بالصور ҳ̸ҳ̸ҳ هل تتخيل إن محل العصير ده موجود في إمبابة !! ҳ̸ҳ̸ҳ

هل تتخيل إن محل العصير ده
موجود في إمبابة !!

بصو هو الموضوع مش دعاية ... بس زي ما بنشوف حجات وحشة في البلد وبنتكلم عنها زي مالازم لمن نشوف حاجة حلوة في البلد كمان نتكلم عنها ... المحل ده قديم وكنت زمان لو عديت على امبابة بشرب من عندوا المشروبات التقليدية. الي هيا ((يا قصب. يا منجا يا برتقان. يا فخفخينا. او تمر هندي. يا صوبيا فقط )) . وفي المواسم فرولة او رومان على حسب الموسم لكن اتفاجئ واحنا كنا بنتكلم عن المحلات السورية الي فتحت في مصر. اتفاجئ ان المحل القديم الصغير. بقه بالمنظر ده. لا ومش بس كده منيوووو طويل عريض كبيررررر بقائمة بألذ المشروبات الجميلة وسواء المشروبات جميلة ولا مش جميلة ولا في احلى منها. تيجوا نبص على منظر المحل بقه عامل ازاي !

https://fbcdn-sphotos-e-a.akamaihd.n...43011534_n.jpg

منظر الفواكة الجميلة الي تفتح النفس

https://fbcdn-sphotos-c-a.akamaihd.n...03911756_n.jpg

طبعاً عصير البوريوا الي كنت عاملكم موضوع عن العصير ده من يومين
طلع العصير منتشر مش بس في الاسكندرية

https://fbcdn-sphotos-e-a.akamaihd.n...96972041_n.jpg

شوف منظر الفاكهة ذات نفسها وهيا متعلقه بطريقة شيك وجميلة ومنظمة
بصراحة الواد الي راصص الفاكهة دي بالشكل ده بالمنظر ده ايديه تتلف في حرير وانا الحقيقة. لحد الان محتاااااار هل الفواكه الي متعلقه دي فاكهة مستوردة ولا بلاستيك بيني وبينك اتكسفت امسكها واقعد افعص فيها. بس شكلها حقيقي .

https://fbcdn-sphotos-c-a.akamaihd.n...07668744_n.jpg

حتى البنك او الكاشير... طول عمرنا نعرف ان البنك بنديلوا الفلوس بيقوم يدينا فيش الفيش الزرقة للقصب والفيش الحمرة للمنجا او البرتقان اما اني ادفع ويديني بون. دي جديدة دي بس حلو مواكبة التطور .

https://fbcdn-sphotos-h-a.akamaihd.n...28707649_n.jpg

شايفين الحلاوة والجمال بسم الله مشاء الله
الفاكهة الخضرة الي متعلقة على العمود دي اسمها افوكادوا .

https://fbcdn-sphotos-a-a.akamaihd.n...68463017_n.jpg

كوبايت الافوكادوا. دي تمنها ٦ جنية بس غراااام غرااام. بيجيب بولة فانيلية ويحط الافوكادو ويقوم ضربها. بالخلاط. بس بتبقى لذيذة وساقعه. تحفة بصراحة واول مره ادوقها في حياتي ... بس حجم الكوباية الصراحة معجبنيش يعني انا دافع سته جنية انا عاوز كوز او شبشء عصير مش عاوز. كوبيات الشوب. دي. عاوز حاجة جامبوووووووو زي بتاعت السوريين .

https://scontent-a-cdg.xx.fbcdn.net/...05951567_n.jpg

الكوباية دي. لا تتناسب مع معدة المصري ... يعني انا ضربتلي امبارح كوبايتين. افوكادوا وكوبايت عصير بطوطة ( ده موز وفرولة وبولت فانيلية وبولت ايس كريم فرولة في الخلاط ) كمان ب ٦ جنية وحسيت اني كمان مشبعيتش. فقمت طالب. طبق قنبلة. ب ٩ جنية ده بيبقى فروت سلاط مع حتت بسبوسة وحتت كنافة ... السوري بقه. بيقدم لك شبشق. عصير مليان فواكة وب ٢٥ جنية حته وحده ... بس بصفه. عامة شيء مفرح وشيء يرفع الراس إن منطقة شعبية زي جمهورية إمبابة يكون فيها محلات بهذا الرقي وهذا الجمال ... ولم اتفاجئ حتى بافتتاح فرع لكنتاكي في امبابة ... او تطور مطعم درش. او الزحمة الي عند البرينس ... فعلاً الي عاوز ياكول ويستكيف يا ينزل امبابة. يا السيدة او الحسين. .... ( بسم الله مشاء الله ) وشوف يا اخي. على الرغم من اننا زمان كوبايت العصير يوم مكانت تتمعظم. هيا ربع جنية الشوب. وبريزة الكوباية ( عشر قروش ) وعلى الرغم من ارتفاع سعر كوبايت العصير إلا اني مش زعلان وبالعكس. سعيد ان اغلب محلات العصير في مصر بدئت. تتطور. ... لذلك لمن بذكر محل زي محل عصير العسكري فدي دعوة لجميع المحلات. تهتم بالديكور بالنظافة. تقدم خدمة بجد للعميل حتى لو في حته شعبية. فالمواطن المصري. مواطن نزيه يعشق الجمال والنضافة وان الموضوع مش. اضرب كوباية. او أبل ريقي بعصير وبس .

https://fbcdn-sphotos-c-a.akamaihd.n...03911756_n.jpg

( بسم الله مشاء الله ) ربنا يوفقهم. ونشوف دايماً كل يوم حجات حلوة
في بلدنا الحبيب مصر

◆ ◇◆ ◇◆ ◇◆
▣ ▣ ▣ ▣ ▣
وتحياتي

اية دة هو انا اسيب اللف والصياعة كام شهر الاقى الحاجات الحلوة دة محلات بتفتح وحاجات غريبة كدة وانا معرفش عنها اى حاجة الله يخربيت الثانوية الى هتضيع مستقبلنا المحل دة فين بالظبط فى امبابة على فكرة دة مش محل واحدة بس دة مجموعة محلات العسكرى هيا عيلة كبيرة وانا ليا صحابى كتير منهم بس المحل دة ممكن يكون الى فى شارع الوحدة الى فى وش الكنيسة ولا فى حتة تانية

مزبوط هو محل العسكري الي في شارع الوحدة ياسيدي. ياسيدي. على الناس الي حافظة ههههه وبعدين. الي يسمع كلامك كده يقول مقطعين. الكتب من كتر المذكرة يا عيني ميعرفش انكم واخدين تالت تربع السنة اجازات ههههه ده انا من كتر الاجزات الي انتوا بتاخدوها مبقيتش عارف ابني في سنة كام دلوقتي :)

نفس نظام محل ( ابو عمرو) في ش التحرير بالدقي..

ما شاء الله شربت كل ده وكمان قنبلة لا ده كتير ياريتهم ما جددوا المحل :)
الف هنا وشفا طبعا وعقبال ما نشوف مصر كلها بتبرق كده
فكرتنى وانا ماشية في سيتى سنتر وبتفرج عالمحلات ونظافة المكان والاضافة والارضيات بتلمع
فقولت ليه متبقاش كل شوارع مصر كده ؟!!

مره كنت بسئل قريب ليا عائد بعد فترة كبيررررة غياب عن مصر
بقولوا ايه اكتر حاجة افتقدتها في مصر ومش موجودة في اوروبا تصوروا كانت اجابتوا ايه

http://media.linkonlineworld.com/Gal.../22/618829.jpg

قالي محلات عصير القصب. مش موجودة في بلاد بره والمحلات دي تميز بلد زي مصر ... بره كل معلبات اما انك تشرب عصير فريش لسه معصور وبيتعصر ويتصب قدامك دي نادرة وقليلة جداااً. ... طبعاً معرفش اذا بيتكلم جد ولا بيجامل ويفشر عليا علشان اقول يا حبيبتي يا مصر اتاري احنا عايشين في هنى ههههه واحنا مش دريانين :) ... بس فعلاً كان اول محل عصير يتفتح في السعودية. الي فتحوا واحد مصري وكان الاقبال عليه جماهيري وعلى ما اتذكر كان بيبع كوبايت القصب ب ٣ ريال الصغيرة وبخمسة. الكبيرة طبعاً دلوقتي على ما اسمع ان كوبايت عصير القصب المصري بقت ب ١٥ ريال ، ربنا يديمها على الشعب المصري نعمة ويحفظها من الزوال ... انا في عمري ما كلت عصير البطيخ وانشاء الله هجربوا واعملكم عنوا تقرير هههه. صحيح ايه اجمل عصير تنصحوني. اجربوا حاجة كده مسمعتش عنها في حياتي. لاني بسمع عن عصير فوزدق وعصير بوندق وعصير تويكس. فياريت. ياشباب تنصحوني. بعصير اشربوا من هنا ادعيلكم من هنا

http://egs1.egcdn.egexa.net/img-stat...e0f987ec62.jpg

@@@@@@@
وتحياتي

المحل ده فى شارع الوحده عند السلم اللى بيودى لشارع النصر فى ارض الجمعيه صح كده
اصل انا اتولدت و اترببت فى شارع الوحده لمدة 35 عام بس بقيت اكره انزل امبابه بعد ما عزلت اكتوبر من الزحمه

مزاجك عالى يا ابو على

شربت كل ده لوحدك مفيش رشه جريئه كده على حبايبك فى المنتدى

كده انت هيجت مركز التذوق عندى

الف هنا وشفا

اقتباس:

---

المشاركة الأصلية كتبت بواسطة S A M A

ما شاء الله شربت كل ده وكمان قنبلة لا ده كتير ياريتهم ما جددوا المحل :)
الف هنا وشفا طبعا وعقبال ما نشوف مصر كلها بتبرق كده
فكرتنى وانا ماشية في سيتى سنتر وبتفرج عالمحلات ونظافة المكان والاضافة والارضيات بتلمع
فقولت ليه متبقاش كل شوارع مصر كده ؟!!

---

ههههههههههه
واللهي. يمدام سما بفضل حارم نفسي حارم نفسي. بس اول ما. بلاقي محل حلويات. او محل عصاير مبقدرش امنع نفسي يعني حتى الي معايا بيندهشوا وبيقولوا انتا مش قلتلنا عامل رجيم هههههه. اقولهم اه بس النهرده يوم الفري ، بس انا مشكلتي. كل ما اطلع من البيت. بيبقى اول يوم فري وتاني يوم فري. وتالت يوم فري هههههه وارجع تاني اتخن تاني .... المشكلة صعب بل مستحيل. المصري ميحتفظش بالتخن في بلد زي مصر كل حاجة فيها بتخن ... اما بالنسبة لسيتي سنتر

http://cdn1.vtourist.com/4/4271355-C...Alexandria.jpg

اقولك على سر احنا بتوع القاهرة كل ما نمشي في شوارع الاسكندرية. ونشوف جمال المدينة وحلاوة الكورنيش وترتيب ونظافة الشوارع .

http://www.alboslanews.com/UploadedF...3111018955.jpg

نقول سبحان الله. يعني فيها ايه لمن محافظ القاهرة او الجيزة يهتم. بالمحافظة كده زي محافظ الاسكندرية. ... وكنا بنوق في سرنا كل ما نجي اسكندرية نبلبط في المية في الصيف. قعدنا ننق عليكم ننق عليكم. لحد ما نقلوا محافظ الاسكندرية خالص من عندكم. وجابولكم محافظ عكلكم الدنيا هناك . ههههههه ... انا بيني وبينكم بصراحة مثلاً كنت زمان بحب جرين بلازا اول ما فتح وكنت اتمنى يكون عندنا في القاهرة زيوا ... بس ايام مكان جرين دلوقتي بقى بلازا بس ... لكن الشيء بالشيء يذكر كلنا كمصرين وطنين نتمنا تكون بلدنا احسن بلد في الدنيا. بس تصوري. يا مدام سما عندنا كوبري اسمو كوبري ٦ اكتوبر. تصوري حضرتك انهم رصفو حتت منو السنة الي فاتت مش فاكر او الي قبلها بالرخام. يعني الي يمشي على رصيف الكبري فهو ماشي على على رخام ... ومفيش مباشرةً بعد الرصف. مباشرة ً كل مالكوبري يتزحم موتسيكلات وتوريسوكلات وفيزب تطلع فوق الرصيف وتمشي فوق الرخام ، ده غير أي احداث شغب الي على طول كسر واحدف ... حتى الانفاق عندنا. النفق بيتجلد من قلبوا بالرخام والجرانيت ... ويبقى منظر جميل. ورائع ... مفيش كام شهر تبتدي الانتخابات تلاقيهم شوهوا منظر الرخام والنفق كلو. باعلانات المرشحين ... القصد اقول لحضرتك اه سيتي سنتر جميلة. وممكن تبقى مصر كلها بمثل هذه النظافة والجمال والروعه والرقي بس احنا معندناش شعب يصلح ليعيش في مثل هذا المستوى من الرقي ... مع ان المواطن المصري بيحلم بهذا الشيء بس مع الاسف. هناك قلة مندسة. هتعكر صفو الاكثرية . فين مصر. ايام مكان اليونان والطليان والانجليز والفرنسوين بيهاجروا من بلادهم علشان يجو يعيشوا في مصر.... مصر الي كانت حلم. لاي واحد في العالم انو يجي يعيش فيها بقى مصر فيها نقابة للباعة الجائلين قاااااااال. لا وعاوزين يدفعوا اتنين مليار جنية ويشترو الارض بتاعت. وزارة الثقافة والفنون بتاعت العتبة . ويقول على الهوى ثقافة ايه ... هيا عدم المؤخزة الثقافة دي هيا الي هتوكلني ههههه. في برنامج (( لازم نفهم - مجدي الجلاد)) بجد. عليه العوض ومنوا العوض. خليني ساكت احسن لبتوع نقابة الباعة الجائلين يزعلوا مني ولا حاجة :) ويجو بعدين يفرشوا قدام بيتنا :) .... وتحياتي

اقتباس:

---

المشاركة الأصلية كتبت بواسطة hossam_elwani

مزاجك عالى يا ابو على

شربت كل ده لوحدك مفيش رشه جريئه كده على حبايبك فى المنتدى

كده انت هيجت مركز التذوق عندى

الف هنا وشفا

---

هنهههه. ياسلام. ياباشا دا احنا نلفلك كوبايت العصير تيكاوي ونبعتهالك لحد عندك. ... بس حتت حبايبي الي في المنتدى. هيبقى صعب شويةه لانها كتاااار وكده هبقى محتاج ثروة ... ده الكوباية بسته جنية :) لا ابداً. واللهي ده الود ودي. واللهي نتقابل كلنا عند اي بتاع عصير ونعمل لقاء جماهيري كده . ياباشا .... وتحياتي

اقتباس:

---

المشاركة الأصلية كتبت بواسطة douha_wise

المحل ده فى شارع الوحده عند السلم اللى بيودى لشارع النصر فى ارض الجمعيه صح كده
اصل انا اتولدت و اترببت فى شارع الوحده لمدة 35 عام بس بقيت اكره انزل امبابه بعد ما عزلت اكتوبر من الزحمه

---

امبابة اتغيرت ياباشااا خالص عن ايام زمان
ده كنتااااكي كنتاكي. فتح هناك دلوقتي. ومش بعيد تنزل. تلاقي مكدونلز وهارديز وبيتزا هات فاتحين في شارع الوحدة. ... مع اني حاسس ان لو حصل خلاف لاقدر الله على كيس كاتشب زيادة . ولا نسيوا يحطوا ظرف البطاطس لا سمح الله . هتبص تلاقي الآلي طلع والرشاشاااااااات والسنج والسيوف ومش بعيد يحتجزوا مدير كنتاكي رهينة هههههه ... تحياتي ليك ياباشا ولكل حبايبنا هناك في امبابة :)

بيعجبني فيك انك صاحب مزاج

هترجعنا لايام زمان لما كنت بشرب الكباية الكبيره دي بربع جنيه وايام لما كنت برجع من الشغل كل يوم اعدي علي المعصره اجيب شوب عصير واروح ايام !!
دلؤقتي لما بشوف المعصره هنا بدخل اشرب منها بحس اني بشرب عصير زعزيع

دة انا غلباااااااااان ثانوية عامة والعيشة مرة مفيش اجازة يا بية ولما اجلو المدارس فرحنا وقولنا هيلغو حاجة لغو فى المواد الهايفة يا بية وسايبين الكيميا والفيزيا والرياضة واحنا غلابة يا بييييية

بالهنا و الشفا يا عمدة فيه عندنا فى مصر ان الناس بتقلد بعض يعنى تلاقى محل موبيل فتح فتلاقى تلات اربع محلات اتفتحت هى كمان فيا ريت الناس تقلدهم فى النظافة و مش العكس و العدوى دى تنتشر

بالنسبة لكنتاكى هم نفسهم حلوة شويه دونا عن باقى الماركات يعنى هم فاتحين كذا فرع فى شارع السودان و فيه واحد عند ارض اللوا يعنى فى حتت تعتبر مش هااى قوى بس ماتلاقيش غيرهم بس اللى فاتحين

ما شاء الله بالهنا والشفا يا عمدة

ده تلاقيه كان شغال فى السعودية و شاف 50 فاكهة اللى فى الرياض و قال يعمل زيه