلام اصل الرخصة والتوكيل والمخالفات وكان ميعادنا تاني يوم بالليل
المهم ةاتصل بي تاني يوم بعد العصر قالي انت عملت التوكيل قلتله اه عملته (غلطتي) قالي طيب انا مش عايز العربية او تعمل تخفيض 5000 جنيه اللي باقي عنده قلتله مش هيحصل ولا هنزل ولا جنيه قالي اصل العربية انا بسترزق من وراها ومجابتش اللي دفعته (على اساس لو جابت اكتر من اللي دفعه هيقاسمني فيه) المهم هو اختفى يومين بيلعب باعصابي وقالي انا ممكن اروح الشهر العقاري اطلع نسخة من التوكيل وارخص العربي وضاعت عليك فلوسك
قلتله ولا يهمك دكر اعملها واعرف انا عملتلك التوكيل في اي شهر عقاري في مصر كلها لاني مش عامله في القاهرة (حوار انا عملته عليه) ونفضلته خالص
وتالت يوم اتصل بي قالي انا عايز اتكلم معاك قلتله مفيش كلام غير ماتدفع باقي اللي عليك
المهم جالي يومها باليل قعدنا على قهوة قلتله قبل اي سلام او كلام عايز باقي الفلوس لقيته هيماطل قمت سيبته ومشيت قام اتصل بي وفعلا دفع الفلوس كاملة
الاظرف انه قالي انه عايز حق المشوار من فيصل (سكنه) للمرج عندي 100 جنيه هههههه
طبعا معروف انا قلتله ايه
في الاخر كان قرب يبوس رجلي علشان اديله 50 جنيه والله ماسيبتله جنين وقلتله كلمة تانية هتحاسب انت على الشاي اللي انا شربته وانا قاعد مستنيك ههههههههههههه
ياباشا دي اشكال عايز ضرب الصرم