لاحظت بالصدفة أثناء غسيل العربية ان الرفرف الشمال غير مربوط كويس يعنى عندما أضغط على الرفرف بيروح و بيجى مش ثابت بالعكس من الرفرف اليمين المربوط كويس و السؤال كيف أقوم بتربيط الرفرف الشمال و اين أجد مسامير التثبيت الخاصة به و شكرا
عرض للطباعة
لاحظت بالصدفة أثناء غسيل العربية ان الرفرف الشمال غير مربوط كويس يعنى عندما أضغط على الرفرف بيروح و بيجى مش ثابت بالعكس من الرفرف اليمين المربوط كويس و السؤال كيف أقوم بتربيط الرفرف الشمال و اين أجد مسامير التثبيت الخاصة به و شكرا
ده طبعا من الايد المصرية الي قفلت العربية
تسلم الايادي
ابعد عن العربية ديه .....................
ما يمكن اللبانة اللى حاططها غبور و ساند بيها الرفرف وقعت
ما علش يا أستاذ رمضان هو حضرتك مالك للسيارة علشان أنت كاتب أن عندك لانوس لذا وجب الأعتذار بس خفة دم حضرتك هي اللى خلتنى عايز أهزر معاك و ماعلش تقبل أعتذارى و ما تزعلش منى أنا أسف
يا أستاذ عادل هزر على كيف كيفك انا كان معايا سكودا فليشيا و بعتها و اشتريت لانوس 2012 وبعتها علشان أشترى اكتافيا خليجى و لما بعتها صاحب الاكتافيا غدر بيا فاشتريت لانوس 2013 تانى جالى حالة من عدم قبول العربية لأنى تسرعت فى شرائها و خاصة انى بعدت لانوس 2012 و هى عاملة 7600 كيلو و كل أصحابى قالو طالما بعت لانوس تروح تشترى لانوس تانى و بعتها و هى عاملة 4200 كيلو و اشتريت الزبالة جيلى .......
ماهو انت معذور انت وكل الذين اشتروا عربية 4 نجوم فى اختبار السلامة وبدات تنتشر فى دول كتير ومشكورة والمفروض اسم كبير وراها فى السوق المصرى والاوبشن فيها جنان كل الكلام دة اى حد ممكن يتخدع فية
بس صدقنى العيب موش على غبور العيب علينا و على الدولة لانة الجواب كان باين من عنوانة عربية جديدة وبها مشاكل فبرة التانك وبكرة الكرسى كاسيت زبالة ووواير الفتيس ودهان زفت وصدا ولسة ناس بتشتريها و هى عارفة مابها ماذا تقول عنهم واين دور الدولة و حماية المستهلك من حماية الناس من الذين اشتروا الوهم و اتنصب عليهم دة انا لو باشترى عربية ولقيت صدا بها لن اشتريها فما بالك بعربيات لسة مالينتش
طب لية الناس بتشكر فيها والعربية ملت الشوارع
الحل الوحيد حملة لا لجيلى المصدية على النت و لكل واحد يسأل فى الشارع و لكن مع الأسف الشديد العربية لسة بتتباع علشان بعض مالكى العربية بشكروا فيها لو حد سألهم علشان يقولوا مضحكش عليهم و لو كل واحد نصح بما يرضى الله و قال كل عيوبها العربية و الله مش هتتباع و لا هتشوفوها تانى فى المعارض. الكثير من اصحاب المعارض اكدوا انهم مش هيشتروها. العيب علينا نحن اللى بنقدم نصيحة و احنا عارفين عيوبها علشان ندارى المقلب اللى اتعمل معانا .........
مين قال لحضرتك ان محدش متابع النت النت دلوقتى اصبح طبيبك الأستشارى و مفيش حل مع غبور و لا حماية المستهلك اللى هم أصلا موظفين عند غبور بعد الظهر الحل الوحيد حملة لا لجيلى المصدية على النت و فى الشارع و أنا متأكد ناس كتير لما بتشوف العربية بتسأل عليها و تقول لصاحبها العربية ديه عاملة معاك ايه و مفيش غير رد واحد عربية زبالة و توكيل زبالة و تقول كل عيوبها بما يرضى الله
أنا مع فضح العربية و التوكيل بأى صورة ولكن حل قانونى أبقى قابلنىىىىىىىىىىىىىى
هو كدة كويس انة بدا تتفاعل و لكن انا شايف انة الاعتماد فقط على النت او حملة خليها تصدى لن تجدى كثيرا وكمثال مواضيع الصدا هنا على المنتدى و المفروض انة موجود فى منتدى نايل موتورز الذى بيتابعة الاف كام مشاهدة لة 100 او 200 مشاهدة هل تعتقد انة سوف يؤثر كثيرا مع غبور
لا زم الناس تحس بهذة الحملة عن طريق الاعلام او جريدة تكون امينة او عمل شكوى جماعية بعدد كبير فى حماية المستهلك وطبعا صور فى المعرض القادم للسيارات وفكرة و ضع سيارة امام غبور فى فروع المبيعات وليس الصيانة وبنفس فكرة السوبارو اعتقد ودة كان فى العراق تقريبا هاتبقى هايلة انما الاعتماد على النت فقط فانا اختلف معك